ఎంఎస్ ధోని కుమార్తె కల.. వైరల్ వీడియో

టీమిండియా మాజీ కెప్టెన్ మహేంద్ర సింగ్ ధోని కుటుంబం ఎంత పాపులర్ అనేది చెప్పాల్సిన పనిలేదు. క్రికెట్ లెజెండ్‌ ధోని, ఆయన భార్య సాక్షి ధోని సోషల్ మీడియాలో తరచూ అభిమానుల దృష్టిలో ఉంటారు. ఇప్పుడు వారి ముద్దుల కుమార్తె జీవా ధోని కూడా అదే స్థాయిలో అభిమానుల మనసును గెలుచుకుంటోంది. తాజాగా జీవా ధోని చెప్పిన ‘కల’ నెట్టింట వైరల్‌గా మారింది.

ఉత్తరాఖండ్‌లోని హరిద్వార్‌ పర్యటనలో ధోని భార్య సాక్షి తన కుమార్తెతో కలిసి పాల్గొన్నప్పుడు ఓ వ్యక్తి సరదాగా జీవాను అడిగాడు.. ‘నువ్వు పెద్దయ్యాక ఏం అవ్వాలనుకుంటున్నావ్?’. దానికి జీవా చిటికెలో సమాధానమిచ్చింది. నేను ‘ప్రకృతి శాస్త్రవేత్త అవ్వాలనుకుంటున్నా’. ఆ మాటలు అక్కడున్న వారిలో చిరునవ్వులు పూయించడమే కాకుండా, సోషల్ మీడియాలో చర్చనీయాంశమయ్యాయి.

*చిన్న వయసులో పెద్ద ఆలోచన

జీవా సమాధానం నిరపరాధంగా ఉన్నా, దానిలోని స్పష్టత అందరినీ మంత్ర ముగ్ధుల్ని చేసింది. సాధారణంగా పిల్లలు డాక్టర్‌, టీచర్‌, యాక్టర్‌ లేదా పైలట్‌ అవ్వాలని చెబుతారు. కానీ జీవా ప్రకృతిని ప్రేమించి, దానిని పరిశీలించే శాస్త్రవేత్త కావాలని చెప్పడం నెటిజన్ల హృదయాలను తాకింది. 10 సంవత్సరాల వయసులోనే ఇలాంటి ఆలోచన రావడం ముచ్చటగానే ఉంది.

హరిద్వార్‌లో గంగా సభ కార్యదర్శి తన్మయ్ వశిష్ఠ ఆ వీడియోను సోషల్ మీడియాలో అప్‌లోడ్ చేశారు. “చిన్న వయసులోనే ఇంత మంచి లక్ష్యం కలిగి ఉండటం ఆనందంగా ఉంది. జీవాకు ప్రకృతి పట్ల నిజమైన ప్రేమ కనబడుతోంది” అని ఆయన ప్రశంసించారు.

నెటిజన్ల ప్రేమ, ప్రశంసల వర్షం

ఆ వీడియో వైరల్‌ కావడంతో అభిమానులు ధోని కుటుంబంపై ప్రశంసల వర్షం కురిపిస్తున్నారు. “లెజెండరీ ఫాదర్‌, ఇన్‌స్పిరేషనల్‌ మదర్‌, ఇప్పుడు ఐడియల్‌ డాటర్‌” అంటూ నెటిజన్లు కామెంట్లు చేస్తున్నారు. కొందరు ధోని లాంటి తండ్రి, సాక్షి లాంటి తల్లి ఉన్న జీవా ఖచ్చితంగా ప్రకృతిని రక్షించే శాస్త్రవేత్తగా ఎదగాలి అని అభినందనలు తెలుపుతున్నారు.

జీవా ఇప్పటికే సోషల్ మీడియాలో స్టార్‌. ఐపీఎల్‌ మ్యాచ్‌ల సమయంలో చెన్నై సూపర్ కింగ్స్‌ డగ్‌అవుట్‌లో తండ్రితో కనిపించడం అభిమానులకు ఒక మధుర క్షణం అవుతుంది. ఇప్పుడు ఆమె కల ధోని అభిమానుల్లో ఆసక్తిని రేపుతోంది.

* ధోని కుటుంబం – పర్యటనల వెనుక భావోద్వేగం

గత వారంలో సాక్షి - జీవా ఉత్తరాఖండ్‌లోని హరిద్వార్‌, కాశీ ప్రాంతాలను సందర్శించారు. హర్ కీ పౌరి ప్రాంతంలో వారు స్థానికులకు ఆహారం పంచిన వీడియోలు కూడా సోషల్ మీడియాలో వైరల్ అయ్యాయి. సాక్షి ధోని తన సాధారణతతో, సర్వీసు కార్యక్రమాలతో ప్రజల మనసు దోచుకుంటున్నారు.

జీవా చిన్న వయసులో చెప్పిన ఈ కల “ప్రకృతిని ప్రేమించే శాస్త్రవేత్త” కావాలని.. అభిమానుల్లో ఒక కొత్త ఆలోచనను రేకెత్తించింది. సంప్రదాయ వారసత్వాన్ని మించి, ప్రకృతిని రక్షించే బాధ్యతను గుర్తుచేసే ఈ చిన్నారి కలకు దేశవ్యాప్తంగా ప్రశంసలు లభిస్తున్నాయి.