సంధికి అమెరికా-చైనా ప్రయత్నాలు?
అమెరికా - చైనా మధ్య వాణిజ్య సంబంధాలు మరోసారి హాట్టాపిక్గా మారాయి. ఇటీవల ట్రంప్ చేసిన ఆరోపణల నేపథ్యంలో రెండు దేశాల మధ్య ఘర్షణాత్మక వాతావరణం నెలకొంది.;
అమెరికా - చైనా మధ్య వాణిజ్య సంబంధాలు మరోసారి హాట్టాపిక్గా మారాయి. ఇటీవల ట్రంప్ చేసిన ఆరోపణల నేపథ్యంలో రెండు దేశాల మధ్య ఘర్షణాత్మక వాతావరణం నెలకొంది. ఈ నేపథ్యంలో అమెరికా మాజీ అధ్యక్షుడు డొనాల్డ్ ట్రంప్ , చైనా అధ్యక్షుడు జిన్పింగ్ త్వరలో భేటీ కానున్నట్లు సమాచారం వెలువడటంతో అంతర్జాతీయ స్థాయిలో తీవ్ర ఆసక్తి నెలకొంది.
-వారం రోజుల్లో ట్రంప్, జిన్పింగ్ మాటామంతి!
వైట్హౌస్ ప్రెస్ సెక్రటరీ కరోలిన్ లివిట్ తెలిపిన ప్రకారం, రెండు దేశాల మధ్య ఇటీవల చోటుచేసుకున్న వాణిజ్య సమస్యలపై చర్చలు జరగనున్నాయి. ముఖ్యంగా, కీలకమైన ఖనిజాల ఎగుమతులపై చైనా విధించిన ఆంక్షలు, అమెరికా విధించిన అధిక సుంకాలు వంటి అంశాలు ఈ చర్చల్లో ప్రధానంగా ఉండనున్నాయి. అయితే, భేటీకి సంబంధించి ఖచ్చితమైన తేదీని మాత్రం వెల్లడించలేదు. కొన్ని వర్గాల సమాచారం ప్రకారం, వారం రోజుల్లోనే ఈ భేటీ జరిగే అవకాశం ఉందని తెలుస్తోంది.
అమెరికా-చైనా మధ్య మరో కీలక సమావేశం?
ఇటీవల ట్రంప్ ప్రభుత్వం చైనాపై విధించిన 145 శాతం సుంకాలు, అలాగే ప్రతీకారంగా చైనా విధించిన 125 శాతం దిగుమతి సుంకాలు, రెండు దేశాల మధ్య వాణిజ్య యుద్ధాన్ని మళ్లీ రేకెత్తించాయి. ఈ పరిణామాలు అంతర్జాతీయ ఆర్థిక వ్యవస్థలపై తీవ్ర ప్రభావాన్ని చూపుతున్నాయి. ఇటువంటి ఉద్రిక్త పరిస్థితుల్లో ట్రంప్-జిన్పింగ్ భేటీకి సిద్ధమవడం ప్రాధాన్యతను సంతరించుకుంది.
స్విట్జర్లాండ్ వేదికగా ఇటీవల జరిగిన రెండు రోజుల చర్చల సందర్భంగా అమెరికా-చైనా వాణిజ్య ఒప్పందం కుదిరింది. అయితే, ఈ ఒప్పందాన్ని చైనా ఉల్లంఘిస్తోందని ట్రంప్ ఆరోపించారు. ‘‘అతి మంచితనం పనికిరాదు’’ అంటూ ట్రంప్ చేసిన వ్యాఖ్యలు ఈ అంశానికి మరింత తీవ్రతను జోడించాయి.
ఇప్పుడే జరుగనున్న ట్రంప్-జిన్పింగ్ మాటామంతి ఈ ఉద్రిక్తతలను నివారించగలదా? వాణిజ్య సంబంధాలు మళ్లీ పాత బాట పడతాయా? అనే అంశాలపై అంతర్జాతీయ వేదికలు ఉత్కంఠగా ఎదురు చూస్తున్నాయి. ఈ భేటీ ప్రపంచ వాణిజ్య భవిష్యత్తును ఏ విధంగా ప్రభావితం చేస్తుందో వేచి చూడాలి.