• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  నెల రోజులవుతోంది.....

నెల రోజులవుతోంది.. హసీనాను అప్పగిస్తారా? లేదా? బంగ్లా డిమాండ్

| ఇక ఇటీవల హసీనా డిప్లొమాటిక్ పాస్ పోర్టును బంగ్లాదేశ్ లోని మొహమ్మద్ యూనస్ తాత్కాలిక ప్రభుత్వం రద్దు చేసింది

By - Tupaki Desk
Update: 2024-09-02 12:30 GMT

గత నెల 5న దేశంలో తీవ్రస్థాయి ఆందోళనల నేపథ్యంలో ప్రధాని పదవికి రాజీనామా చేసి భారత్ కు వచ్చేశారు షేక్ హసీనా. చెల్లెలు షేక్ రెహానాతో కలిసి అప్పటినుంచి ఆమె ఇక్కడ ఉంటున్నారు. తొలుత బ్రిటన్ వెళ్లాలని ప్రయత్నం చేసిన హసీనాకు ఆ దేశం నుంచి అనుమతి లభించలేదు. నెల ముందుగా అభ్యర్థన చేసుకోవాలన్న నిబంధనను చూపుతూ ప్రవేశాన్ని నిరాకరించింది. ఇక ఇటీవల హసీనా డిప్లొమాటిక్ పాస్ పోర్టును బంగ్లాదేశ్ లోని మొహమ్మద్ యూనస్ తాత్కాలిక ప్రభుత్వం రద్దు చేసింది. దీంతో ఆమె వేరే ఏ దేశమూ వెళ్లలేని పరిస్థితి నెలకొంది.

ఎన్నిసార్లు అడగాలి..

షేక్ హసీనాపై బంగ్లాదేశ్ తాత్కాలిక ప్రభుత్వం ఇప్పటివరకు 53 కేసులు పెట్టింది. ఇందులో 44 హత్య కేసులే. మరో 7 దేశంలో జరిగిన హత్యాకాండాకు సంబంధించినవి. ఇక ప్రతిపక్ష బంగ్లాదేశ్ నేషనల్ పార్టీ (బీఎన్పీ) ఊరేగింపు సందర్భంగా జరిగిన ఘర్షణతో దాడి కేసు కూడా ఒకటి ఉంది. హత్య కేసులన్నీ రిజర్వేషన్లపై ఆందోళనల్లో చనిపోయిన విద్యార్థుల కుటుంబ సభ్యుల ఫిర్యాదుతో నమోదైనవే. ఈ కేసుల్లో హసీనా మాజీ మంత్రులు, అనుచరులు కూడా ఉన్నారు. దీంతోనే హసీనా స్వదేశానికి వెళ్తే ఏం జరుగుతుందో అందరికీ తెలిసిపోతోంది. ఆమె బంగ్లాలో కాలుపెట్టీ పెట్టగానే అరెస్టు చేయడం ఖాయమని స్పష్టమవుతోంది. కాగా, బంగ్లా విదేశీ వ్యవహారాల సలహాదారు ఎండీ తౌహిద్ హుస్సేన్ మాట్లాడుతూ.. హసీనాను అప్పగించమని భారత్ ను పలుసార్లు కోరినా భారత్ స్పందించడం లేదని అసహనం వ్యక్తం చేశారు. ఆమెను రప్పించేందుకు యూనస్‌ ప్రభుత్వం ఏమైనా చేస్తుందని కూడా వ్యాఖ్యానించారు. బంగ్లాదేశ్ న్యాయ వ్యవస్థ తలుచుకుంటే హసీనాను ఎలాగైన తీసుకురాగలమని గొప్పలు పోయారు.

ఆమె ఎక్కడుందో భారత్ నే అడగండి

హసీనాను భారత్‌ అప్పగిస్తుందా, లేదా అని బంగ్లా తాత్కాలిక ప్రభుత్వం ప్రశ్నించింది. ఇది భారత్ తీసుకోవాల్సిన నిర్ణయమని ప్రకటించింది. తిరిగి తీసుకురావడానికి ఎలాగైన ప్రయత్నిస్తామని చెప్పింది. భారత్‌ తో వివిధ ఒప్పందాలు, చట్టపరమైన ప్రక్రియలు ఉన్న సంగతిని గుర్తుచేసింది. హసీనా భారత్‌ లో ఎక్కడ ఉన్నదీ తమకు తెలియదని.. సమాధానం కావాలంటే భారత్‌ నే అడగండి అంటూ తౌహిద్ హుస్సేన్ ఆగ్రహం వ్యక్తంచేశారు. కాగా, మొహమ్మద్ యూనుస్ భారత్ కు వ్యతిరేకి. ఆయన సారథ్యంలోని ప్రభుత్వం ఎలా ఉంటుందో చెప్పాల్సిన పనిలేదు. ద్వైపాక్షిక సంబంధాల విషయంలో హసీనా అప్పగింత కీలకం అని బంగ్లాదేశ్‌ నేషనలిస్ట్‌ పార్టీ (బీఎన్పీ) పేర్కొంది. హసీనా భారత్‌ లోనే ఉంటే సంబంధాలు దెబ్బతింటాయని హెచ్చరించడం గమనార్హం.

Tags:    
  • Bangladesh 
  • Sheikhhasina 
  • BangladeshNationalistParty 
  • BNP 
  • India 
  • MohammadYunus 

Similar News

మూడు ముళ్ల బంధం.. రూ. 7.50 లక్షల కోట్ల వ్యాపార సామ్రాజ్యం!

2026-11-19 19:30 GMT

వీఐపీలు వస్తేనే ముంబైకి అందం.. సామాన్యులు ఉంటే ఎందుకీ దుర్గంధం?

2026-11-19 18:30 GMT

సహచరుల వద్ద తలెత్తుకోలేకపోతున్నా.. ఇప్పుడే వైసీపీలోకి వెళ్లిపోండి! – టీడీపీ ఎమ్మెల్యే థామస్ సంచలన వ్యాఖ్యలు

2026-11-19 17:30 GMT

AI హడావుడి.. సినిమాకు ఒరిగిందేంటి!

2026-11-19 17:30 GMT

పార్టీలు, ఫంక్షన్లు జరగాలంటే ఆ రూల్స్ పాటించాలా?

2026-11-19 16:30 GMT

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

Copyright @2026

Powered by Blink CMS