• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  టీడీపీ ఎంపీని ఓడించడానికి...

టీడీపీ ఎంపీని ఓడించడానికి వైసీపీ మదిలో ఇద్దరు డాక్టర్లు!

| ఆంధ్రప్రదేశ్‌ లో ఉన్న 25 లోక్‌ సభా స్థానాల్లో గత ఎన్నికల్లో టీడీపీకి మూడు స్థానాలు మాత్రమే దక్కాయి.

By - Tupaki Desk
Update: 2023-09-01 02:45 GMT

ఆంధ్రప్రదేశ్‌ లో ఉన్న 25 లోక్‌ సభా స్థానాల్లో గత ఎన్నికల్లో టీడీపీకి మూడు స్థానాలు మాత్రమే దక్కాయి. వీటిలో ఒకటి శ్రీకాకుళం పార్లమెంటరీ నియోజకవర్గం. ఇది టీడీపీ కంచుకోటల్లో ఒకటి. 1983లో టీడీపీ ఆవిర్భావం తర్వాత ఏకంగా ఏడుసార్లు శ్రీకాకుళం లోక్‌ సభా స్థానాన్ని గెలుచుకుంది. కాంగ్రెస్‌ పార్టీ గాలి బలంగా వీచిన 2004లోనూ, వైసీపీ ప్రభంజనం 2019లోనూ ఇక్కడ టీడీపీ అభ్యర్థులు గెలుపొందడమే ఇందుకు నిదర్శనం.

కాగా 2014, 2019 ఎన్నికల్లో శ్రీకాకుళం నుంచి దివంగత కేంద్ర మంత్రి ఎర్రం నాయుడు తనయుడు కింజరపు రామ్మోహన్‌ నాయుడు వరుసగా రెండుసార్లు టీడీపీ తరఫున ఎంపీగా గెలుపొందారు. వచ్చే ఎన్నికల్లోనూ ఆయనే మరోసారి పోటీ చేసే అవకాశం ఉంది.

ఈ నేపథ్యంలో ఎట్టి పరిస్థితుల్లోనూ ఈసారి టీడీపీ సిట్టింగు సీట్లలోనూ గెలుపొందాలని భావిస్తున్నారు.. వైసీపీ అధినేత వైఎస్‌ జగన్‌. అందులోనూ టీడీపీ కంచుకోటగా ఉన్న శ్రీకాకుళంలో విజయ ఢంకా మోగించాలని పట్టుదలతో ఉన్నారు. ఈ నేపథ్యంలో ఈసారి గట్టి అభ్యర్థి కోసం వేట సాగిస్తున్నారు.

ఈ క్రమంలో వైసీపీ దృష్టిలో ఇద్దరు అభ్యర్థులు ఉన్నారని అంటున్నారు. వీరిద్దరూ వైద్యులే కావడం మరో విశేషం. గతంలో 2009లో శ్రీకాకుళం ఎంపీగా కిల్లి కృపారాణి విజయం సాధించారు. కాంగ్రెస్‌ తరఫున గెలుపొందిన ఆమె కేంద్ర సహాయ మంత్రిగా కూడా పనిచేశారు. 2004లో టీడీపీ అభ్యర్థి ఎర్రం నాయుడుపై ఓడిపోయిన కృపారాణి 2009 ఎన్నికల్లో ఆయనపైనే గెలుపొందారు. 2014లో కిల్లి కృపారాణి కాంగ్రెస్‌ తరఫునే పోటీ చేసి ఏకంగా మూడో స్థానానికి పడిపోయారు. ఈ నేపథ్యంలో గత ఎన్నికల ముందు ఆమె వైసీపీలో చేరారు. అయినప్పటికీ ఆమెకు సీటు రాలేదు.

2014లో వైసీపీ తరఫున శ్రీకాకుళం పార్లమెంటు నియోజకవర్గం నుంచి రెడ్డి శాంతి పోటీ చేసి ఓడిపోయారు. 2019లో రెడ్డి శాంతి అసెంబ్లీకి పోటీ చేసి గెలిచారు. దీంతో 2019లో పార్లమెంటుకు దువ్వాడ శ్రీనివాస్‌ వైసీపీ తరఫున బరిలోకి దిగి టీడీపీ అభ్యర్థి రామ్మోహన్‌ నాయుడు చేతిలో ఓటమి పాలయ్యారు.

ప్రస్తుతం దువ్వాడ శ్రీనివాస్‌ ఎమ్మెల్సీగా ఉన్నారు. ఈసారి ఆయన భార్య వాణి టెక్కలి నుంచి వైసీపీ అభ్యర్థిగా పోటీ చేయనున్నారు. ఈ నేపథ్యంలో వైసీపీ మళ్లీ కొత్త అభ్యర్థిని పార్లమెంటు బరిలో దింపాల్సి వస్తోంది. ఈ క్రమంలో మాజీ కేంద్ర మంత్రి కిల్లి కృపారాణిని బరిలో దించొచ్చని టాక్‌ నడుస్తోంది. అలాగే జిల్లాలో మంచి వైద్యుడిగా పేరు తెచ్చుకున్న దానేటి శ్రీధర్‌ పేరు కూడా వినిపిస్తోంది. వీరిద్దరిలో ఒకరికి వైసీపీ శ్రీకాకుళం ఎంపీ అభ్యర్థిత్వం దక్కే వీలుందని అంటున్నారు.

Tags:    
  • Kinjarapurammohannaidu 
  • TDP 
  • Srikakulam 
  • Andhrapradesh 
  • APPolitics 

Similar News

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

Copyright @2026

Powered by Blink CMS