• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  విశాఖ మేయర్ పీఠం : బిగ్...

విశాఖ మేయర్ పీఠం : బిగ్ మ్యాజిక్ ఫిగర్ ని రీచ్ కావాల్సిందే !

| విశాఖ మున్సిపల్ కార్పోరేషన్ ఏపీలో అతి పెద్దది. 99 మంది కార్పోరేటర్లతో కొలువు తీరింది.

By - Tupaki Desk
Update: 2025-03-20 17:30 GMT

విశాఖ మున్సిపల్ కార్పోరేషన్ ఏపీలో అతి పెద్దది. 99 మంది కార్పోరేటర్లతో కొలువు తీరింది. ఈ కార్పొరేషన్ మేయర్ పీఠాన్ని చేజిక్కించుకోవడానికి టీడీపీ కూటమి వేగంగా పావులు కదుపుతున్న సంగతి విధితమే. హైకమాండ్ నుంచి ఇపుడు సానుకూలత వచ్చిందని పీఠాన్ని ఇక గెలుచుకోవడమే తరువాయి అని పార్టీ వర్గాలు చెబుతున్నాయి.

విశాఖ మేయర్ మీద అవిశ్వాసం పెట్టాలి అంటే కొంతమంది సభ్యులతో నోటీసు ఇవ్వవచ్చు. కానీ ఆ అవిశ్వాసం నెగ్గాలి అంటే భారీ మ్యాజిక్ ఫిగర్ అవసరం అని నిబంధనలు చెబుతున్నాయి. విశాఖ మున్సిపల్ కార్పోరేషన్ మొత్తం 99 మంది కార్పోరేటర్లతో పాటు ఎక్స్ అఫెషియో మెంబర్స్ తో కలుపుకుని 112 మందితో బలం ఉంది. ఇందులో మూడింట రెండు వంతుల మంది మద్దతు ఉంటేనే మేయర్ ని దించడం జరుగుతుంది. అంటే 75 మంది అవిశ్వాసానికి అనుకూలంగా ఓటు వేయాల్సి ఉంటుంది.

ఇక చూస్తే వైసీపీకి కార్పొరేషన్ లో 40 మంది దాకా కార్పోరేటర్లు ఉన్నారు. సీపీఐ సీపీఎంకు చెరొకరు ఉన్నారు. వీరి మద్దతు కూటమికి అవిశ్వాసం వేళ దక్కదని అంటున్నారు. దాంతో ఎంత వైసీపీ నుంచి ఫిరాయింపులు చేసినా 75 మంది సభ్యుల మద్దతు దక్కుతుందా అన్నది చర్చగా ఉంది.

తెలుగుదేశం కూటమికి ఈ రోజుకు 70 మంది దాకా మద్దతు ఉన్నట్లుగా చెబుతున్నారు. మరో అయిదుగురి కోసం వేట సాగుతోంది. వైసీపీ నుంచి ఆ అయిదుగురు కనుక ఈ వైపునకు దూకితే విశాఖ మేయర్ టీడీపీ కూటమి వశం అవుతుంది అని అంటున్నారు.

మరో వైపు చూస్తే కనుక మేయర్ ని దించేందుకు కూటమి సర్వ శక్తులను సిద్ధం చేసుకుంది అని అంటున్నారు. సాధ్యమైనంత తొందరలోనే అవిశ్వాసం నోటీసు ఇచ్చి ప్రత్యేక సమావేశం పెట్టించాలని చూస్తున్నారు. ఇక చూస్తే కనుక వైసీపీ టీడీపీ కూటమికి ఆ బిగ్ ఫిగర్ అందకుండా చేయాలని చూస్తోంది. 75 మంది మద్దతు కూటమి పొందడం అసాధ్యమని వైసీపీ భావిస్తోంది. ఈ క్రమంలో తమ వైపు ఉన్న వారిని కాపాడుకునే పనిలో ఉంది.

అయితే వైసీపీ కార్పోరేటర్లను తిప్పుకునేందుకు కూటమి అనేక రకాలుగా ప్రయత్నాలు చేస్తోంది. దీంతో విశాఖ మేయర్ పీఠం కోసం ఎత్తులు పై ఎత్తులు సాగుతున్నాయి. ఎవరి ఇందులో విజేత అవుతారు అన్నది ఉత్కంఠగా మారుతోంది. ఇక విశాఖ మేయర్ పదవిని కూటమికి దక్కించే విషయంలో బాధ్యత తీసుకుని ముందుకు అడుగు వేస్తున్నది సీనియర్ ఎమ్మెల్యే వెలగపూడి రామక్రిష్ణ బాబు అని అంటున్నారు. ఆయన ఈ విషయంలో వ్యూహాత్మకంగా వ్యవహరిస్తూ అటు హైకమాండ్ తో సంప్రదింపులు జరుపుతూ ఇటు కూటమికి మద్దతు సమకూరుస్తున్నారు అని అంటున్నారు.

విశాఖ మేయర్ గా కూటమి తరఫున టీడీపీ ఫ్లోర్ లీడర్ గా ఉన్న పీలా శ్రీనివాసరావు పేరు వినిపిస్తోంది. బలమైన బీసీ సామాజిక వర్గానికి చెందిన ఆయననే 2021 ఎన్నికల్లో తమ పార్టీ మేయర్ అభ్యర్థిగా అప్పట్లో టీడీపీ ప్రొజెక్ట్ చేసింది. దాంతో నాలుగేళ్ళ తరువాత అయినా ఆయన కోరిక ఈ విధంగా తీరబోతోందా అన్న చర్చ అయితే సాగుతోంది.

Tags:    
  • VisakhapatnamMayor 
  • TDP 
  • Visakhapatnam 
  • APGovernment 
  • Chandrababu 
  • Appolitics 
  • PeelaSrinivasRao 

Similar News

2019 లెక్కలు వేరు.. 2024 తర్వాత పరిస్థితి వేరు : జగన్ కేసుల్లో ఈడీ దూకుడుకు కారణమిదేనా?

2026-11-18 11:46 GMT

టెక్నాలజీనే టెన్షన్ పెడుతోంది.. టెక్ ప్రపంచానికి పీడకలగా నవంబర్

2026-11-18 11:29 GMT

హైదరాబాద్ హోటళ్లలో బొద్దింకలు.. గడువు ముగిసిన సాసులు కూడా!

2026-11-18 11:28 GMT

జెండా గుర్తును జేబులో పెట్టుకున్న మోడీ.. పక్కనే ఉన్న ట్రంప్ ఏమన్నారంటే?

2026-11-18 11:22 GMT

ఖబర్దార్ బిడ్డా.. యుద్ధం స్టార్ట్ అవుతది.. రేవంత్‌రెడ్డిపై రాజగోపాల్ రెడ్డి సంచలన వ్యాఖ్యలు

2026-11-18 10:06 GMT

ఎన్టీఆర్ విగ్రహానికి అయ్యే ఖర్చుతో మెడికల్ కాలేజీలు కట్టొచ్చు కదా.. ప్రభుత్వానికి పేర్ని నాని సూటి ప్రశ్న

2026-11-18 10:02 GMT

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

గ్రామ సర్పంచ్ : పదవి మాత్రమే కాదు.. ఊరి గుండె చప్పుడు!

2026-11-18 09:55 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

వీడియో కాల్ చేసి మరీ లొంగిపోమన్నారు.. వినని లష్కరే కమాండర్ ను లేపేశారిలా..

2026-11-18 07:13 GMT

ఏఐకి పోటీగా ‘హ్యూమన్’.. 2026 వర్డ్ ఆఫ్ ది ఇయర్‌గా ఎంపిక!

2026-11-18 07:07 GMT

వారం రోజుల్లో 2 లక్షల కాపీలు.. సోనియా గాంధీ పుస్తకానికి భారీ స్పందన!

2026-11-18 07:06 GMT

Copyright @2026

Powered by Blink CMS