నయనతార 60 అడుగుల కటౌట్.. కానీ సినిమాపై బజ్ ఏది?
నయనతార నటిస్తున్న ‘మూకుత్తి అమ్మన్ 2’ సినిమా విడుదలకు ముందే చెన్నైలో భారీ కటౌట్‌తో అందరి దృష్టిని ఆకర్షిస్తోంది.
నయనతార నటిస్తున్న ‘మూకుత్తి అమ్మన్ 2’ సినిమా విడుదలకు ముందే చెన్నైలో భారీ కటౌట్‌తో అందరి దృష్టిని ఆకర్షిస్తోంది. చెంబరంబాక్కంలోని వేల్స్ థియేటర్స్ వద్ద ఏర్పాటు చేసిన ఈ 60 అడుగుల కటౌట్.. భారతదేశంలో ఓ హీరోయిన్‌కు ఏర్పాటు చేసిన అత్యంత ఎత్తైన కటౌట్‌గా ప్రచారం పొందుతోంది.
సుందర్ సి దర్శకత్వంలో తెరకెక్కిన ఈ సినిమా నవంబర్ 6, 2026న థియేటర్లలోకి రానుంది. తెలుగులో ‘మహాశక్తి’ పేరుతో విడుదల కానుంది. సాధారణంగా స్టార్ హీరోల సినిమాలకే భారీ కటౌట్లు కనిపిస్తుంటాయి. ఇప్పుడు నయనతారకు కూడా అలాంటి క్రేజ్ కనిపించడం విశేషం.
అయితే, కటౌట్‌తో వచ్చిన హడావుడి సినిమాపై అంచనాలుగా మారుతుందా అనేది చూడాలి. ఇప్పటివరకు సినిమాకు ఆశించిన స్థాయిలో బజ్ కనిపించడం లేదు. విడుదలకు సమయం దగ్గరపడుతున్న నేపథ్యంలో మేకర్స్ ప్రమోషన్లను మరింత పెంచాల్సిన అవసరం ఉంది.
మరోవైపు, సూర్య నటించిన ‘సీన్’, భారీ బడ్జెట్ చిత్రం ‘రామాయణ’ వంటి సినిమాల పోటీ కూడా ‘మూకుత్తి అమ్మన్ 2’కు సవాలుగా మారే అవకాశం ఉంది.
వేల్స్ ఫిల్మ్ ఇంటర్నేషనల్, రౌడీ పిక్చర్స్ నిర్మిస్తున్న ఈ చిత్రంలో రెజీనా కసాండ్రా, దునియా విజయ్, ఊర్వశి, అజయ్ ఘోష్, యోగిబాబు తదితరులు కీలక పాత్రల్లో నటిస్తున్నారు.
భారీ కటౌట్‌తో వచ్చిన ఈ అటెన్షన్‌ను మేకర్స్ థియేటర్లకు ప్రేక్షకులను రప్పించే స్థాయికి తీసుకెళ్తారా అనేది ఆసక్తికరంగా మారింది.