• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కీలక రాజకీయ నిర్ణయం దిశగా...

కీలక రాజకీయ నిర్ణయం దిశగా చంద్రబాబు.. ఢిల్లీ ప్రయాణం వెనుక రకరకాల ఊహాగానాలు

| ఆదివారం రాత్రి మంత్రి లోకేశ్, సోమవారం రాత్రి చంద్రబాబు ఢిల్లీ వెళ్లనున్నారు. ఆదివారం ఢిల్లీలో బీజేపీ పార్లమెంటరీ బోర్డు సమావేశం జరుగుతోంది.

By - Tupaki Desk
Update: 2025-08-17 09:18 GMT

ముఖ్యమంత్రి చంద్రబాబు సోమవారం రాత్రి ఢిల్లీ వెళ్లనున్నారు. మంగళవారం జరిగే ఉప రాష్ట్రపతి నామినేషన్ కార్యక్రమంలో ఆయన పాల్గొంటారని అధికారికంగా చెబుతున్నా, సీఎం ఢిల్లీ పర్యటనపై అనేక ఊహాగానాలు వినిపిస్తున్నాయి. ప్రధానంగా రాష్ట్రానికి సంబంధించి కీలక రాజకీయ నిర్ణయం దిశగా ఆయన అడుగులు వేస్తున్నట్లు పరిశీలకులు అనుమానిస్తున్నారు. అందుకే మంత్రి లోకేశ్ కూడా ఢిల్లీ వెళ్లారని చెబుతున్నారు. ఇద్దరు కీలక నేతలు అధికారిక పర్యటనల నిమిత్తమే ఢిల్లీ వెళ్లినట్లు చెబుతున్నా, ఇద్దరూ ఒకేసారి వెళ్లడం, ముఖ్యమంత్రి కన్నా ముందే లోకేశ్ ఢిల్లీ వెళ్లాలని నిర్ణయించడం ఉత్కంఠ రేపుతోంది.

ఆదివారం రాత్రి మంత్రి లోకేశ్, సోమవారం రాత్రి చంద్రబాబు ఢిల్లీ వెళ్లనున్నారు. ఆదివారం ఢిల్లీలో బీజేపీ పార్లమెంటరీ బోర్డు సమావేశం జరుగుతోంది. సోమవారం ఎన్డీఏ పక్షాల సమావేశం జరగనుంది. ఈ సమావేశానికి ఎన్డీఏ పక్షాల నేతలను ఆహ్వానించారు. ఇక ఈ రోజు ఉప రాష్ట్రపతి అభ్యర్థిని ఎంపిక చేసి, సోమవారం ఎన్డీఏ భేటీలో ఆమోదం తీసుకుంటారని అంటున్నారు. మంగళవారం ఎన్డీఏ పక్షాల నేతల సమక్షంలో ఉప రాష్ట్రపతి అభ్యర్థి నామినేషన్ దాఖలు చేయనున్నారు. సోమవారం ఎన్డీఏ నేతల సమావేశానికి సీఎం చంద్రబాబు హాజరవుతారని, మంగళవారం జరిగే నామినేషన్ కార్యక్రమంలోనూ ఆయన పాల్గొంటారని అధికార వర్గాల సమాచారం.

ఇక ఆదివారం రాత్రి ఢిల్లీ వెళుతున్న మంత్రి నారా లోకేశ్ పలువురు కేంద్ర మంత్రుల అపాయింట్‌మెంట్ తీసుకున్నట్లు చెబుతున్నారు. ముఖ్యమంత్రి చంద్రబాబు సైతం రాష్ట్రానికి సంబంధించి పలు ప్రాజెక్టులపై ప్రధాని మోదీతోపాటు కేంద్ర మంత్రులతో చర్చించనున్నారని అంటున్నారు. మరోవైపు నిధుల సాధనకే మంత్రి లోకేశ్ ఢిల్లీ వెళుతున్నారని చెబుతున్నా, ఆయన ఈ పర్యటనలో కేంద్ర హోంమంత్రి అమిత్ షాతో భేటీ అయ్యే అవకాశాలు ఉన్నాయనే ప్రచారం రాజకీయంగా హీట్ పుట్టిస్తోంది. ఏపీలో ఓ కీలక రాజకీయ నిర్ణయం తీసుకునే విషయంలో సీఎం చంద్రబాబు, మంత్రి లోకేశ్ ఢిల్లీ పెద్దలను సంప్రదిస్తున్నట్లు చెబుతున్నారు. వాస్తవానికి పరిపాలనకు సంబంధించి సీఎం చంద్రబాబు ఢిల్లీ పెద్దల అనుమతులు తీసుకోవాల్సిన అవసరం లేకపోయినా, రాష్ట్రంలో మూడు పార్టీల భాగస్వామ్య కూటమి ప్రభుత్వం నడుపుతున్నందున రాజకీయ నిర్ణయాలను ఢిల్లీ పెద్దలతో చర్చించి తీసుకోవాల్సివస్తుందని అంటున్నారు.

ప్రతిపక్ష వైసీపీని తీవ్రంగా దెబ్బతీయాలనే ప్రయత్నాల్లో ఉన్న ప్రభుత్వం.. వైసీపీని మరింత కుంగదీసే కీలక నిర్ణయం తీసుకునే దిశగా వేగంగా పావులు కదుపుతున్నట్లు సోషల్ మీడియాలో ప్రచారం జరుగుతోంది. ప్రధానంగా లిక్కర్ స్కాం దర్యాప్తులో సిట్ సాధించిన పురోగతిని కేంద్ర పెద్దలకు వివరించడంతోపాటు అంతిమ లబ్ధిదారు లెక్కలను తేల్చే పనిపై సీఎం చంద్రబాబు, మంత్రి లోకేశ్ ఫోకస్ చేశారని అంటున్నారు. అంతిమ లబ్దిదారు పాత్రపై కొన్ని కీలక ఆధారాలు లభించాయని ప్రభుత్వ వర్గాలు చెబుతున్నాయి. దీంతో ఈ కేసులో అంతిమ లబ్దిదారుపై చర్యలకు అనుమతి ఇవ్వాలని ముఖ్యమంత్రి చంద్రబాబు, మంత్రి లోకేశ్ కోరుతున్నట్లు సమాచారం. మరోవైపు ఈ కేసును ఈడీ కూడా దర్యాప్తు చేస్తున్నందున కేంద్రం కూడా చొరవ తీసుకుని ఈడీ ద్వారా అంతిమ లబ్ధిదారు అరెస్టుకు ప్రయత్నించాలని సీఎం సూచిస్తున్నారని అంటున్నారు. మొత్తానికి గేమ్ ఓవర్ అని భావిస్తున్న ముఖ్యమంత్రి చంద్రబాబు, మంత్రి లోకేశ్ ఈ పర్యటనలో అంతిమ లబ్ధిదారు అయిన బిగ్ బాస్ పై తుది నిర్ణయం తీసుకుంటారని టీడీపీ వర్గాలు చెబుతున్నాయి.

Tags:    
  • ChandrababuNaidu 
  • NaraLokesh 
  • DelhiVisit 
  • PoliticalDecisions 
  • LiquorScam 
  • APPolitics 
  • TDP 
  • YSRCP 
  • KeyMeetings 
  • అధికారికపర్యటన 
  • కేంద్రసమావేశం 
  • పార్టీకూటమి 
  • లిక్కర్‌స్కాం 

Similar News

పిచ్చికుక్క కరిచిందా.. ఎర్రగడ్డకు పంపిస్తాం.. కోమటిరెడ్డికి రేవంత్ రెడ్డి పరోక్ష పంచ్.. కాంగ్రెస్‌లో మాటల మంటలు

2026-11-19 21:30 GMT

విశాఖ నుంచి తిరుపతి వెళ్ళే భక్తులకు సూపర్ న్యూస్

2026-11-19 21:15 GMT

సీనియర్లను రంగంలోకి దించిన జనసేన

2026-11-19 21:15 GMT

ఎవరు గెలిచినా మేమే...వైసీపీ అలా తృప్తి పడుతోందా ?

2026-11-19 21:12 GMT

మంత్ర్రుల‌ను కాద‌న‌లేరు.. కార్య‌క‌ర్త‌ల‌ను వ‌ద్ద‌న‌లేరు: బాబుకు చిక్కులు

2026-11-19 21:12 GMT

పెరిగే సీట్లు వైసీపీ రాజకీయాన్ని ముంచేస్తాయా ?

2026-11-19 21:11 GMT

మలేషియా గేట్లు మూసేసింది.. భారతీయులకు ఇక వీసా కష్టాలు.. అసలు కారణమిదే..

2026-11-19 21:10 GMT

కొలువు తీరిన ఎంపీపీలు...రికార్డు స్థాయిలో పదవులు

2026-11-19 21:01 GMT

మోదీ ప్రస్తావించిన లైసెన్స్ రాజ్ అంటే ఏమిటి? ఏంటా కథ?

2026-11-19 21:00 GMT

'రాష్ట్ర పండుగ' గా రామోజీరావు జయంతి.. ..ప్రభుత్వ నిర్ణయంపై భిన్న వాదనలు ఇవే !

2026-11-19 20:57 GMT

మూడు ముళ్ల బంధం.. రూ. 7.50 లక్షల కోట్ల వ్యాపార సామ్రాజ్యం!

2026-11-19 19:30 GMT

వీఐపీలు వస్తేనే ముంబైకి అందం.. సామాన్యులు ఉంటే ఎందుకీ దుర్గంధం?

2026-11-19 18:30 GMT

Copyright @2026

Powered by Blink CMS