అభిమానుల కోసం జపాన్ కు డార్లింగ్!

తెలుగు హీరోల అభిమానం హ‌ద్దులు ఎప్పుడో దాటి పోయింది. తెలుగు అభిమానుల్లా విదేశీ అభిమానులు కూడా టాలీవుడ్ స్టార్స్ ని ఆరాధించ‌డం క‌ళ్ల‌ముందు క‌నిపిస్తూనే ఉంది. తెలుగు హీరోలు చైనా, జ‌పాన్, అమెరికా లాంటి దేశాలు వెళ్లిన‌ప్పుడు అక్క‌డ అభిమానులు ఏ స్థాయిలో అభిమానం కురిపిస్తున్నారో? చూసాం. రామ్ చ‌రణ్, ఎన్టీఆర్, ప్ర‌భాస్, బ‌న్నీ అంటే విదేశాల్లో పిచ్చ క్రేజ్ ఉంది. ప్ర‌త్యేకించి జ‌పాన్ అభిమానం ఎంతో ప్ర‌త్యేక‌మైన‌ది. మ‌న హీరోలు ఏ దేశం వెళ్తే ఆదేశానికి జ‌పాన్ నుంచి వ‌చ్చేస్తున్నారంటే? అభిమానం ఏ స్థాయికి చేరింద‌న్న‌ది అద్దం ప‌డుతుంది. హీరోలు సైతం విదేశీ అభిమానులంటే అంతే ప్రాధాన్య‌త ఇస్తున్నారు.

వాళ్ల‌ను గుర్తించి మాట్లాడ‌టం..సెల్పీలు ఇవ్వ‌డం వంటివి వాళ్ల‌లో మ‌రింత ఉత్సాహాన్ని నింపుతున్నాయి. ఈ నేప‌థ్యంలో తాజాగా ప్ర‌భాస్ ప్ర‌త్యేకంగా అభిమానుల్ని ప‌ల‌క‌రించ‌డం కోస‌మే జ‌పాన్ వెళ్ల‌డానికి రెడీ అవుతున్నాడు. ఆయ‌న హీరోగా న‌టించిన `క‌ల్కి 2898` జపాన్ లో కూడా రిలీజ్ అయిన సంగ‌తి తెలిసిందే. అయితే ఆ సినిమా ప్ర‌చారం స‌మ‌యంలో డార్లింగ్ జ‌పాన్ వెళ్ల‌లేదు. ఇండియాలో బిజీగా ఉండ‌టంతో ఆ సినిమా కోసం జ‌పాన్ వెళ్ల‌లేదు. కానీ రిలీజ్ అనంత‌రం ఆ సినిమాను మాత్రం జ‌పాన్ అభిమానులు గ్రాండ్ స‌క్సెస్ చేసారు.

ఈ నేప‌థ్యంలో వారికి కృత‌జ్ఞ‌త‌లు చెప్పేందుకు డిసెంబ‌ర్ లో జ‌పాన్ వెళ్ల‌నున్నారు. ప్ర‌స్తుతం `పౌజీ` షూటింగ్ లో డార్లింగ్ బిజీగా ఉన్నాడు. కానీ ఈ సినిమా నుంచి బ్రేక్ తీసుకుని మ‌రీ జ‌పాన్ వెళ్లాల‌నుకుంటున్నారు. కీల‌క షెడ్యూల్స్ ఉన్నా? వాటిని ప‌క్క‌న బెట్టి జ‌పాన్ వెళ్తున్నార‌ని తెలిసింది. జ‌పాన్ నుంచి తిరిగొచ్చిన త‌ర్వాత `స్పిరిట్` సినిమా షూటింగ్ కూడా మొదలు పెట్టాల‌ని అనుకుంటున్నారుట‌. `పౌజీ` షూటింగ్ ఉన్నా? దాంతో సంబంధం లేకుండా ప‌ట్టాలెక్కిద్దామ‌ని సందీప్ రెడ్డికి చెప్పిన‌ట్లు తెలిసింది. అలాగే `రాజాసాబ్` ప్ర‌చార కార్య‌క్ర‌మాల్లో కూడా డార్లింగ్ పాల్గొంటారు.

ఈ సినిమాను సంక్రాంతి కానుక‌గా జ‌న‌వ‌రిలో రిలీజ్ చేస్తున్న సంగ‌తి తెలిసిందే. ఇంత వ‌ర‌కూ ఈ సినిమాకు సంబంధించి ఒక్క‌ ఈవెంట్ మిన‌హా ఎలాంటి ప్రచారం చేయ‌లేదు. భారీ అంచ‌నాలున్న నేప‌థ్యంలో? ప్ర‌చారం కూడా కీల‌కం కావ‌డంతో? షూటింగ్ తో పాటు, `రాజాసాబ్` ముఖ్య‌మైన ప్ర‌చార కార్య‌క్ర‌మాల్లో కూడా డార్లింగ్ పాల్గొంటారు. ప్ర‌స్తుతం ద‌ర్శ‌కుడు మారుతి సినిమాకు సంబంధించిన ప‌నుల్లోనే బిజీగా ఉన్నాడు. చిత్రీక‌ర‌ణ పూర్త‌యిన నేప‌థ్యంలో పోస్ట్ ప్రొడ‌క్ష‌న్ ప‌నులు నిర్వ‌హిస్తున్నారు.