పవన్ కి డాక్టరేట్... బిగ్ ట్విస్ట్ ఏమిటంటే...!?

జనసేన అధినేత వెండి తెర పవర్ స్టార్ పవన్ కళ్యాణ్ కి అరుదైన గౌరవం దక్కింది. ఆయనకు గౌరవ డాక్టరేట్ ని తమిళనాడుకు చెందిన వేల్స్ యూనివెర్సిటీ ప్రకటించింది. నిజంగా పవన్ ఫ్యాన్స్ కి ఇది పండుగ లాంటి వార్త. పవన్ కళ్యాణ్ గత మూడు దశాబ్దాలుగా టాలీవుడ్ టాప్ హీరోగా ఉన్నారు. గత దశాబ్ద కాలంగా జనసేన పార్టీ ప్రెసిడెంట్ గా ఉన్నారు.

ఆయన సామాజిక సేవా కార్యక్రమాలకు గానూ గౌరవ డాక్టరేట్ ని ప్రకటిస్తున్నట్లుగా వేల్స్ యూనివర్శిటీ ప్రకటించింది. పవన్ కళ్యాణ్ ని వేల్స్ యూనివర్శిటీ 14వ స్నాతకోత్సవంలో డాక్టరేట్ తో సత్కరించాలని భావిస్తున్నట్లుగా పవన్ కళ్యాణ్ కి యూనివర్సిటీ పెద్దలు రాసిన లేఖలో పేర్కొన్నారు.

అయితే పవన్ కళ్యాణ్ తనకు గౌరవ డాక్టరేట్ వద్దు అని నిరాకరించడమే బిగ్ ట్విస్ట్ అని అంటున్నారు. పవన్ కళ్యాణ్ ఈ మేరకు యూనివర్శిటీ పెద్దలకు లేఖ రాస్తూ తన కంటే సమాజానికి సేవ చేసిన వారు చాలా మంది ఉన్నారని వారిని గుర్తించి డాక్టరేట్ ప్రదానం చేయాలని కోరారు. అంతే కాదు తాను ఎన్నికల పనులలో బిజీగా ఉన్నానని స్నాతకోత్సవానికి హాజరు కావడం కుదరదు అని ఆయన ఆ లేఖలో పేర్కొన్నారు.

తనను ఎంపిక చేసి గౌరవ డాక్టరేట్ ని ఇవ్వాలనుకోవడం పట్ల ఆయన ఆనందం వ్యక్తం చేశారు. ఈ డాక్టరేట్ ని ఒక గౌరవంగా భావిస్తున్నట్లుగా ఆయన పేర్కొన్నారు. అయితే తాను తీసుకోలేనని పవన్ నిస్సహయతను వ్యక్తం చేశారు. దీంతో పవన్ అభిమానులు జనసేన సైనికులు ఒక వైపు ఆనందంతో పాటు మరో వైపు నిరాశకు గురి అవుతున్నారు.

తమ నేతలు గౌరవ డాక్టరేట్ రావడం గొప్ప విషయం అని ఆయన దాన్ని వద్దు అని నిరాకరించడం అంతకంటే గొప్ప విషయం అని వారు అంటున్నారు. పవన్ ఫ్యాన్స్ అయితే పవన్ డాక్టరేట్ తీసుకుని ఉంటే బాగుంటుండేది అని అంటున్నారు. పవన్ కళ్యాణ్ కి అవార్డులు అంటే ఇష్టం ఉండదని చెప్పడానికి డాక్టరేట్ ని ఆయన తీసుకోకపోవడమే ఒక ఉదాహరణ అంటున్నారు. తమ అభిమాన హీరో పవన్ హుందా అయిన మనిషి అని అందుకే ఆయన అవార్డులను ఎపుడూ కోరుకోరు అని అంటున్నారు.

పవన్ కి డాక్టరేట్ లభించడం ఒక బిగ్ న్యూస్ అయితే దాన్ని ఆయన కాదనుకోవడం అంతకంటే బిగ్ న్యూస్ గా సోషల్ మీడియాలో వైరల్ అవుతోంది. పవన్ ఈ రోజు వద్దు అనుకున్న డాక్టరేట్ రేపు ఆయన్ని ఏదో రూపంలో వరించి వస్తుందని అభిమానులు సర్దిచెప్పుకుంటూ పోస్టింగులు పెడుతున్నారు.