14వ అంత‌స్తులో హీరోయిన్ గదిలో మంటలు
| బాలీవుడ్ నటి జాక్వెలిన్ ఫెర్నాండెజ్ నివసించే ముంబై బాంద్రా వెస్ట్‌లోని పాలి హిల్ ప్రాంతంలోని నవ్రోజ్ హిల్ సొసైటీలో అగ్ని ప్రమాదం జరిగింది
బాలీవుడ్ నటి జాక్వెలిన్ ఫెర్నాండెజ్ నివసించే ముంబై బాంద్రా వెస్ట్‌లోని పాలి హిల్ ప్రాంతంలోని నవ్రోజ్ హిల్ సొసైటీలో అగ్ని ప్రమాదం జరిగింది. తాజా క‌థ‌నాల ప్రకారం ఎవ‌రికీ ఎటువంటి ప్రమాదం సంభవించలేదు. ఎవ‌రికీ ఎలాంటి గాయాలు కాలేదు. 17 అంతస్తుల ఎత్తైన భవనంలోని 14వ అంతస్తులోని వంటగదిలో మంటలు చెలరేగినట్లు సమాచారం.
ప్రమాదానికి సంబంధించిన కాల్‌ను స్వీకరించిన వెంటనే నాలుగు అగ్నిమాపక యంత్రాలు, మూడు జంబో ట్యాంకర్లు ఒక శ్వాస ఉపకరణం వ్యాన్‌ను సంఘటనా స్థలానికి వేగంగా పంపించారు. స్థానికులు తెలిపిన వివరాల ప్రకారం.. నౌరోజ్ హిల్ సొసైటీలోని 14వ అంతస్తులోని ఓ గదిలో మంటలు వ్యాపించాయి. జాక్వెలిన్ ఫెర్నాండెజ్ నివాసం భవనం లోపల ఒక విలాసవంతమైన 5 BHK అపార్ట్మెంట్. 6 మార్చి బుధవారం నర్గీస్ దత్ రోడ్‌లో రాత్రి 8 గంటలకు ఈ సంఘటన జరిగింది.
2023లో జాక్వెలిన్ ఫెర్నాండెజ్ ముంబై- బాంద్రా వెస్ట్‌లోని ప్రతిష్టాత్మకమైన పాలి హిల్ పరిసరాల్లో ఉన్న ఒక విలాసవంతమైన నివాసాన్ని కొనుగోలు చేసింది. గత జూలైలో కొత్త నివాసం వెలుపలి భాగాన్ని ప్రదర్శించే వీడియో సోషల్ మీడియాలో షేర్ చేయ‌గా అది అంద‌రి దృష్టిని ఆకర్షించింది.
కెరీర్ మ్యాట‌ర్ కి వ‌స్తే.. జాక్వెలిన్ ఫెర్నాండెజ్ `వెల్‌కమ్ టు ది జంగిల్‌`లో అక్షయ్ కుమార్, సంజయ్ దత్, సునీల్ శెట్టి, అర్షద్ వార్సీ, పరేష్ రావల్, జానీ లీవర్, రాజ్‌పాల్ యాదవ్, తుషార్ కపూర్, శ్రేయాస్ తల్పాడే, కృష్ణ అభిషేక్, కికు శారదాతో కలిసి నటించనున్నారు. దలేర్ మెహందీ, మికా సింగ్, సయాజీ షిండే, ముఖేష్ తివారీ, జాకీర్ హుస్సేన్, యశ్‌పాల్ శర్మ. అదనంగా, రవీనా టాండన్, లారా దత్తా, దిశా పటానీ మరియు వ్రిహి కొద్వారా త‌దిత‌రులు ఈ చిత్రంలో న‌టిస్తున్నారు. ఇత‌ర వివ‌రాలు వెల్ల‌డి కావాల్సి ఉంది.