'ఏంటి బాబాయ్ సంగతులు' అంటున్న కిరణ్ అబ్బవరం!!

కోవిడ్ తర్వాత ప్రజల లైఫ్ స్టైల్, ఫుడ్ ఈటింగ్ విషయంలో చాలా మార్పులు వచ్చిన సంగతి తెలిసిందే. చాలా మంది.. హెల్దీ, హైజీన్ ఆహారాన్ని మాత్రమే తినేందుకు మొగ్గు చూపుతున్నారు. అయితే బాబాయ్ హోటల్.. ఫుడ్ లవర్స్ కు రుచి అండ్ శుచి సమపాళ్లలో ఉన్న ఆహారం అందిస్తోందని ఈ మధ్య సోషల్ మీడియాలో బాగా వార్తలు వస్తున్నాయి. కొద్ది రోజులుగా టాలీవుడ్ సెలబ్రిటీలు అక్కడికి వెళ్లి సందడి చేస్తున్నారు.

తాజాగా టాలీవుడ్ యంగ్ హీరో కిరణ్ అబ్బవరం.. బాబాయ్ హోటల్ కొత్త బ్రాంచ్ ను ఓపెన్ చేశారు. ఆ హోటల్ యజమానులు కేవీ దినేష్ రెడ్డి, శ్రేష్టారెడ్డిలతో కలిసి హైదరాబాద్ లోని మాదాపూర్ లో బ్రాంచ్ ను ప్రారంభించారు కిరణ్. అక్కడికి వచ్చిన ఫ్యాన్స్ తోపాటు ప్రజలతో సరదాగా ముచ్చటించారు. "చాలా మంది యువకుల్లాగే నేను కూడా ఆహార ప్రియుడిని. విభిన్న వంటకాలను ట్రై చేసేందుకు ఇష్టపడతాను. బాబాయ్ హోటల్ నాకు ఇష్టమైన ప్రదేశాల్లో ఒకటి" అని తెలిపారు.

"ప్రతి వ్యక్తికి ఆహారం పట్ల సహజంగానే చాలా ఇష్టం, ప్రేమ ఉంటుంది. రుచికరమైన పదార్ధాలు, మంచి ఆహారాన్ని తినడానికి అందరూ ఇష్టపడుతుంటారు. ఇష్టమైన, నచ్చిన ఆహారం తిన్నప్పుడు మనసు సంతృప్తి చెందడం కామన్. నాకు బాబాయ్ హోటల్ ఇడ్లీ, దోశ అంటే చాలా ఇష్టం. వాటిని తింటుంటే నా కడుపుతో పాటు మనసు కూడా నిండినట్టుగా అనిపిస్తుంది" అని చెప్పారు.

"గత 8 దశాబ్దాలుగా బాబాయ్ హోటల్ రుచికరమైన ఆహారాన్ని అందిస్తోంది. దోశ, ఇడ్లీ, వడ, ఉప్మా మొదలైన వాటికి ఫేవరెట్ స్పాట్ గా మారింది. కొబ్బరి చట్నీ, సాంబార్‌ తో టిఫిన్స్ అందిస్తాం. మా వంటల్లో ప్రతి దానికి స్పెషల్ టేస్ట్ ఉంటుంది. దక్షిణ భారత వంటకాలు, రుచులను కొత్తగా ఫుడ్ లవర్స్ కు అందించడమే మా లక్ష్యం" అని హోటల్ యజమానులు తెలిపారు.

ఇక కిరణ్ అబ్బవరం కెరీర్ విషయానికి వస్తే.. మొదట్లోనే రాజా వారు రాణివారు అంటూ మంచి ప్రేమ కథతో తనకంటూ ఒక ప్రత్యేకమైన గుర్తింపు అందుకున్నాడు. రొటీన్ గా కాకుండా డిఫరెంట్ కథలను సెలెక్ట్ చేసుకుంటున్నాడు. చివరగా రూల్స్ రంజన్ సినిమాతో ప్రేక్షకుల ముందుకు వచ్చారాయన. ఇక సక్సెస్ ఫెయిల్యూర్ తో సంబంధం లేకుండా ముందుకు కొనసాగుతున్న కిరణ్ చేతిలో ప్రస్తుతం మూడు సినిమాలు ఉన్నట్టు సమాచారం. మరోవైపు, ఇటీవల తన మొదటి సినిమా హీరోయిన్ రహస్య ఘోరఖ్ ను లవ్ చేసి నిశ్చితార్థం చేసుకున్న సంగతి తెలిసిందే. త్వరలోనే ఆమెతో ఏడడుగులు వేయబోతున్నాడు.