• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  1441 ప్రాణాలు పోయేంత...

1441 ప్రాణాలు పోయేంత తప్పు ఇటలీ ఏం చేసింది?

By - Tupaki Desk
Update: 2020-03-16 19:30 GMT
కేవలం యాభై రోజుల తేడా తో ఆ దేశం పరిస్థితి పూర్తిగా మారిపోయింది. పర్యాటకుల తో కళకళలాడుతూ.. నిత్య యవ్వనం తో మిడిసిపడే ఇటలీ లో ఇప్పుడు శ్మశాన నిశ్శబ్దం.. ఎప్పుడేం జరుగుతుందో అర్థం కాక వణికిపోతున్న ప్రజలు.. వీధులన్ని నిర్మానుష్యంగా తయారయ్యాయి. ఎందుకిలా జరిగింది? ఎక్కడ తప్పు దొర్లింది? 1441 మంది ప్రజల ప్రాణాలు పోయేంతగా ఇటలీ ప్రభుత్వం ఏం తప్పు చేసిందన్నది ఇప్పుడు ప్రశ్నగా మారింది.

జనవరి 29 నాటికి ఇటలీ లో కరోనా పాజిటివ్ కేసులు కేవలం రెండు మాత్రమే. కట్ చేస్తే.. మార్చి 15 పరిస్థితి చూస్తే.. ఆ దేశంల కరోనా ముప్పు ఎంత తీవ్రంగా వ్యాపించిందో గణాంకాలు స్పష్టం చేస్తాయి. ఆదివారం నాటికి ఆ దేశంలో కరోనా పాజిటివ్ కేసులు ఏకంగా 21,157 కాగా.. మరణాల సంఖ్య 1441గా నమోదయ్యాయి. రానున్న రోజుల్లో ఈ తీవ్రత మరెంత పెరుగుతుందన్నది ఇప్పుడు అర్థం కాని పరిస్థితి. ఇంత తీవ్రమైన పరిస్థితి ఎందుకొచ్చింది? అంతమంది ఎందుకు మరణించారు? అన్న విషయంలోకి వెళితే.. కొత్త విషయాలు తెర మీదకు వస్తున్నాయి.

జనవరి 29న రెండుపాజిటివ్ కేసులు నమోదైన వెంటనే ఇటలీ సర్కారు స్పందించింది. ఆర్నెల్ల పాటు అత్యవసర పరిస్థితిని ప్రకటించారు. చైనా నుంచి విమాన రాకపోకల్ని నిషేధించారు. అయినప్పటికీ ఇంత తీవ్రమైన పరిస్థితులు ఏర్పడటానికి కారణం నిర్లక్ష్యం.. కరోనా ప్రభావాన్ని తక్కువగా అంచనా వేయటమేనని చెబుతున్నారు. తొలుత స్వల్ప దగ్గు..జలుబు కేసులు నమోదైనప్పుడు వీటిని సాధారణ ఫ్లూ జ్వరాలుగా పరిగణిస్తూ తీవ్రతను గుర్తించటం లో అధికారులు విఫలమయ్యారు. అదే ఇప్పుడా దేశానికి పెను శాపంగా మారింది.

జనవరి లో ఇటలీ ఆసుపత్రుల్లో న్యూమోనియా కేసులు కుప్పలుతెప్పలుగా నమోదు కావటం.. ఈ రోగులకు కరోనా పరీక్షలు చేయటం లో ఫెయిల్ కావటం కూడా కారణంగా చెబుతున్నారు. అన్నింటికి మించిన ఒక రోగి విషయంలో దొర్లిన తప్పు.. ఇప్పుడీ పరిస్థితికి ప్రధాన కారణమన్న అభిప్రాయం వ్యక్తమవుతోంది. ఫిబ్రవరి 18న కొడొగ్నో పట్టణంలో ఒక రోగికి తీవ్ర జ్వరం ఉన్నా.. వైద్య సిబ్బంది దాన్ని కరోనాగా గుర్తించలేదు. ఇంటికి వెళ్లేందుకు అనుమతించారు. అతను ఆసుపత్రి నుంచి బయటకు వచ్చిన తర్వాత వైరస్ వ్యాప్తి ఊపందుకోవటమే కాదు.. కరోనా కేసులు పాజిటివ్ గా నమోదు కావటానికి కారణమైందంటున్నారు.

తొలుత స్పందించాల్సిన ఇటలీ యంత్రాంగం.. పరిస్థితి చేయి దాటిన తర్వాత రియాక్ట్ అయ్యారు. ఇటలీ ఆర్థిక రాజధాని మిలన్ తో పాటు దాదాపు 1.60 కోట్ల మందిని ఇళ్లల్లో నుంచి బయటకు రానివ్వకుండా కట్టడి చేశారు. కనీవినీ ఎరుగని ఆంక్షల్ని తీసుకొచ్చారు. కరోనాపై యుద్ధాన్నే ప్రకటించారు. కానీ.. అప్పటికే జరగాల్సిన నష్టం జరిగిపోయింది. రోగులు ఆసుపత్రులపై పోటెత్తారు. ఇదిప్పుడు వేలాది మంది కరోనా బారిన పడటానికి.. వందలాది మంది మరణించటానికి కారణమైందంటున్నారు.
Tags:    
  • Political News 
  • Breaking News 
  • Latest News 
  • Tupaki News 
  • Tupaki Latest News 
  • Tupaki Updates 
  • corona 
  • covid 19 
  • Italy 

Similar News

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

Copyright @2026

Powered by Blink CMS