వారంలో రెండు రిలీజ్ లు.. అమ్మడు వెరీ లక్కీ..!
| ఫిబ్రవరి 9న ఈగల్ రిలీజ్ అవుతుండగా ఫిబ్రవరి 16న ఊరు పేరు భైరవ కోన వస్తుంది.
హీరోలకన్నా హీరోయిన్స్ కి వారి కెరీర్ ఎక్కువగా లక్ మీద ఆధారపడి ఉంటుంది. అఫ్కోర్స్ వారి ఎఫర్ట్ లేనిదే ఆఫర్లు వచ్చే ఛాన్స్ లేదు కానీ ఎంతోకొంత లక్ ఫేవర్ చేయాల్సిందే. కొందరు హీరోయిన్స్ కి ఒకేసారి వరుస ఆఫర్లు వస్తుంటాయి.. కొందరికి ఎంత టాలెంట్ ఉన్నా ఛాన్స్ లు రావు. ఈ లాజిక్ ఇప్పటివరకు ఎవరికి అర్థం కాదు. హీరోయిన్స్ విషయంలో ఎప్పుడు వెలితిగా ఉండే టాలీవుడ్ లో కొద్దిగా టాలెంట్ చూపించే హీరోయిన్స్ కి అవకాశాల మీద అవకాశాలు ఇస్తుంటారు.
లేటెస్ట్ గా నార్త్ భామ కావ్య థాపర్ కి తెలుగులో అవకాశాలు ఎక్కువ అయ్యాయి. మొదటి సినిమా ఈమాయ పేరేమిటో తో టాలీవుడ్ తెరంగేట్రం చేసిన అమ్మడు ఏక్ మిని కథతో హిట్ అందుకుంది. ఆ సినిమా ఓటీటీ రిలీజ్ అయినా కూడా అక్కడ హిట్ తో ఫాం లోకి వచ్చింది. ఇక తెలుగులో అమ్మడు రెండు మంచి అవకాశాలు అందుకుంది. మాస్ మహరాజ్ రవితేజ తో ఈగల్ సినిమా చేసిన ఈ అమ్మడు సందీప్ కిషన్ తో ఊరు పేరు భైరవ కోన సినిమా చేసింది. ఈ రెండు సినిమాల్లో ఆమెది ఇంపార్టెంట్ రోల్ అని తెలుస్తుంది.
అయితే రెండు వేరే వేరు డేట్స్ లో మొదలైనా కూడా రిలీజ్ లు మాత్రం వారం గ్యాప్ తో అవుతున్నాయి. ఫిబ్రవరి 9న ఈగల్ రిలీజ్ అవుతుండగా ఫిబ్రవరి 16న ఊరు పేరు భైరవ కోన వస్తుంది. ఈ రెండు సినిమాల్లో కావ్య థాపర్ సెకండ్ హీరోయిన్ గా చేసింది. ఇలా ఒక హీరోయిన్ సినిమాలు రెండు వారం గ్యాప్ లో రిలీజ్ అవ్వడం లక్కీ అని చెప్పొచ్చు. తప్పకుండా ఈ రెండు సినిమాల వల్ల దర్శక నిర్మాతల దృష్టిలో కావ్య పడే అవకాశం ఉంటుంది.
ఈ రెండు సినిమాలు సక్సెస్ అందుకుంటే అమ్మడికి మరిన్ని ఆఫర్లు వచ్చేస్తాయి. అలా కావ్య థాపర్ కెరీర్ లో రవితేజ, సందీప్ కిషన్ సినిమాలు ఒకేసారి రిలీజ్ అవ్వడం ఆమెకు లక్కీ అని చెప్పొచ్చు. రెండు సినిమాలు హిట్ పడితే మాత్రం కావ్య ఇక టాలీవుడ్ లో వరుస అవకాశాలు అందుకునే ఛాన్స్ ఉంటుంది. ఊహించని విధంగా కావ్య ఇప్పుడు టాక్ ఆఫ్ ది టాలీవుడ్ గా మారింది. రవితేజ ఈగల్, సందీప్ కిషన్ ఊరు పేరు భైరవ కోన ఈ రెండిటితో అమ్మడు ఎలాంటి ఫలితాన్ని అందుకుంటుందో చూడాలి.