• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  సంతకాలతో పెట్టుబడులు...

సంతకాలతో పెట్టుబడులు వస్తాయా బాబూ ?

| ఏపీలో లక్షల కోట్లు పెట్టుబడులు వచ్చాయని టీడీపీ కూటమి ప్రభుత్వం చెబుతోంది. దీని మీద అయితే పెద్ద ఎత్తున చర్చ సాగుతోంది.

By - Tupaki Desk
Update: 2025-01-11 03:00 GMT

ఏపీలో లక్షల కోట్లు పెట్టుబడులు వచ్చాయని టీడీపీ కూటమి ప్రభుత్వం చెబుతోంది. దీని మీద అయితే పెద్ద ఎత్తున చర్చ సాగుతోంది. మామూలుగా అయితే ఒక ఒప్పందం కుదిరిన తరువాత అది గ్రౌండింగ్ అయ్యేసరికి చాలా సమయం పడుతుంది. అపుడే ఆ ఫలితాలు ఫలాలు వచ్చాయని చెప్పుకోవాల్సి ఉంటుంది.

అయితే ఒక సంస్థతో ఒప్పందం కుదరగానే సంతకాల తడి ఆరకముందే ఏపీకి వేల కోట్లు పెట్టుబడులు వచ్చాయని మొత్తం లక్షల కోట్లతో ఏపీ సుభిక్షంగా ఉందని చెప్పుకోవడం జరుగుతోంది. దీని వల్ల అతి ప్రచారం జరిగి అసలుకే ఎసరు వస్తుందా అన్న చర్చ ఉంది.

ఎందుకంటే ఈ రోజుకీ కఠిన వాస్తవం ఏంటి అంటే ఏపీకి రాజధాని లేదు అన్నది, రాజధాని నిర్మాణానికి అవసరమైన నిధుల కోసం ప్రపంచ బ్యాంక్ రుణంగా తెచ్చుకుంటున్న నేపథ్యం ఉంది. లక్షల కోట్ల వార్షిక బడ్జెట్ అని చెప్పుకుంటున్నా ఒక పదిహేను వేల కోట్లు నేరుగా రాజధానిలో మౌలిక వసతుల కోసం కేటాయించుకోలేని పరిస్థితులు ఉన్నాయి.

ఇక ఏపీలో అప్పు చూస్తే కొండలా పెరిగిపోతోంది. ఈ విధంగా ఉంటే ఏపీకి లక్షల కోట్ల పెట్టుబడులు అని ప్రచారం చేసుకోవడం వల్ల ప్రజలలో లేని పోని ఆశలు కల్పించి అవి కాస్తా వేళ్ళూనుకుని వట వృక్షాలు అయ్యాక ఉపాధి ఇంకా రాలేదని వారే వగచి వాపోయి చివరికి అదంతా వ్యతిరేకతగా మారితే అపుడు బూమరాంగ్ అవుతుంది కదా అన్న చర్చ కూడా ఉంది.

ఇదిలా ఉంటే ఏపీకి సంబంధించిన పెట్టుబడుల గురించి ముఖ్యమంత్రి చంద్రబాబునాయుడు తాజాగా కీలక వ్యాఖ్యలు చేశారు. కేవలం ఆరు నెలల కాలంలో నాలుగు లక్షల కోట్ల రూపాయలు పెట్టుబడులు వచ్చాయని ఆయన లెక్క వేసి మరీ చెబుతున్నారు.

గతంలో ముప్పయ్యేళ్ళ క్రితం ఏమీ కాని స్థితి నుంచి హైదరాబాద్ ని అభివృద్ధి చేశామని చెపుకొచ్చారు. ఏపీని కూడా ఆ విధంగానే అభివృద్ధి చేస్తామని కుదేలు అయిన నిర్మాణ రంగాన్ని బలోపేతం చేస్తామని బాబు అంటున్నారు ఇవన్నీ మంచిదే కానీ లక్షల కోట్ల పెట్టుబడుల విషయంలోనే అంతా చర్చిస్తున్నారు.

తెలుగుదేశానికి చంద్రబాబుకు అధికారం అయితే కొత్త కాదు 2014 నుంచి 2019 మధ్యలో కూడా ఆనాడు సీఎం గా ఉన్న చంద్రబాబు ఇదే తీరున లక్షల కోట్లు పెట్టుబడులు వచ్చాయని చెప్పారని గుర్తు చేస్తున్నారు. అంతే కాదు 2019 నుంచి 2024 మధ్యలో జగన్ సైతం అనేక లక్షల కోట్ల పెట్టుబడులు ఏపీకి వచ్చాయని చెప్పారు.

ఇలా ఏపీ విడిపోయాక ఇద్దరు సీఎంలు పెట్టుబడుల మీద అదే పనిగా ఊదరగొట్టారని కూడా అంటున్నారు. విషయం ఏంటి అంటే ఏపీ ఆర్థికంగా ఇబ్బందులలో ఉంది అని అంతా అంటున్నారు. ఏపీ ఈ రోజు మౌలిక వసతుల కల్పనకు కూడా నిధులు వెతుక్కోవాల్సి వస్తోంది. అమరావతి రాజధాని విషయమే తీసుకుంటే అప్పులో కోసం చూస్తున్న నేపథ్యం ఉందని అంటున్నారు.

మరి కేవలం పదిహేను వేల కోట్ల రూపాయల చిన్న మొత్తాన్నే ఏపీ సమకూర్చుకోలేక అవస్థలు పడుతున్న వేళ ఈ లక్షల కోట్ల పెట్టుబడులు ఎక్కడికి పోయాయని ప్రజలు అనుకుంటున్నారు. అభివృద్ధి అన్నది కనిపించాలి కదా అని అంటున్నారు. నిజంగా పెట్టుబడులు లక్షలలో వచ్చినట్లు అయితే గ్రౌండింగ్ అయిన పరిశ్రమలు ఎన్ని అని కూడా జనాలలో ఉన్న సందేహంగా ఉంది. ఒక పరిశ్రమ స్థాపనకు ఎంత సమయం పడుతుంది అన్నది ఇప్పటి ప్రజలకు అవగాహన ఉందని అంటున్నారు.

ఇక లక్షల కోట్ల రూపాయల పెట్టుబడులు వస్తే ఏపీ దేశంలో సంపన్న రాష్ట్రంగా మారుతుందని అంటున్నారు. సంతకాలు చేస్తే పరిశ్రమలు వచ్చినట్లు కాదని అంటున్నారు. అవి క్షేత్ర స్థాయిలోకి వచ్చినపుడే ఫలితాలు ఉంటాయని అంటున్నారు. ఆ దిశగా ప్రజలలో కూడా చైతన్యం ఉందని గుర్తు చేస్తున్నారు. ఏది ఏమైనా టీడీపీ కూటమి ఒప్పందాలు కుదుర్చుకున్న అన్ని ప్రాజెక్టులు అమలులోకి రావాలని ఏపీ అగ్ర స్థానంలో ఉండాలని అంతా కోరుకుంటున్నారు.

Tags:    
  • Chandrababu 
  • Apgovernment 
  • Appolitics 
  • Chandrababunaidu 
  • Aponvestments 
  • Tdpleaders 
  • YSRCP 
  • Ndaalliance 
  • TDP 

Similar News

2019 లెక్కలు వేరు.. 2024 తర్వాత పరిస్థితి వేరు : జగన్ కేసుల్లో ఈడీ దూకుడుకు కారణమిదేనా?

2026-11-18 11:46 GMT

టెక్నాలజీనే టెన్షన్ పెడుతోంది.. టెక్ ప్రపంచానికి పీడకలగా నవంబర్

2026-11-18 11:29 GMT

హైదరాబాద్ హోటళ్లలో బొద్దింకలు.. గడువు ముగిసిన సాసులు కూడా!

2026-11-18 11:28 GMT

జెండా గుర్తును జేబులో పెట్టుకున్న మోడీ.. పక్కనే ఉన్న ట్రంప్ ఏమన్నారంటే?

2026-11-18 11:22 GMT

ఖబర్దార్ బిడ్డా.. యుద్ధం స్టార్ట్ అవుతది.. రేవంత్‌రెడ్డిపై రాజగోపాల్ రెడ్డి సంచలన వ్యాఖ్యలు

2026-11-18 10:06 GMT

ఎన్టీఆర్ విగ్రహానికి అయ్యే ఖర్చుతో మెడికల్ కాలేజీలు కట్టొచ్చు కదా.. ప్రభుత్వానికి పేర్ని నాని సూటి ప్రశ్న

2026-11-18 10:02 GMT

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

గ్రామ సర్పంచ్ : పదవి మాత్రమే కాదు.. ఊరి గుండె చప్పుడు!

2026-11-18 09:55 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

వీడియో కాల్ చేసి మరీ లొంగిపోమన్నారు.. వినని లష్కరే కమాండర్ ను లేపేశారిలా..

2026-11-18 07:13 GMT

ఏఐకి పోటీగా ‘హ్యూమన్’.. 2026 వర్డ్ ఆఫ్ ది ఇయర్‌గా ఎంపిక!

2026-11-18 07:07 GMT

వారం రోజుల్లో 2 లక్షల కాపీలు.. సోనియా గాంధీ పుస్తకానికి భారీ స్పందన!

2026-11-18 07:06 GMT

Copyright @2026

Powered by Blink CMS