• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Entertainment >  న‌టి మ‌ర‌ణం వెన‌క...

న‌టి మ‌ర‌ణం వెన‌క వేధింపులు.. ద‌ర్యాప్తుకు CM ఆదేశించాలి!

| కుంకుమ్ భాగ్య ఫేం, నటి సంచిత ఉంగాలే హఠాన్మరణం భారతీయ చలనచిత్ర పరిశ్రమల్ని తీవ్ర దిగ్భ్రాంతికి గురిచేసింది.

By - Sivaji Kontham
Update: 2026-06-16 09:43 GMT

కుంకుమ్ భాగ్య ఫేం, నటి సంచిత ఉంగాలే హఠాన్మరణం భారతీయ చలనచిత్ర పరిశ్రమల్ని తీవ్ర దిగ్భ్రాంతికి గురిచేసింది. కేవలం 26 ఏళ్ల వయసులో న‌టి ముంబైలోని తన నివాసంలో ఆత్మహత్యకు పాల్పడటం పరిశ్రమ వర్గాల్లో కలకలం రేపింది. కుంకుమ్ భాగ్య, వాగ్లే కీ దునియా, సైలెన్స్: ది నైట్ అవుల్ బార్ షూటౌట్ వంటి పాపుల‌ర్‌ సీరియల్స్, సినిమాలతో పాటు ఇటీవల విడుదలైన `చావా` చిత్రంలోనూ నటించి సంచిత మంచి గుర్తింపు తెచ్చుకున్నారు. ఎంతో ఉజ్వల భవిష్యత్తు ఉన్న యువ నటి ఇలా కెరీర్ ఆరంభంలోనే తనువు చాలించడం ఆమె కుటుంబాన్ని కోలుకోలేని దెబ్బతీసింది.

సంచిత మరణంపై ఆమె సోదరుడు ఆకాష్ చేసిన ఆరోపణలు ఇప్పుడు బాలీవుడ్‌లో తీవ్ర సంచలనంగా మారాయి. సినిమా పరిశ్రమలో ఎదురైన కాస్టింగ్ వేధింపులే తన సోదరి ఆత్మహత్యకు కారణమని ఆయన ఆరోపించారు. కొందరు వ్యక్తులు సంచితను మానసికంగా తీవ్రంగా వేధించారని, ఆ ఒత్తిడిని తట్టుకోలేకే ఈ విపరీత నిర్ణయం తీసుకుందని ఆవేద‌న చెందారు. గతంలో బాలీవుడ్ హీరో సుశాంత్ సింగ్ రాజ్‌పుత్ ఎదుర్కొన్న వేధింపుల తరహాలోనే, సంచిత కూడా పరిశ్రమలోని ఒత్తిళ్లకు , వేధింపులకు బలైపోయిందని ఆయన ఆవేదన వ్యక్తం చేశారు.

ఈ నేపథ్యంలో సంచిత ఉంగాలే మరణంపై ఉన్నత స్థాయి దర్యాప్తు జరిపించాలని ఆల్ ఇండియన్ సినీ వర్కర్స్ అసోసియేషన్ (ఏఐసిడ‌బ్ల్యూఏ) డిమాండ్ చేసింది. ఈ మేరకు మహారాష్ట్ర ముఖ్యమంత్రి దేవేంద్ర ఫడ్నవీస్‌కు అసోసియేషన్ లేఖ రాసింది. ఈ కేసును అత్యంత పారదర్శకంగా, లోతుగా విచారించాలని కోరింది. సంచిత ఆత్మహత్య చేసుకోవడానికి కొన్ని గంటల ముందే తన ఇన్‌స్టాగ్రామ్ స్టోరీస్‌లో `దఫిలీ వాలే దఫ్లీ బజా` అనే పాటకు సంబంధించిన వీడియోను షేర్ చేశారని... ఈ అంశంతో పాటు అన్ని కోణాలను పోలీసులు క్షుణ్ణంగా పరిశీలించాలని అసోసియేషన్ స్పష్టం చేసింది.

సినీ పరిశ్రమలో ఇటీవలి కాలంలో వరుసగా జరుగుతున్న కళాకారుల మరణాలపై ఏఐసిడ‌బ్ల్యూఏ తీవ్ర ఆందోళన వ్యక్తం చేసింది. గత కొన్ని ఏళ్లుగా చిత్ర పరిశ్రమలో చోటుచేసుకుంటున్న ఆత్మహత్యల వెనుక కుటుంబ సభ్యులు, సహచరుల్లో రేకెత్తుతున్న‌ అనేక ప్రశ్నలు ఇప్పటికీ సమాధానం లేకుండా మిగిలిపోయాయని గుర్తు చేసింది. నటీనటులు, సినీ కార్మికుల భద్రత, మానసిక ఆరోగ్యం ... వారికి అందుబాటులో ఉన్న సహాయక వ్యవస్థలపై తక్షణమే సమీక్ష జరపాల్సిన అవసరం ఎంతైనా ఉందని అసోసియేషన్ అభిప్రాయపడింది.

పరిశ్రమలో పెరుగుతున్న మానసిక ఒత్తిళ్లు, ఇలాంటి విషాద సంఘటనలపై అధ్యయనం చేయడానికి ఒక ప్రత్యేక కమిటీని ఏర్పాటు చేయాలని మహారాష్ట్ర ప్రభుత్వాన్ని ఏఐసిడ‌బ్ల్యూఏ కోరింది. సంచిత కుటుంబానికి న్యాయం జరిగే వరకు తాము అండగా ఉంటామని ప్రకటించింది. ఎంతో ప్రతిభావంతురాలైన యువ నటిని కోల్పోవడం పరిశ్రమకు తీరని లోటని పేర్కొంటూ, ఆమె కుటుంబ సభ్యులకు అసోసియేషన్ తన తీవ్ర సెంతాపాన్ని తెలియజేసింది.

Tags:    
  • sanchitaungale 
  • kumkumbhagya 
  • bollywoodnews 
  • aicwa 
  • mentalhealthawareness 
  • entertainmentnews 
  • tvactress 

Similar News

పండంటి మగ బిడ్డకి జన్మనిచ్చిన సమంత.. కొడుకు పేరు ఏమిటంటే?

2026-11-20 09:21 GMT

సౌత్ ఇండ‌స్ట్రీపై రాజ‌మండ్రి బ్యూటీ సంచ‌ల‌న వ్యాఖ్య‌లు!

2026-11-20 09:21 GMT

Allu Aravind Three Stars: చిరు, చరణ్, బన్నీ..!

2026-11-20 08:28 GMT

'ఓం' మూవీ రివ్యూ

2026-11-20 08:27 GMT

తెలిసిన వారినే ప్రశ్నించడానికి ఎందుకు వెనుకాడుతున్నాం?

2026-11-20 08:23 GMT

సూపర్‌స్టార్ పక్కన చిన్నపిల్లలా అందాల రాశీఖ‌న్నా!

2026-11-20 07:38 GMT

తొలుత అర్థం కాలేదు.. తెలిశాక వివరించే ప్రయత్నం చేశా!

2026-11-20 07:36 GMT

మృత్యువు అంచుల నుంచి కాజల్ అగర్వాల్‌కు తప్పిన ప్రమాదం..!

2026-11-20 06:45 GMT

'గాడ్జిల్లా'పై 'రామాయ‌ణం' ఇంపాక్ట్ ఎంత‌?

2026-11-20 06:43 GMT

సొంత థియేటర్‌పై ఫిర్యాదు.. అల్లు అరవింద్ రియాక్షన్ చూస్తే ఫిదా అవ్వాల్సిందే!

2026-11-20 06:42 GMT

బన్నీతో సినిమా.. ఇంకెంత వెయిటింగ్!

2026-11-20 05:07 GMT

రావిపూడి సరే.. మరో డైరెక్టర్ ఎక్కడ వెంకీ?

2026-11-20 04:36 GMT

Copyright @2026

Powered by Blink CMS