కోట్లలో కాదు… వేల కోట్లలో బ్రాండ్ విలువ! టాప్ 10 సెలబ్రిటీస్ లిస్ట్
| ప్రముఖ గ్లోబల్ అడ్వైజరీ సంస్థ 'క్రోల్' తాజాగా విడుదల చేసిన మోస్ట్ వాల్యుబుల్ ఇండియన్ సెలబ్రిటీల జాబితాలో కోట్లలో కాదు.. ఏకంగా వేల కోట్లలో బ్రాండ్ విలువతో మన స్టార్స్ సరికొత్త రికార్డులు సృష్టించారు.
భారతదేశంలో సినిమా స్టార్స్, క్రికెటర్లకు ఉండే క్రేజ్ గురించి ప్రత్యేకంగా చెప్పక్కర్లేదు. కేవలం సినిమాల్లో నటించడం, మైదానంలో సిక్సర్లు కొట్టడమే కాదు.. బ్రాండ్ యాడ్స్, సోషల్ మీడియా ఇన్‌ఫ్లుయెన్స్ ద్వారా వీరు సంపాదించే బ్రాండ్ వాల్యూ వింటే సామాన్యుల మైండ్ బ్లాక్ అవ్వడం ఖాయం. ప్రముఖ గ్లోబల్ అడ్వైజరీ సంస్థ 'క్రోల్' తాజాగా విడుదల చేసిన మోస్ట్ వాల్యుబుల్ ఇండియన్ సెలబ్రిటీల జాబితాలో కోట్లలో కాదు.. ఏకంగా వేల కోట్లలో బ్రాండ్ విలువతో మన స్టార్స్ సరికొత్త రికార్డులు సృష్టించారు. ఆ క్రేజీ లిస్ట్ విశేషాలు ఇప్పుడు తెలుసుకుందాం.
టాప్ ప్లేస్‌లో 'కింగ్ కోహ్లీ'.. ఊపుతున్న బాలీవుడ్ బాద్‌షాలు:
ఈ అఫీషియల్ లిస్ట్‌లో ఎప్పటిలాగే మన రన్ మెషీన్ విరాట్ కోహ్లీ సుమారు 231.1 మిలియన్ల డాలర్స్ అంటే రూ.1,900 కోట్లకు పైగా బ్రాండ్ విలువతో నంబర్ వన్ స్థానాన్ని కైవసం చేసుకుని తన కింగ్ స్టేటస్‌ను నిరూపించుకున్నాడు. ఇక ఆ తర్వాతి స్థానాల్లో బాలీవుడ్ బాద్‌షా షారుఖ్ ఖాన్, పవర్‌ఫుల్ యాక్టర్ రణ్‌వీర్ సింగ్ గట్టి పోటీ ఇస్తూ టాప్-3 లో నిలిచారు. వీరి జోరు చూస్తుంటే బ్రాండ్ మార్కెట్‌లో క్రికెట్, బాలీవుడ్ హవా ఎంతలా ఉందో అర్థం చేసుకోవచ్చు.
మైదానంలోనే కాదు.. బ్రాండ్స్‌లోనూ 'ధోని' మార్క్:
ఇక మిస్టర్ కూల్, లెజెండరీ కెప్టెన్ మహేంద్ర సింగ్ ధోని అంతర్జాతీయ క్రికెట్‌కు ఎప్పుడో రిటైర్మెంట్ ప్రకటించినప్పటికీ, బ్రాండ్ వాల్యూలో మాత్రం ఇప్పటికీ టాప్-5 లో దూసుకుపోతున్నారు. ఆయనతో పాటు బాలీవుడ్ ఖిలాడీ అక్షయ్ కుమార్, గ్లోబల్ ఐకాన్ ప్రియాంకా చోప్రా కూడా తమ క్రేజ్‌తో టాప్ లీగ్‌లో కొనసాగుతున్నారు. ఇక వయసుతో సంబంధం లేకుండా వీరికి ఉన్న క్రేజ్ బ్రాండ్లను అమితంగా ఆకర్షిస్తోంది.
సచిన్ రేంజ్ వేరు.. లిస్ట్‌లో చేరిన మన 'ఐకాన్ స్టార్':
ఈ జాబితాలో క్రికెట్ దేవుడు సచిన్ టెండూల్కర్, బిగ్ బి అమితాబ్ బచ్చన్, క్యూట్ బ్యూటీ ఆలియా భట్ కూడా టాప్ 10 లో చోటు దక్కించుకున్నారు. అయితే, సౌత్ సినిమా పవర్ ఏంటో చూపిస్తూ మన టాలీవుడ్ 'ఐకాన్ స్టార్' అల్లు అర్జున్ కూడా ఈ మోస్ట్ వాల్యుబుల్ టాప్-10 సెలబ్రిటీల లిస్ట్‌లోకి ఎంట్రీ ఇచ్చి సంచలనం సృష్టించారు. ఇక 'పుష్ప' సినిమా తెచ్చిన గ్లోబల్ క్రేజ్ కారణంగా బన్నీ బ్రాండ్ వాల్యూ నేషనల్ లెవెల్‌లో స్కై రాకెట్‌లా దూసుకెళ్లింది.
ఈ టాప్ 10 సెలబ్రిటీల టోటల్ బ్రాండ్ వాల్యూ చూస్తే మన దేశంలో కేవలం ఎంటర్టైన్‌మెంట్, స్పోర్ట్స్ రంగాలు ఎంతటి పవర్‌ఫుల్ బిజినెస్ సామ్రాజ్యాలుగా మారాయో స్పష్టంగా తెలుస్తోంది. ఇక ఒకప్పుడు కేవలం బాలీవుడ్, నార్త్ ఇండియన్ క్రికెటర్లకే పరిమితమైన ఈ వేల కోట్ల మార్కెట్‌లోకి అల్లు అర్జున్ లాంటి టాలీవుడ్ హీరోలు దూసుకురావడం మన తెలుగు సినిమా గర్వించదగ్గ విషయం.