• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  పట్టుకొచ్చి కాల్చేశారా?...

పట్టుకొచ్చి కాల్చేశారా? ప్రజాసంఘాల అనుమానం!

| మావోయిస్టు పార్టీ ప్రధాన కార్యదర్శి నంబాల కేశవరావు ఎన్‌కౌంటరుపై ప్రజా సంఘాలు అనుమానం వ్యక్తం చేస్తున్నాయి.

By - Tupaki Desk
Update: 2025-05-24 05:40 GMT

మావోయిస్టు పార్టీ ప్రధాన కార్యదర్శి నంబాల కేశవరావు ఎన్‌కౌంటరుపై ప్రజా సంఘాలు అనుమానం వ్యక్తం చేస్తున్నాయి. చత్తిస్ గఢ్ లోని అబూజుమడ్ అడవుల్లో ఈ నెల 21న జరిగిన ఎన్‌కౌంటరులో కేశవరావుతో సహా 27 మంది మరణించిన విషయం తెలిసిందే. అయితే ఈ ఎన్‌కౌంటరుపై భిన్న కథనాలు వినిపిస్తున్నాయి. మావోయిస్టు అగ్రనేత కేశవరావు భౌతికఖాయాన్ని ఇప్పటికీ కుటుంబ సభ్యులకు అప్పగించకపోవడంపై ఆయన మరణంపై ప్రజాసంఘాల వారు పలు సందేహాలు వ్యక్తం చేస్తున్నారు. కేశవరావుకు రక్షణగా కనీసం 50 మంది సాయుధ మావోయిస్టులు ఉంటారని, కానీ ఎన్‌కౌంటరులో 27 మంది మరణించడంతో ఆయనను పట్టుకొచ్చి కాల్చిచంపేశారేమోనని అనుమానాలు వ్యక్తం చేస్తున్నారు.

పోలీసులు విడుదల చేసిన ఫొటోను చూసి కూడా పలువురు అనుమానాలు వ్యక్తం చేస్తున్నారు. ఆయన గడ్డం చేసుకోకపోవడం, తలకు రంగువేసుకున్నట్లు కనిపించడం, తల కింద ఎర్రదస్తీ ఉండటంపై పలు సందేహాలు వ్యక్తం చేస్తున్నారు. ఆయన దస్తీ ఎప్పుడూ అలా వాడరని, కొత్తగా కట్టినట్లు ఉందని గతంలో కేశవరావుతో కలిసిపనిచేసిన వారు చెబుతున్నారు. ఇక కేశవరావును పడుకోబెట్టిన ప్రదేశంలో ఆకులను గమనిస్తే ఎదురుకాల్పులు జరిగిన ప్రదేశంగా అనిపించడం లేదని అంటున్నారు. మావోయిస్టు దళపతితోపాటు చనిపోయిన ఇతర మావోయిస్టుల ఫొటోలను చూస్తుంటే అత్యంత సమీపం నుంచే కాల్పులు జరిపినట్లు ఉందని, వారి ముఖాలపై తుపాకీ బాయ్ నెట్ తో కొట్టినట్లు గుర్తులు కనిపిస్తున్నాయని అంటున్నారు.

కేశవరావుతోపాటు మధు తప్పనిసరిగా ఉంటాడని, ఈ ఇద్దరికి రక్షణగా ఉండాల్సిన వారి విషయంలో అనుమానాలు తలెత్తుతున్నాయని అంటున్నారు. కేశవరావు అనారోగ్యంతో బాధపడుతున్నారని చికిత్స తీసుకుంటుండగా, పట్టుకొచ్చి కాల్చిచంపారన్న ఆరోపణలు వినినిపిస్తున్నాయని అంటున్నారు. అంతేకాకుండా కేశవరావు పదేళ్లపాటు దండకారుణ్యంలోని అబూజ్ మడ్ లోని ఒకే ప్రాంతంలో ఉంటున్నట్లు ప్రచారం జరుగుతోంది. ఈ విషయం తెలుసుకున్న పోలీసులు ఐదు నెలలుగా ప్రణాళిక సిద్ధం చేసుకుని ఈ నెల 21న దాడి చేసినట్లు మరో చర్చ జరుగుతోంది. మొత్తానికి కేశవరావు అతి విశ్వాసమే ఆయనను దెబ్బతీసిందని అంటున్నారు. మరోపైపు ఆయన మృతదేహం కోసం ఇప్పటికీ కుటుంబ సభ్యలు ఎదురుచూస్తున్నారు. మరణించి మూడు రోజులు అవుతున్నా మృతదేహం అప్పగించకపోవడంపై భద్రతాదళాలపై విమర్శలు వ్యక్తమవుతున్నాయి.

Tags:    
  • KeshavRao 
  • MaoistEncounter 
  • Abujhmad 
  • ChhattisgarhNews 
  • HumanRightsConcerns 
  • EncounterDoubts 
  • MaoistLeaderKilled 
  • SecurityForces 
  • FakeEncounterAllegations 
  • LeftWingExtremism 

Similar News

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

Copyright @2026

Powered by Blink CMS