టాలీవుడ్ రెండు లెజెండరీ ఫ్యామిలీలతో మెగాస్టార్..!

తెలుగు సినిమా ఇండస్ట్రీలో కొన్ని కుటుంబాలకు ప్రత్యేకమైన గుర్తింపు ఉంది. తరతరాలుగా సినిమాల్లో నటిస్తూ ప్రేక్షకుల ప్రేమను సంపాదించుకున్న ఫ్యామిలీలు ఎన్నో ఉన్నాయి. అలాంటి కుటుంబాల గురించి మాట్లాడితే ముందుగా నందమూరి, అక్కినేని, మెగా, దగ్గుబాటి, అల్లు ఫ్యామిలీలు గుర్తుకు వస్తాయి. ఈ కుటుంబాలకు.. తెలుగు సినిమాతో విడదీయలేని అనుబంధం ఉంది.

ఒకే కుటుంబానికి చెందిన పలువురు నటులు ఒకే వేదికపై కనిపిస్తే.. ఇక అధికాష్ట అభిమానులకు పండగే. ముఖ్యంగా తమ అభిమాన హీరోలతో పాటు వారి కుటుంబ సభ్యులను కూడా ఒకే కార్యక్రమంలో చూడాలని ప్రేక్షకులు ఎంతో ఆసక్తిగా ఎదురుచూస్తుంటారు. ఇప్పుడు అలాంటి అరుదైన అవకాశం మెగాస్టార్ చిరంజీవి కొత్త టాక్ షో ద్వారా రాబోతున్నట్లు తెలుస్తోంది.

చిరంజీవి త్వరలో నెట్‌ఫ్లిక్స్‌లో ప్రసారం కానున్న మెగావర్స్ అనే టాక్ షోతో ప్రేక్షకుల ముందుకు రాబోతున్నారు. ఈ కార్యక్రమం కోసం ఇప్పటికే పలు ప్రత్యేక ఎపిసోడ్లను ప్లాన్ చేస్తున్నారు. అందులో మెగా ఫ్యామిలీతో ఒక ప్రత్యేక ఎపిసోడ్ ఉండనుంది అని గత కొద్ది రోజుల నుంచి వార్తలు వస్తున్నాయి.

ఈ ఎపిసోడ్‌లో చిరంజీవితో పాటు పవన్ కళ్యాణ్, రామ్ చరణ్ కూడా కనిపించనున్నట్లు తెలుస్తోంది. ఈ ముగ్గురు ఒకే వేదికపై కలిసి మాట్లాడటం మెగా అభిమానులకు పెద్ద ఆకర్షణగా మారనుంది. అందుకే ఈ ప్రోగ్రాం కోసం మెగా అభిమానులు ఆసక్తిగా ఎదురుచూస్తున్నారు.

ఇక మెగా ఫ్యామిలీ తర్వాత అక్కినేని కుటుంబం కూడా మెగావర్స్ లో సందడి చేయనుందని వార్తలు వస్తున్నాయి. నాగార్జున, నాగ చైతన్య, అఖిల్ కలిసి ఒక ప్రత్యేక ఎపిసోడ్‌లో పాల్గొననున్నట్లు సమాచారం. అక్కినేని ఫ్యామిలీ ఎపిసోడ్ షూటింగ్ ఈ వారంలో జరగనుందని కూడా ప్రచారం జరుగుతోంది. హహనాగార్జున, చైతన్య, అఖిల్ ఒకే వేదికపై కనిపించడం అక్కినేని అభిమానులకు ప్రత్యేకమైన అనుభూతిని ఇవ్వనుంది.

ఇలా తెలుగు సినిమా ఇండస్ట్రీకి చెందిన రెండు పెద్ద కుటుంబాలను ఒకే కార్యక్రమంలో చూపించేందుకు చిరంజీవి ప్రోగ్రాం ద్వారా నెట్ఫ్ ఫ్లిక్స్ సిద్ధమైపోతోంది. మరి ఈ రెండు ఎపిసోడ్లు ఎలాంటి బుల్లితెర టీఆర్పి తీసుకొస్తాయో వేచి చూడాలి.