వార్నింగ్ః సీఎం మ‌నుషులం.. చంపేస్తాం!!

త‌న‌ను హత్య చేస్తామని బూతులతో హెచ్చరిక లేఖను గుంటూరు జిల్లా మంగళగిరి వైకాపా ఎమ్మెల్యే ఆళ్ల రామకృష్ణారెడ్డి అందుకొని ఆశ్చ‌ర్యానికి ఒకింత షాక్‌ కు గురికావాల్సి వ‌చ్చింది. ఏపీ రాజధాని ఉన్న అమరావతి ప‌రిధిలోకి వ‌చ్చేమంగళగిరి లోని ఎమ్మెల్యే కార్యాలయానికి ప్రభుత్వ పోస్ట్ మ్యాన్ ఒక కవర్ ను ఈ రోజు తీసుకొచ్చి ఇచ్చారు, ఆ కవర్ ను ఓపెన్ చేసి చూడగా... అందులో ఒక తెల్లకాగితం పై... ఈ క్రింది విధంగా రాసి ఉంది.

" ఒరేయ్ రామకృష్ణారెడ్డి ఏమిటి ఒళ్ళు ఎలా ఉంది మా ముఖ్యమంత్రి మీద కోర్టులో కేసు వేశావు దాని మీద హైకోర్టు లో స్టే తెచ్చుకుంటే నువ్వు మళ్ళీ సుప్రీంకోర్టు కు వెళ్ళాలి అనుకుంటున్నావని తెలిసింది నా కొడకా నీకు ఇవే చివరి రోజులు నిన్ను నీ నియోజకవర్గంలోనే చంపుతా చూస్తూ వుండూ నా కొడకా నిన్ను మంగళగిరి లోనే చంపుతాము మేమంటే ఏమిటో నీకు త్వరలోనే తెలుస్తుంది చూస్తూ వుండు నా కొడకా నీకు రోజులు దగ్గర పడి మా నాయకుడు మీద కేసు వేశావు నీ చావు నువ్వు కొని తెచ్చుకున్నావు ఇంక నిన్ను బ్రతకనివ్వం చూస్తూ వుండు నా కొడక ఖబడ్దార్" అంటూ ఆ లేఖ‌లో హెచ్చ‌రిక‌లు ఉన్నాయి.

ఈ లేఖలో ఎక్కడా ఫుల్ స్టాఫ్ కానీ, కామాలు కానీ లేకుండా... మ్యాటర్ కంటిన్యూ గా కొనసాగింది. కాగా... ఒక చోట" చంపుతా" అని ఉంటే... మరో చోట "చంపుతాము" అని ఉంది. అక్షరాలు చక్కగానే ఉండి... ఎక్కడా తప్పులు... కొట్టివేతలు లేకుండా.... భాష పరిజ్ఞానం ఉన్న వారు రాసినట్లుగానే ఉంది. ఎమ్మెల్యే ను ఉద్దేశించి... నీచమైన దుర్భాషలాడారు. ఏది ఏమైనా ఎమ్మెల్యే వంటి ప్రముఖులకు ఇలాంటి ఉత్తరాలు రావడంపై క‌ల‌క‌లం రేగుతోంది. ప్రభుత్వం ఛాలెంజ్ గా తీసుకొని... ఈ దుస్సాంప్రదాయాన్ని మొగ్గలోనే తుంచేయాలని ప‌లువురు డిమాండ్ చేస్తున్నారు.