• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  న‌వ్విపోదురు గాక నాకేటి...

న‌వ్విపోదురు గాక నాకేటి సిగ్గు.. అంతేనా ల‌క్ష్మీపార్వ‌తి?

By - Tupaki Desk
Update: 2022-09-26 16:30 GMT
న‌వ్విపోదురు గాక నాకేటి సిగ్గు అంతేనా ల‌క్ష్మీపార్వ‌తి అని నెటిజ‌న్లు ఎద్దేవా చేస్తున్నారు. విజ‌య‌వాడ‌లో 25 ఏళ్లుగా ఎన్టీఆర్ పేరుతో ఉన్న హెల్త్ యూనివ‌ర్సిటీకి జ‌గ‌న్ ప్ర‌భుత్వం వైఎస్సార్ హెల్త్ యూనివ‌ర్సిటీ అని పేరు పెట్టిన సంగ‌తి తెలిసిందే. ఈ ఘ‌ట‌న జ‌రిగి వారం రోజులు అవుతున్నా స్పందించడానికి ఇప్ప‌టిదాకా స‌మ‌యం తీసుకున్న ల‌క్ష్మీపార్వ‌తి అస‌లు విష‌యం గాలికొదిలి కొస‌రు విష‌యాల‌కే ప్రాధాన్య‌త ఇచ్చార‌ని విమ‌ర్శ‌లు వ్య‌క్త‌మ‌వుతున్నాయి.

ఎన్టీఆర్ పార్టీ పెట్ట‌క‌ముందు అంటే 1982లోనే ఆయ‌న ద‌గ్గ‌ర గండికోట కుటీరం త‌ప్ప ఏ ఆస్తులూ లేవ‌ని ల‌క్ష్మీపార్వ‌తి చెప్ప‌డంపై ఆగ్ర‌హం వ్య‌క్తం చేస్తున్నారు. ఎన్టీఆర్‌ను తానే చూసుకున్నాన‌ని.. ఆయ‌న ఆరోగ్యం బాగోక‌పోతే ప్ర‌చారం నిర్వహించి 1994లో తెలుగుదేశం పార్టీని అధికారంలోకి తెచ్చాన‌ని ల‌క్ష్మీపార్వ‌తి తాజా ప్రెస్ మీట్లో చెప్పుకోవ‌డాన్ని ఖండిస్తున్నారు. ఇందుకోసం రాష్ట్ర‌మంతా ప్రాంతీయ స‌ద‌స్సులు నిర్వ‌హించాన‌ని.. ఓవైపు ఎన్టీఆర్ ఎక్క‌డ తూలిప‌డ‌తారోన‌ని ఆయ‌న చూసుకుంటూ.. మ‌రోవైపు పార్టీని ఎన్నిక‌ల్లో విజ‌యంవైపు న‌డిపించాన‌ని ఆమె చెప్ప‌డంపై అభ్యంత‌రాలు వ్య‌క్త‌మ‌వుతున్నాయి.

1984లో దేశ ప్రధానిగా ఇందిరాగాంధీ దేశ ప్ర‌ధానిగా ఉంటూ హ‌త్య‌కు గుర‌యిన‌ప్పుడు జ‌రిగిన ఎన్నిక‌ల్లో దేశ‌మంతా కాంగ్రెస్‌కు సానుభూతి ప‌వ‌నాలు వీచి ఆ పార్టీ ఘ‌న‌విజ‌యం సాధించింది. కానీ ఆ సానుభూతి నాటి ఉమ్మ‌డి ఆంధ్ర‌ప్ర‌దేశ్‌లో ప‌నిచేయ‌లేదు. తెలుగుదేశం పార్టీ ఏకంగా మొత్తం 42 స్థానాల్లో 34 స్థానాల‌ను గెలుచుకుంద‌ని గుర్తు చేస్తున్నారు. అలాంటి పార్టీని ఎన్టీఆర్‌ను చూసే 1994లో ప్ర‌జ‌లు ఓట్లేశార‌ని.. ల‌క్ష్మీపార్వ‌తిని చూసి కాద‌ని అంటున్నారు. తానే టీడీపీని అధికారంలోకి తెచ్చాన‌ని ల‌క్ష్మీపార్వ‌తి చెప్పుకోవ‌డం మ‌రీ అతిశ‌యోక్తిగా ఉంద‌ని.. ఈ విష‌యంలో ఆమె వ్య‌వ‌హార శైలి న‌వ్విపోదురు గాక నాకేటి సిగ్గు అన్న‌ట్టు ఉంద‌ని అంటున్నారు.

ఎన్టీఆర్ బ్రాహ్మీ ముహూర్తంలో లేచి పూజ చేసుకుని ఆయ‌న‌కు యోగా చేయ‌డం అల‌వాట‌ని గుర్తు చేస్తున్నారు. శ‌రీర పోష‌ణ‌, ఆరోగ్యం విష‌యంలో ఎన్టీఆర్ మొద‌టి నుంచి చాలా జాగ్ర‌త్త‌లు తీసుకునేవార‌ని, ఆహార నియ‌మాల ప‌ట్ల ఎంతో శ్ర‌ద్ధ తీసుకునేవార‌ని అంటున్నారు. అలాంటి ఎన్టీఆర్‌ను ల‌క్ష్మీపార్వ‌తి తానే కాపాడ‌నని, ఆయ‌న‌ను ర‌క్షించాన‌ని చెప్ప‌డంపై సెటైర్లు ప‌డుతున్నాయి.

మ‌ళ్లీ పైగా ఎన్టీఆర్ త‌న‌ను మంత్రి ప‌ద‌విని తీసుకోవాల‌ని అడిగార‌ని.. త‌న‌కు ప‌ద‌వీకాంక్ష లేక‌పోవ‌డంతో ప‌ద‌విని తీసుకోలేద‌ని ల‌క్ష్మీపార్వ‌తి చెప్పారు. చివ‌ర‌కు మోహ‌న్ బాబుతో కూడా ఎన్టీఆర్ ఈ విష‌యం చెప్పార‌ని.. నాకు ఏదైనా అయితే ఈమె ప‌రిస్థితి ఏమిటి.. మంత్రి ప‌ద‌విని తీసుకోమంటే తీసుకోవ‌డం లేదు.. క‌నీసం నువ్వ‌యినా ఆమెకు చెప్పి ఒప్పించు బాబూ అని మోహ‌న్ బాబుకు ఎన్టీఆర్ చెప్పార‌ని ల‌క్ష్మీపార్వ‌తి చెప్పుకొచ్చారు.

తానెప్పుడూ ఎలాంటి ప‌దవులు ఆశించ‌లేద‌ని.. ఎలాంటి జోక్యం చేసుకోలేద‌ని చెప్ప‌డంపైన విమ‌ర్శ‌లు వ్య‌క్త‌మ‌వుతున్నాయి. ల‌క్ష్మీపార్వ‌తికి తాను వ‌డ్డాణం కొనిచ్చి ఉంటే తాను నాడు మంత్రిని అయ్యేవాడిన‌ని ప్ర‌స్తుతం టీఆర్ఎస్ ప్ర‌భుత్వంలో మంత్రిగా ఉన్న ఎర్ర‌బెల్లి ద‌యాక‌ర‌రావు ఒక ఇంట‌ర్వ్యూలో ఇటీవ‌ల  చెప్పార‌ని గుర్తు చేస్తున్నారు. దీనికి ల‌క్ష్మీపార్వ‌తి స‌మాధానం ఏమిట‌ని ప్ర‌శ్నిస్తున్నారు. లారీల‌కు లారీల ప‌ట్టు చీర‌లు అప్ప‌ట్లో ల‌క్ష్మీపార్వ‌తికి వెళ్లేవ‌ని.. అలాగే న‌గ‌లు సైతం పంపేవార‌ని.. అలాంటివారికే ల‌క్ష్మీపార్వ‌తి ప‌ద‌వులు ఇప్పించేవార‌ని అంటున్నారు.

మ‌రి ల‌క్ష్మీపార్వ‌తి ప‌దవుల పంపిణీలో జోక్యం చేసుకోక‌పోతే ఈ విమ‌ర్శ‌లు ఎందుకు వ‌స్తాయ‌ని నిల‌దీస్తున్నారు. ఒక్క ఎర్ర‌బెల్లి దయాక‌ర‌రావు మాత్ర‌మే కాకుండా ప‌లువురు ల‌క్ష్మీపార్వ‌తి రాజ్యాంగేత‌ర శ‌క్తిగా 1994-95 మ‌ధ్య వ్య‌వ‌హ‌రించింద‌ని చెప్పార‌ని అంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
Tags:    
  • LaxmiParvati 
  • Politics 
  • NTRHealthUniversity 
  • TeluguDeshamParty 
  • NTR 
  • YSR 
  • IndhiraGandhi 
  • AndhraPradesh 
  • TDP 
  • MohanBabu 
  • TRS 
  • ErrabelliDayakaraRao 
  • PoliticalNews 

Similar News

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

Copyright @2026

Powered by Blink CMS