ఎనిమిదేళ్లుగా వేధిస్తున్నారు.. నేనేంటో చూపిస్తా -రష్మిక మందన్న!

నేషనల్ క్రష్ రష్మిక మందన్న సాధారణంగా చాలా కూల్‌గా కనిపిస్తారు. కానీ, గత కొంతకాలంగా తనపై జరుగుతున్న అసత్య ప్రచారాలు, వ్యక్తిగత దూషణలపై ఆమె సహనం నశించింది. గత ఎనిమిదేళ్లుగా తనను వేధిస్తున్నారని, ఇప్పుడు అది హద్దులు దాటి తన కుటుంబం వరకు వెళ్లిందని రష్మిక ఆవేదన వ్యక్తం చేశారు. ఇకపై మౌనంగా ఉండేది లేదని, తనను వేధిస్తున్న వారికి చట్టపరంగా బుద్ధి చెబుతానని ఎక్స్ వేదికగా గట్టి వార్నింగ్ ఇచ్చారు. ఆ వివరాలు ఇలా వున్నాయి ..

8 ఏళ్ల వేధింపులు - రష్మిక ఘాటైన హెచ్చరిక:

గత 8 ఏళ్లుగా తన గురించి తప్పుడు ప్రచారాలు చేస్తూ, ఆన్‌లైన్‌లో వ్యక్తిగతంగా అటాక్ చేస్తున్నారని రష్మిక వాపోయారు.ఇక ముఖ్యంగా గత 24 గంటల్లో ఈ వేధింపులు మితిమీరిపోయాయని, తన ఫ్యామిలీని కూడా ఈ వివాదాల్లోకి లాగడంపై ఆమె తీవ్రంగా స్పందించారు. "ఇకపై ఊరుకునేది లేదు.. 24 గంటల్లో నాపై పెట్టిన ఆ అసభ్యకరమైన కంటెంట్‌ను తొలగించకపోతే పరువు నష్టం దావా వేస్తాను" అంటూ నేరుగా హెచ్చరించారు. తన సహనాన్ని పరీక్షించవద్దని, స్టాఫ్ కాలనీ లేదంటే చట్టపరంగా తాను చేయాల్సింది చేస్తానని ఆమె స్పష్టం చేశారు.

రక్షిత్ శెట్టి వివాదం - మళ్ళీ తెరపైకి పాత విషయాలు:

రష్మిక ఇంతలా రియాక్ట్ అవ్వడానికి ప్రధాన కారణం, ఆమె గతంలో రక్షిత్ శెట్టితో చేసుకున్న ఎంగేజ్మెంట్ రద్దు విషయంపై మళ్ళీ తప్పుడు వార్తలు రావడం అని తెలుస్తోంది. ఇక ఎప్పుడో ముగిసిపోయిన విషయాన్ని పదే పదే గుర్తు చేస్తూ, తన క్యారెక్టర్‌ను కించపరిచేలా సోషల్ మీడియాలో పోస్ట్‌లు పెడుతున్న వారిపై ఆమె విరుచుకుపడ్డారు. ఒక నటిగా విమర్శలను స్వీకరిస్తాను కానీ, వ్యక్తిగత జీవితంపై దాడి చేస్తే మాత్రం చూస్తూ ఊరుకోనని ఆమె వెల్లడించారు. ఈ విషయంలో రష్మికకు అభిమానుల నుండి పెద్ద ఎత్తున మద్దతు లభిస్తోంది.

సెలబ్రిటీలన్నాక విమర్శలు సహజమే కానీ, అవి కుటుంబంపై దాడి చేసేలా ఉంటే ఎవరైనా స్పందించాల్సిందే. రష్మిక తీసుకున్న ఈ నిర్ణయం సోషల్ మీడియాలో ట్రోలింగ్ చేసే వారికి ఒక గుణపాఠం కావాలి. ఇక అన్యాయాన్ని ఎదిరించడంలో ఆమె చూపిస్తున్న ధైర్యం నిజంగా అభినందనీయం. తనను వేధిస్తున్న వారు ఇప్పటికైనా వెనక్కి తగ్గుతారో లేదో చూడాలి.