• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఆమంచిని పట్టించుకోని...

ఆమంచిని పట్టించుకోని వైసీపీ అధిష్టానం

By - Tupaki Desk
Update: 2020-05-21 11:30 GMT
భర్త లేని విధవని.. పదవి లేని రాజకీయ నాయకుడిని ఎవరూ పట్టించుకోరనే నానుడి రాజకీయాల్లో ఉంది. అది ఇప్పుడు అక్షరాల నిరూపితమవుతోంది. రాజకీయ పదవి లేని వారిని చీపురుపుల్ల కంటే హీనంగా చూసే సంస్కృతి మన రాజకీయాల్లో ఉంది. నేతలు కూడా పదవి లేని కారణంగా బయటకు రాకుండా మౌనంగా ఉండిపోతారు. చాలా మంది కనుమరుగైపోతారు కూడా.

ప్రకాశం జిల్లా వైసీపీలో ఆధిపత్య పోరు పతాక స్థాయికి చేరింది. వైసీపీ ఇన్చార్జి ఓ వైపు.. టీడీపీ నుంచి ఎమ్మెల్యే గా గెలిచి వైసీపీలో చేరి చక్రం తిప్పుతున్న నేత మరోవైపు చేరి ప్రకాశం రాజకీయాల్లో హీట్ పుట్టిస్తున్నారు.

చీరాల నియోజకవర్గంలో అధికార వైసీపీ నేతల పంచాయితీ ఇప్పుడు మంత్రి బాలినేని శ్రీనివాసరెడ్డి వద్దకు చేరింది. వివిధ అంశాల్లో ఆధిపత్యంపై చీరాల ఎమ్మెల్యే కరణం బలరాం, ఆయన కుమారుడు వెంకటేశ్, అటు మాజీ ఎమ్మెల్యే, వైసీపీ ఇన్చార్జి ఆమంచి కృష్ణమోహన్ లు పరస్పరం మంత్రి బాలినేనికి ఫిర్యాదు చేశారు. దీంతో చీరాల రాజకీయం రచ్చకెక్కింది.

మొన్నటి ఎన్నికలకు ముందు వైసీపీలోకి ఆమంచి కృష్ణమోహన్ చేరి చీరాల టికెట్ పొంది పోటీచేశారు. ఓడిపోయారు. దీంతో వైసీపీ చీరాల ఇన్ చార్జిగా కొనసాగుతున్నారు. కొద్దినెలల క్రితమే టీడీపీ నుంచి పోటీచేసి ఆమంచిని ఓడించిన ఎమ్మెల్యే కరణం బలరాం వైసీపీలో చేరారు. దీంతో అధిష్టానం ఆయనకే ప్రాధాన్యం ఇస్తోంది.

ఇటీవల వలంటీర్ల నియామకాల సందర్భంగా కరణం వర్సెస్ ఆమంచి ఫైట్ ప్రారంభమైంది. తమ అనుచరులకు పోస్టులు ఇప్పించుకునేందుకు ఇద్దరూ పోటీపడగా.. మంత్రి బాలినేని సిఫార్సు మేరకు ఉద్యోగాలు లభించాయి. కరణం వర్గానికే ఎక్కువ పోస్టులు దక్కాయి. దీంతో ఆమంచి నొచ్చుకున్నారు.

తాజాగా అధికారుల బదిలీల వ్యవహారం తెరమీదకు వచ్చింది. పోలీస్ సహా ఇతర శాఖల ఉద్యోగుల బదిలీపై ఎమ్మెల్యే బలరాం, ఆయన కుమారుడు వెంకటేశ్ మంత్రి బాలినేని కలిసి బదిలీల జాబితాను అందజేసినట్టు తెలిసింది. ఆమంచి అభివృద్ధికి అడ్డుపడుతున్నాడని ఫిర్యాదు చేశారట.. విషయం తెలుసుకున్న ఆమంచి, ఆయన సోదరుడు కూడా విజయవాడ వెళ్లి మంత్రి బాలినేనిని కలిశారు. పరస్పరం ఇద్దరూ ఫిర్యాదులు చేసుకున్నారు. ఈ విషయంలోనూ అధిష్టానం ఎమ్మెల్యే కరణం బలరాం వైపే మొగ్గు చూపుతున్నట్టు తెలుస్తోంది. దీంతో వైసీపీలో ఆమంచిని పట్టించుకోని పరిస్థితి ఏర్పడిందని ఆయన అనుచరగణం రగిలిపోతోంది. కూరలో కరివేపాకులా ఆమంచిని ట్రీట్ చేస్తున్నారని.. టీడీపీ నుంచి వచ్చి చేరిన కరణంకే ప్రాధాన్యత దక్కుతోందని ఆమంచి వర్గం రగిలిపోతోందట.. మరి ఈ ఆధిపత్య పోరు ఎటువైపుకు దారితీస్తుందనేది వేచిచూడాలి. 
Tags:    
  • Amanchi Krishna Mohan Vs Karanam Balaram 
  • Chirala Ysrcp Incharge 
  • Amanchi Krishna Mohan 
  • Andhra Pradesh 
  • Tupaki News 
  • Tupaki Updates 

Similar News

2019 లెక్కలు వేరు.. 2024 తర్వాత పరిస్థితి వేరు : జగన్ కేసుల్లో ఈడీ దూకుడుకు కారణమిదేనా?

2026-11-18 11:46 GMT

టెక్నాలజీనే టెన్షన్ పెడుతోంది.. టెక్ ప్రపంచానికి పీడకలగా నవంబర్

2026-11-18 11:29 GMT

హైదరాబాద్ హోటళ్లలో బొద్దింకలు.. గడువు ముగిసిన సాసులు కూడా!

2026-11-18 11:28 GMT

జెండా గుర్తును జేబులో పెట్టుకున్న మోడీ.. పక్కనే ఉన్న ట్రంప్ ఏమన్నారంటే?

2026-11-18 11:22 GMT

ఖబర్దార్ బిడ్డా.. యుద్ధం స్టార్ట్ అవుతది.. రేవంత్‌రెడ్డిపై రాజగోపాల్ రెడ్డి సంచలన వ్యాఖ్యలు

2026-11-18 10:06 GMT

ఎన్టీఆర్ విగ్రహానికి అయ్యే ఖర్చుతో మెడికల్ కాలేజీలు కట్టొచ్చు కదా.. ప్రభుత్వానికి పేర్ని నాని సూటి ప్రశ్న

2026-11-18 10:02 GMT

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

గ్రామ సర్పంచ్ : పదవి మాత్రమే కాదు.. ఊరి గుండె చప్పుడు!

2026-11-18 09:55 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

వీడియో కాల్ చేసి మరీ లొంగిపోమన్నారు.. వినని లష్కరే కమాండర్ ను లేపేశారిలా..

2026-11-18 07:13 GMT

ఏఐకి పోటీగా ‘హ్యూమన్’.. 2026 వర్డ్ ఆఫ్ ది ఇయర్‌గా ఎంపిక!

2026-11-18 07:07 GMT

వారం రోజుల్లో 2 లక్షల కాపీలు.. సోనియా గాంధీ పుస్తకానికి భారీ స్పందన!

2026-11-18 07:06 GMT

Copyright @2026

Powered by Blink CMS