సూర్యను ఆకాశానికి ఎత్తిన సెన్సార్ బోర్డు.. అందుకేనా?

సౌత్ ఇండియన్ స్టార్ హీరో సూర్య గురించి ప్రత్యేకంగా చెప్పాల్సిన అవసరం లేదు. గజిని సినిమాతో సూర్య తమిళంతో పాటు తెలుగు ప్రేక్షకులకు బాగా దగ్గరయ్యాడు. అందులో సూర్య యాక్టింగ్ ప్రశంసలు అందుకుంది. ఆ సినిమా భారీ విజయం సాధించడంతో అక్కడి నుండి సూర్య వెనుదిరిగి చూసుకోలేదు. ఇక తాజాగా మరోసారి సూర్య తన నట విశ్వరూపాన్ని చూపించనున్నాడట. తెలుగు లేడీ సుధా కొంగర దర్శకత్వంలో సూర్య నటించిన కొత్త సినిమా 'ఆకాశమే నీ హద్దురా'.. ఇటీవలే ఈ సినిమా సెన్సార్ కూడా పూర్తి చేసుకుంది. సెన్సార్ బోర్డు ఈ సినిమాకు క్లీన్ యు సర్టిఫికెట్ ఇచ్చింది. అంతేకాదు సూర్య నటనకు బోర్డు సభ్యులు ఫిదా అయ్యారని సమాచారం. సూర్య నటన సినిమాలో హైలెట్ అవుతుందని సెన్సార్ సభ్యులు చిత్రయూనిట్ ను అభినందించారట.

అయితే నిజ జీవిత కథతో తెరకెక్కిన ఈ సినిమా.. బాక్సాఫీస్ వద్ద కమర్షియల్ గా ఎంత వరకు సక్సెస్ అవుతుందో చూడాలని అనుమానులు భావిస్తున్నారు. ఎందుకంటే గత కొంతకాలంగా వరస పరాజయాలను చవిచూస్తున్న సూర్య ఈ సినిమాపై భారీ ఆశలు పెట్టుకున్నాడు. తెలుగు తమిళంలో ఒకేసారి విడుదల కానుంది. ఎయిర్ డెక్కన్ వ్యవస్థాపకుడు జిఆర్ గోపినాథ్ జీవితం ఆధారంగా తెరకెక్కిన ఈ సినిమాలో.. అపర్ణ బాలమురళి హీరోయిన్ గా నటించింది. జివి ప్రకాష్ కుమార్ సంగీతం అందించాడు. డైలాగ్ కింగ్ మోహన్ బాబు ఈ సినిమాలో ముఖ్య పాత్ర పోషించారట. థియేటర్లు తెరుచుకోగానే ఈ సినిమాను విడుదల చేయాలని చిత్రయూనిట్ భావిస్తున్నట్లు తెలుస్తుంది. ఇదిలా ఉండగా సూర్య నెక్స్ట్ హరి డైరెక్షన్లో నటించనున్నాడు.