• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఆడ బిడ్డల టాపిక్ ఎందుకు...

ఆడ బిడ్డల టాపిక్ ఎందుకు లోకేష్?

| ఈ ఉపోధ్గాతం సంగతి కాసేపు పక్కనపెడితే... గతకొన్ని రోజులుగా నారా లోకేష్ కనిపించడం లేదనే చర్చ విపరీతంగా జరుగుతున్న సంగతి తెలిసిందే.

By - Tupaki Desk
Update: 2024-01-27 12:58 GMT

అనుభవ రాహిత్యమో.. అవగాహనా లోపమో.. కుసంస్కార ప్రభావమో.. అలా మాట్లాడితే మాస్ లీడర్ అయిపోవచ్చనే తాపత్రయమో తెలియదు కానీ.. చాలా మంది నేతలు సమయం, సందర్భం లేకుండా కొన్ని విషయాలపై అనవసరంగా స్పందిస్తుంటారు.. అక్కరలేని అంశాలను ఎత్తుకుంటూ ఉంటారు.. ఫలితంగా రిజల్ట్ రివర్స్ అయ్యేసరికి మైకుల ముందు కొందరు, ఇంట్లో తలుపులేసుకుని ఇంకొందరు లబోదిబోమంటుంటారు! దీంతో... "అడుసు తొక్కనేల కాలు కడుగనేల" అనే కామెంట్లు చేస్తుంటారు పరిశీలకులు!

ఈ ఉపోధ్గాతం సంగతి కాసేపు పక్కనపెడితే... గతకొన్ని రోజులుగా నారా లోకేష్ కనిపించడం లేదనే చర్చ విపరీతంగా జరుగుతున్న సంగతి తెలిసిందే. పార్టీ కార్యక్రమాల్లో కనిపించడం లేదు.. మీడియాలోనూ వినిపించడం లేదు.. నెట్టింట స్పందన కూడా అంతంతమాత్రంగానే కనిపిస్తుందనే ప్రచారం జరిగింది. ఈ సమయంలో... నారా లోకేష్ గురించి ఒక సంచలన విషయం సోషల్ మీడియాలో తీవ్ర రచ్చ రేపింది. ఇందులో భాగంగా.. “లోకేష్ ని అమెరికాలో అరెస్ట్ చేశారు” అనేది ఆ టాపిక్.

కట్ చేస్తే తాజాగా హైదరాబాద్ నుంచి గన్నవరానికి విమానంలో వచ్చారు లోకేష్. ఈ సందర్భంగా అమెరికాలో మనీలాండరింగ్ కేసులో పోలీసులు అరెస్టు చేశారంటూ జరుగుతున్న ప్రచారంపై స్పందించారు. ఇందులో భాగంగా... తన అరెస్టుకు సంబంధించి మీడియా అడిగిన ప్రశ్నలకు ఘాటుగా రియాక్ట్ అయిన ఆయన... "అమెరికాలో అరెస్టు చేసింది నన్నా, జగన్ రెడ్డినా, జగన్ కూతురినా, భారతీ రెడ్డినా" అని మీడియాను ఎదురు ప్రశ్నించారు.

ఇదే సమయంలో... తనపై జరుగుతున్న ప్రచారంపై సీరియస్ అయిన లోకేష్.. సోషల్ మీడియాలో ట్రోల్ చేసిన గాడిదలను తన అరెస్టు గురించి అడగాలంటూ వ్యాఖ్యానించారు. తద్వారా ఈ వార్తలన్నీ ఫేక్ అని ఆయన క్లారిటీ ఇచ్చే ప్రయత్నం చేసినట్లున్నారు. అయితే... తనపై వస్తున్న ఆరోపణలు, సోషల్ మీడియాలో జరుగుతున్న ప్రచారం ఫేక్ అని చెప్పాలనుకున్నా.. ఇందులో రాజకీయ కోణం ఉందని, వైసీపీ హస్తం ఉందని భావిస్తూ దాన్ని ఖండించాలనుకున్నా.. లోకేష్ కు వేరే దారుంది.

అవును... నిజంగా మనీలాండరింగ్ కేసులో లోకేష్ అరెస్టు అయిన అంశాన్ని వైసీపీ జనాలో, జగన్ మోహన్ రెడ్డో చేశారని లోకేష్ భావిస్తే... రాజకీయంగా జగన్ పైనా, వైసీపీ సోషల్ మీడియా జనాలపైనా ఎన్ని విమర్శలు చేసినా పర్లేదు!! దానికి వైసీపీ నుంచి రావాల్సిన స్థాయిలో కౌంటర్సో, వివరణలో వస్తాయి.. అది ఉన్నంతలో ఆరోగ్యకరంగా ఉంటుంది అని అనుకోవచ్చు! అంతే కానీ... ఈ వ్యవహారంలోకి ఆడ బిడ్డలను లాగడం ఎంతవరకూ సమంజసమో లోకేష్ కే తెలియాలి!

జగన్ ముఖ్యమంత్రి అయిన తర్వాత ఇప్పటివరకూ ఆయన సతీమణి భారతి... పార్టీ కార్యక్రమాల్లో పాల్గొన్న దాఖళాలు లేవనే చెప్పాలి! ఏనాడూ మీడియా ముందుకు వచ్చిన పరిస్థితి కూడా లేదు!! ఇక జగన్ కుమార్తె అంటారా.. ఆమె విదేశాల్లో ఉన్నత చదువులు చదువుకుంటూ, తండ్రికి తగ్గ తనయగా ఉన్నత స్థానంలో ఉండాలని ఉన్నతంగా చదువుకుంటుంది! పైగా ఆమె మేనేజ్ మెంట్ కోటా బ్యాచ్ కాదు.. కష్టపడి సీటు సంపాదించుకుందని చెబుతారు. ఈ క్రమంలో లోకేష్... ఆమె ప్రస్థావన కూడా తీయడంపై తీవ్ర విమర్శలు వస్తున్నాయి.

ఇది ఏమాత్రం ఆమోదయోగ్యం కాదని.. అమెరికాలో తన అరెస్ట్ వార్తలను ఖండించడానికి సవాలక్ష మార్గాలుంటాయని... దీనికోసం జగన్ సతీమణి భారతిని, జగన్ కుమార్తెను సైతం లోకేష్ ప్రస్థావించడం ఏమాత్రం సరైన ఆలోచన కాదని... ఈ విషయంలో లోకేష్ కి ఇంకాస్త ట్రైనింగ్ ఇవ్వాల్సిన అవసరం ఉందని అంటున్నారు పరిశీలకులు. పైగా 2019 ఎన్నికల్లో టీడీపీ ఆ స్థాయిలో పతనమవ్వడానికి చినబాబే కారణం అని.. ఈ మధ్యకాలంలో జరిగిన ఎన్నో ఒడిదుడులకు ఆయన ప్రవర్తనే మూలమని కామెంట్లు వినిపిస్తున్న నేపథ్యంలో... ఇలా పార్టీకి డ్యామేజ్ తెస్తూ, సమాజాం ఏమాత్రం అంగీకరించని, సమాజానికి ఏమాత్రం ఆమోదయోగ్యం కాని ప్రస్థావనలు తెవడం, విమర్శలు చేయడం సహేతుకం కాదని అంటున్నారు పరిశీలకులు.

ఈ సమయంలో ఈ కామెంట్లపై వైసీపీ నేతలు మైకులముందుకు వచ్చి మొదలుపెడితే... లోకేష్ వల్ల ఆయన ఇంట్లో మహిళలు సైతం మాటలు పడాల్సిన పరిస్థితిని తనే కోరితెచ్చుకున్నట్లు అవుతుందనే అభిప్రాయాలూ తెరపైకి వస్తున్నాయి. ఏది ఏమైనా... రాజకీయాల్లో ఇలాంటి పోకడలు ఏమాత్రం ఆమోదయోగ్యం కాదని.. సమయమనం లేని, సంస్కారం లేని రాజకీయాలు సమాజానికి మేలుకంటే కీడే ఎక్కువగా చేస్తాయని చెబుతున్నారు.


Tags:    
  • Ycp 
  • Tdp 
  • Janasenaparty 
  • Congressparty 
  • Jaganmohanreddy 
  • Chandrababu 
  • Naralokesh 
  • Hyderabad 
  • Ganavaram 
  • America 

Similar News

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

Copyright @2026

Powered by Blink CMS