• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కాపు దిగ్గజాలు పెదవి...

కాపు దిగ్గజాలు పెదవి విప్పరేమి !?

| వారే మాజీ మంత్రులు కాపు నేతలు అయిన చేగొండి హరి రామజోగయ్య అలాగే ముద్రగడ పద్మనాభం.

By - Tupaki Desk
Update: 2024-05-27 03:57 GMT

గోదావరి జిల్లాలకు చెందిన ఇద్దరు కాపు దిగ్గజాలు పెదవి విప్పడం లేదు. ఆ ఇద్దరూ ఎన్నికల వేళ చేసిన హడావుడి ఒక స్థాయిలో ఉంది. ఒకరు టీడీపీ కూటమికి మద్దతుగా నిలిస్తే మరొకరు వైసీపీలో చేరి ఆ పార్టీ విజయానికి తన వంతుగా పనిచేశారు. వారే మాజీ మంత్రులు కాపు నేతలు అయిన చేగొండి హరి రామజోగయ్య అలాగే ముద్రగడ పద్మనాభం.

పోలింగ్ ముగిసి రెండు వారాలు దాటినా ఈ ఇద్దరు నేతలూ పెదవి విప్పడం లేదు. టీడీపీ కూటమిదే అధికారం అని చేగొండి నుంచి ప్రకటన రాలేదు. అలాగే పిఠాపురంలో పవన్ ఓటమి ఖాయమని ముద్రగడ పోలింగ్ జరిగిన రెండు మూడు రోజుల తరువాత అయినా స్టేట్మెంట్ ఇస్తారనుకుంటే అదీ లేదు.

ఇక్కడ ముద్రగడ ప్రకటన కోసం అంతా ఎందుకు ఎదురుచూస్తున్నారు అంటే ఆయన పవన్ ఓటమిని బలంగా కోరుకున్నారు. పవన్ ని ఓడించకపోతే తన పేరుని పద్మనాభరెడ్డిగా మార్చుకుంటాను అని ఒక పెను సవాల్ చేశారు. మరి అంతలా పంతం పట్టిన పెద్దాయన దానికి తగినట్లుగా పోలింగ్ సరళి జరిగిందని చెబుతూ ప్రకటన చేస్తారు అని ఆశించిన వారిని నిరాశ తప్పలేదు. అంతే కాకుండా ఏపీలో వైసీపీ ప్రభుత్వమే వస్తుందని ఆయన గట్టిగా ఎన్నికల ముందు చెప్పారు. ఆనక మాత్రం సైలెంట్ అయ్యారు.

దీంతో ఇది వైసీపీలోనూ రాజకీయ వర్గాలలోనూ చర్చగా సాగుతోంది. మరో వైపు చేగొండిదీ అదే తీరుగా ఉంది. ఆయన ఎన్నికల ప్రచారానికి ముందు నుంచే లేఖల ద్వారా సలహా సూచనలు చేస్తూ వచ్చారు. పోలింగ్ దగ్గర పడే కొద్దీ కూడా తన ఆలోచనలను పంచుకుంటూ వచ్చారు. మరి ఆయన ఆలోచనలకు అనుగుణంగా పోలింగ్ జరిగి కూటమి అధికారంలోకి రానుందా అన్నది చూడాలి. ఇక పవన్ కి ఉప ముఖ్యమంత్రి హోం మంత్రిత్వ శాఖతో ఇవ్వాలని ఆయన గతంలో కోరారు.

ఇపుడు ఎందుకో సైలెంట్ అయ్యారు. ఒక వైపు నారా లోకేష్ ప్రాధాన్యత టీడీపీలో పెంచడానికి కొందరు నేతలు డిమాండ్లు చేస్తూ ప్రయత్నాలు చేస్తూంటే చేగొండి పవన్ కోసం ప్రకటనలు ఎందుకు చేయడం లేదు అన్న చర్చ ఉండనే ఉంది. ఇవన్నీ పక్కన పెడితే రాజకీయంగా అర్ధ శతాబ్దానికి పైగా అనుభవం గడిచిన ఈ భీష్మాచార్యుడు ఏపీలో జరిగిన పోలింగ్ దాని సరళి మీద తనదైన విశ్లేషణ చేస్తారని అంతా ఎదురుచూసారు. కానీ అది కూడా జరగలేదు. మరి ఆయన మనసులో ఏమి ఉందో తెలియడం లేదు అని అంటున్నారు

అటు ముద్రగడ, ఇటు చేగొండి మౌన ముద్రలోనే ఉండిపోవడం వెనక కారణాలు ఏమిటి దాని వెనక వ్యూహాలు ఉన్నాయా అన్న చర్చ సాగుతోంది. ఇపుడే ఎందుకు అని వారు ఆగారా లేక కౌంటింగ్ తరువాత తమ గొంతులు విప్పుతారా అన్నది చూడాల్సి ఉంది. ఏది ఏమైనా గోదావరి రాజకీయం ఒక్కసారిగా చప్పబడిపోయింది అని అంటున్నారు.

Tags:    
  • Apelections 
  • Ycp 
  • Tdp 
  • Jsp 
  • Bjp 
  • Congressparty 
  • TdpJspNjpAlliance 
  • Pawankalyan 
  • HariRamajogaiah 
  • NaraLokesh 
  • MudragadaPadmanabham 

Similar News

2019 లెక్కలు వేరు.. 2024 తర్వాత పరిస్థితి వేరు : జగన్ కేసుల్లో ఈడీ దూకుడుకు కారణమిదేనా?

2026-11-18 11:46 GMT

టెక్నాలజీనే టెన్షన్ పెడుతోంది.. టెక్ ప్రపంచానికి పీడకలగా నవంబర్

2026-11-18 11:29 GMT

హైదరాబాద్ హోటళ్లలో బొద్దింకలు.. గడువు ముగిసిన సాసులు కూడా!

2026-11-18 11:28 GMT

జెండా గుర్తును జేబులో పెట్టుకున్న మోడీ.. పక్కనే ఉన్న ట్రంప్ ఏమన్నారంటే?

2026-11-18 11:22 GMT

ఖబర్దార్ బిడ్డా.. యుద్ధం స్టార్ట్ అవుతది.. రేవంత్‌రెడ్డిపై రాజగోపాల్ రెడ్డి సంచలన వ్యాఖ్యలు

2026-11-18 10:06 GMT

ఎన్టీఆర్ విగ్రహానికి అయ్యే ఖర్చుతో మెడికల్ కాలేజీలు కట్టొచ్చు కదా.. ప్రభుత్వానికి పేర్ని నాని సూటి ప్రశ్న

2026-11-18 10:02 GMT

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

గ్రామ సర్పంచ్ : పదవి మాత్రమే కాదు.. ఊరి గుండె చప్పుడు!

2026-11-18 09:55 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

వీడియో కాల్ చేసి మరీ లొంగిపోమన్నారు.. వినని లష్కరే కమాండర్ ను లేపేశారిలా..

2026-11-18 07:13 GMT

ఏఐకి పోటీగా ‘హ్యూమన్’.. 2026 వర్డ్ ఆఫ్ ది ఇయర్‌గా ఎంపిక!

2026-11-18 07:07 GMT

వారం రోజుల్లో 2 లక్షల కాపీలు.. సోనియా గాంధీ పుస్తకానికి భారీ స్పందన!

2026-11-18 07:06 GMT

Copyright @2026

Powered by Blink CMS