రాహుల్ ముత్తాతను ఫాలో అయ్యారుగా!
కాంగ్రెస్ పార్టీ ఉపాధ్యక్షుడు రాహుల్ గాంధీ తన ముత్తాత మాజీ ప్రధాని జవహర్ లాల్ నెహ్రూను ఫాలో అయ్యారు. రాజకీయంగా ఇప్పటికే ఫాలో అవుతున్న ఆయన రాజకీయాలకు అతీతంగా కూడా రాహుల్ నెహ్రూను అనుసరించారు. మరి అదేంటో తెలుసుకుందామా? 1949లో తొలి ప్రధాని జవహర్ లాల్ నెహ్రూ అమెరికాలోని బర్క్లీలో ఉన్న కాలిఫోర్నియా విశ్వవిద్యాలయంలో విద్యార్థులను ఉద్దేశించి ఉపన్యసించారు. ఇప్పుడు ఆ అరుదైన అవకాశం రాహుల్ కు లభించింది. దీంతో ఆయన తన ముత్తాతను ఫాలో అయిపోయారు.
ప్రస్తుతం అమెరికా పర్యటనలో ఉన్న రాహుల్ గాంధీ కాలిఫోర్నియా విశ్వవిద్యాలయంలో విద్యార్థులను ఉద్దేశించి ఉపన్యసించనున్నారు. భారత్ లో నెలకొన్న ప్రస్తుత పరిస్థితుల గురించి ఆయన మాట్లాడతారు. దీనికిగాను యూనివర్సిటీ ప్రత్యేక ఏర్పాట్లు కూడా చేసిందని రాహుల్ పర్యటన ఏర్పాట్లు చూస్తున్న ప్రముఖ సాంకేతిక నిపుణుడు శ్యాం పిట్రోడా మీడియాకు వెల్లడించారు. అనంతరం, రాహుల్ గాంధీ అమెరికాలో వివిధ కార్యక్రమాల్లో పాల్గొననున్నారు. ముఖ్యంగా అక్కడి రాజకీయ నాయకులను, వివిధ రంగాల్లోని నిపుణులను, భారత సంతతి ప్రజలను కలుస్తారు.
ప్రపంచ ఆర్థిక వ్యవస్థ - టెక్నాలజీ తదితర అవకాశాలపై వివిధ దేశాలకు చెందిన నిపుణులతో రాహుల్ చర్చించి వారి అభిప్రాయాలు తెలుసుకుంటారు. అదేవిధంగా అమెరికాలో అధికార రిపబ్లికన్ పార్టీ నాయకులతోనూ రాహుల్ భేటీ అయ్యే అవకాశం ఉంది. ‘ప్రపంచవ్యాప్తంగా ప్రస్తుతం ఏం జరుగుతోంది? ప్రపంచ దృక్కోణం ఎలా ఉంది? అనే విషయాలను రాహుల్ మరింతగా అర్థం చేసుకోవాలనుకుంటున్నార’ని శ్యాం పిట్రోడా చెప్పారు. అదేవిధంగా ప్రిన్స్టన్ విశ్వవిద్యాలయంలోనూ రాహుల్ ప్రసంగించనున్నారు. మరి ఈ ప్రసంగాలకు ఎలాంటి రెస్పాన్స్ వస్తుందో చూడాలి.
ప్రస్తుతం అమెరికా పర్యటనలో ఉన్న రాహుల్ గాంధీ కాలిఫోర్నియా విశ్వవిద్యాలయంలో విద్యార్థులను ఉద్దేశించి ఉపన్యసించనున్నారు. భారత్ లో నెలకొన్న ప్రస్తుత పరిస్థితుల గురించి ఆయన మాట్లాడతారు. దీనికిగాను యూనివర్సిటీ ప్రత్యేక ఏర్పాట్లు కూడా చేసిందని రాహుల్ పర్యటన ఏర్పాట్లు చూస్తున్న ప్రముఖ సాంకేతిక నిపుణుడు శ్యాం పిట్రోడా మీడియాకు వెల్లడించారు. అనంతరం, రాహుల్ గాంధీ అమెరికాలో వివిధ కార్యక్రమాల్లో పాల్గొననున్నారు. ముఖ్యంగా అక్కడి రాజకీయ నాయకులను, వివిధ రంగాల్లోని నిపుణులను, భారత సంతతి ప్రజలను కలుస్తారు.
ప్రపంచ ఆర్థిక వ్యవస్థ - టెక్నాలజీ తదితర అవకాశాలపై వివిధ దేశాలకు చెందిన నిపుణులతో రాహుల్ చర్చించి వారి అభిప్రాయాలు తెలుసుకుంటారు. అదేవిధంగా అమెరికాలో అధికార రిపబ్లికన్ పార్టీ నాయకులతోనూ రాహుల్ భేటీ అయ్యే అవకాశం ఉంది. ‘ప్రపంచవ్యాప్తంగా ప్రస్తుతం ఏం జరుగుతోంది? ప్రపంచ దృక్కోణం ఎలా ఉంది? అనే విషయాలను రాహుల్ మరింతగా అర్థం చేసుకోవాలనుకుంటున్నార’ని శ్యాం పిట్రోడా చెప్పారు. అదేవిధంగా ప్రిన్స్టన్ విశ్వవిద్యాలయంలోనూ రాహుల్ ప్రసంగించనున్నారు. మరి ఈ ప్రసంగాలకు ఎలాంటి రెస్పాన్స్ వస్తుందో చూడాలి.