ఇంతకీ ప్రీతిజింటా కన్నుకొట్టి కవ్వించింది ఎవరినీ?

ఇండియన్ ప్రీమియర్ లీగ్ (IPL) 2025 సీజన్ ఉత్కంఠ భరితంగా సాగుతోంది. హీట్ అఫ్ ద మోమెంట్‌లో క్రీడాప్రేమికులకే కాదు, జట్ల ఓనర్లకూ ఎమోషన్లతో నిండిన సమయాలు చోటుచేసుకుంటున్నాయి. అలాంటి ఒక మధురమైన, మరపురాని క్షణానికి నిలువెత్తు ఉదాహరణగా నిలిచింది బాలీవుడ్ నటి, పంజాబ్ కింగ్స్ జట్టు సహ యజమానురాలు ప్రీతీ జింటా చేసిన ఓ చిన్న సైగ కన్ను కొట్టిన వైనం వైరల్ అయ్యింది.

-ముంబైపై పంజాబ్ విజయం.. ప్రేక్షకుల హర్షధ్వానాలు

ఆహ్మదాబాద్‌లోని నరేంద్ర మోడీ స్టేడియంలో జరిగిన రెండో క్వాలిఫయర్ మ్యాచ్‌లో పంజాబ్ కింగ్స్ ముంబై ఇండియన్స్‌పై అద్భుతమైన విజయాన్ని నమోదు చేసింది. ముంబై జట్టు నిర్దేశించిన 204 పరుగుల భారీ లక్ష్యాన్ని పంజాబ్ జట్టు సునాయాసంగా ఛేదించింది. శ్రేయాస్ అయ్యర్ (41 బంతుల్లో 8 సిక్సర్లు, 5 ఫోర్లు), నేహల్ వధేరా (29 బంతుల్లో 48 పరుగులు) కలిసి మ్యాచ్‌ను తమ వశం చేసుకున్నారు.

-గెలిచిన వేళ ప్రీతీ జింటా ఉత్సాహం పీక్స్‌లో!

ఈ విజయ సమయంలో స్టేడియం గ్యాలరీలో కూర్చున్న ప్రీతీ జింటా గెలిచిన ఆనందంలో పిల్లలలా గెంతుతుండడం, ప్రతి బౌండరీకి హర్షాతిరేకంగా స్పందించడమే కాకుండా క్రికెట్ అభిమానిగా, జట్టు సభ్యులపై ప్రేమాభిమానాల్ని చూపిస్తూ పూర్తిగా తనను తానే మరిచిపోయింది. అయితే ఈ హడావిడిలో ఆమె చేసిన ఓ చిన్న కాని మధురమైన సైగ ఇప్పుడు సోషల్ మీడియాలో సంచలనం సృష్టిస్తోంది.

-కన్నుకొట్టడం వైరల్.. ఎవరికి ఆ కన్నుకొట్టు?

మ్యాచ్ ముగిసిన తరువాత సెలబ్రేషన్స్ జరుగుతున్న సమయంలో ప్రీతీ జింటా తన పక్కనే ఉన్న పంజాబ్ ఆటగాడిని చూసి స్టయిల్‌గా కన్ను కొట్టడం కెమెరాల్లో బంధించబడింది. ఆ సైగ కేవలం ఒక్క నిమిషం మాత్రమే అయినా ప్రేక్షకులను, నెటిజన్లను ఆకట్టుకుంది. ఆ వీడియో ప్రస్తుతం ట్విట్టర్, ఇన్‌స్టాగ్రామ్, యూట్యూబ్ షార్ట్‌లలో వైరల్‌గా మారింది.

-సస్పెన్స్: ఆ కన్నుకొట్టింది ఎవరి కోసం?

అయితే ప్రీతీ జింటా ఆ కన్నుకొట్టింది ఎవరికి ఇచ్చిందో మాత్రం క్లియర్‌గా కనిపించకపోవడంతో ఇప్పుడు ఆ అంశం సోషల్ మీడియాలో చర్చనీయాంశంగా మారింది. నెటిజన్లు తాము ఊహించిన ఆటగాళ్ల పేర్లను కామెంట్లలో వర్షంలా కురిపిస్తున్నారు. “శ్రేయాస్ అయ్యర్‌కా?”, “వధేరాకా?”, అంటూ ట్రోల్స్, మీమ్స్ ఊపందుకున్నాయి. నిజానికి ఆ సైగ ఆ ఆటగాడికి ప్రత్యేకమైన ప్రశంసగా చేశారా లేక కేవలం సరదాగా చేశారా అన్నది మాత్రం ఇంకా రహస్యంగానే ఉంది.

- పంజాబ్ ఫైనల్‌కు.. ప్రీతి ఆశలు పీక్స్

ఐపీఎల్ చరిత్రలో పంజాబ్ కింగ్స్ ఇప్పటివరకు రెండుసార్లు ఫైనల్‌కు చేరింది కానీ విజేతగా నిలవలేదు. ఈసారి మాత్రం ప్రీతీ జింటా గుండె నిండా ఆశలతో ఉంది. జట్టు ఆటగాళ్లపై తన మద్దతును ఆ సైగలతో, హరిష్టలతో చూపిస్తూ క్రికెట్‌కు అంకితభావాన్ని చాటుతోంది.

ఐపీఎల్‌లో ఆటల ఉత్కంఠ ఎంతైనా ఉండొచ్చు. కానీ అటు అభిమానులు, ఇటు ఓనర్లు కూడా తమ తమ జట్ల కోసం చూపించే ప్రేమ, శ్రద్ధ, స్పందనలు ఈ టోర్నీకి ప్రత్యేకమైన ఆకర్షణ. ప్రీతీ జింటా కన్నుకొట్టిన విధానం ఈ సీజన్‌లో అత్యంత చర్చనీయాంశమైన మధుర స్మృతి గానే మిగిలిపోతుందనడంలో ఎలాంటి సందేహం లేదు!