• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఈ మంత్రులు కూడా వరద...

ఈ మంత్రులు కూడా వరద బాధితులే!

| రాజధాని ప్రాంతంలో ఎమ్మెల్యేల కోసం నిర్మించిన నివాస భవనాల్లోకి నీరు ప్రవహించింది.

By - Tupaki Desk
Update: 2024-09-02 10:05 GMT

విజయవాడలో గత వందేళ్లలో రానంత వర్షం కురియడంతో ప్రకాశం బ్యారేజీకి దాని చరిత్రలోనే రెండో అతిపెద్ద వరద ప్రవాహం వచ్చిన సంగతి తెలిసిందే. ఈ నేపథ్యంలో విజయవాడ నగరం విలవిల్లాడింది. రాజధాని అమరావతి ప్రాంతంలో సచివాలయం, హైకోర్టు, ఐఏఎస్‌ అధికారుల భవనాలు, ప్రభుత్వ భవనాలు చుట్టూ నీరు చేరింది. రాజధాని ప్రాంతంలో ఎమ్మెల్యేల కోసం నిర్మించిన నివాస భవనాల్లోకి నీరు ప్రవహించింది. విట్, ఎస్‌ఆర్‌ఎం యూనివర్సిటీలు కూడా జలమయమయ్యాయి.

రాజధాని ప్రాంతంలో రహదారులు నీటితో నిండిపోయాయి. సీడ్‌ యాక్సిస్‌ రోడ్డుపైకి వరద నీరు ప్రవహించింది. దీంతో రాజధాని గ్రామాల్లో రాకపోకలు నిలిచిపోయాయి. మరోవైపు ఉండవల్లిలోని కృష్ణా న ది ఒడ్డున చంద్రబాబు నివాసం కూడా నీట మునిగింది. అలాగే విద్యా, ఐటీ శాఖల మంత్రి నారా లోకేశ్‌ ఉంటున్న అప్పారావు గెస్ట్‌ హౌస్‌ కూడా నీటిలో చిక్కుకుంది.

ఇక విజయవాడలో హోం శాఖ మంత్రి వంగలపూడి అనిత నివాసం కూడా వరదలో చిక్కుకుంది. విజయవాడ ఏలూరు రోడ్డులోని రామవరప్పాడు వంతెన కింద అనిత నివాసం ఉంటున్నారు. గత మూడు రోజులుగా కురుస్తున్న భారీ వర్షాలకు బుడమేరు పొంగి పొర్లింది. ఓవైపు బుడమేరు వరద, ఇంకోవైపు ప్రకాశం బ్యారేజీ ప్రవాహం, మరోవైపు వర్షపు నీటితో విజయవాడ జలదిగ్బంధంలో చిక్కుకుంది.

హోం మంత్రి అనిత నివాసం వరదలో చిక్కుకోవడంతో ఆమె తన ఇద్దరు పిల్లలను ట్రాక్టర్‌ పైకి ఎక్కించి సురక్షిత ప్రాంతాలకు పంపారు. అలాగే జలదిగ్బంధంలో చిక్కుకున్న తమ కాలనీ వాసులను కూడా సురక్షిత ప్రాంతాలకు చేర్చడంపై అనిత అధికారులతో కలిసి దృష్టిపెట్టారు.

మరోవైపు ఉండవల్లిలోని తన నివాసం నీటమునగడంతో ముఖ్యమంత్రి చంద్రబాబు విజయవాడలోని కలెక్టరేట్‌ కార్యాలయానికి ఆదివారం రాత్రే బసను మార్చారు. అక్కడ నుంచే అధికారులకు ఆదేశాలు ఇవ్వడం, సమీక్షలు చేయడం చేస్తున్నారు.

ఉండవల్లిలో చంద్రబాబు నివాసంలోకి నీరు రాకుండా సిబ్బంది లారీలతో ఇసుక తరలించి అడ్డుపెట్టారు. అయినప్పటికీ వరద తీవ్రంగా ఉండటంతో వారి ప్రయత్నం ఫలించలేదు. దీంతో సిబ్బంది ఆరుకు పైగా మోటర్లను ఉపయోగించి వరద నీటిని బయటకు పుంపుతున్నారు.

వరద ఉధృతి మరింత పెరుగుతుందని, ఉండవల్లి నివాసంలో బస చేస్తే ప్రమాదమని సీఎం చంద్రబాబుకు జనవనరుల శాఖ అధికారులు వివరించారు. దీంతో విజయవాడలోని ఎన్టీఆర్‌ జిల్లా కలెక్టర్‌ కార్యాలయంలో సీఎం చంద్రబాబు బస చేశారు.

మరోవైపు ప్రకాశం బ్యారేజీకి రికార్డ్‌ స్థాయిలో వరద నీరు చేరింది. వరద ఇన్‌ ఫ్లో, ఔట్‌ ఫ్లో 11.43 లక్షల క్యూసెక్కులు దాటింది. బ్యారేజీకి ఎగువన వర్షాలు కురుస్తుండటంతో ఇంకా వరద వచ్చే అవకాశం ఉంది.

Tags:    
  • Tdp 
  • Jsp 
  • Bjp 
  • Congressparty 
  • Ycp 
  • Chandrababu 
  • ApCM 
  • Homeminister 
  • VangalapudiAnitha 
  • RamavarappaduBridge 
  • VijayawadaEluruRoad 
  • PrakasamBarrageFlow 
  • vijayawadafloods 

Similar News

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

Copyright @2026

Powered by Blink CMS