దేవసేనగా మాజీ హీరోయిన్ కూతురు??

ఒకనాటి హీరోయిన్ రాధ కూతురు కార్తీక హీరోయిన్ గా మెప్పించేందుకు గట్టి ప్రయత్నాలే చేసింది. జోష్.. రంగం.. దమ్ము వంటి సినమాలలో నటించిన కార్తీకకు ఇప్పుడు అనుకోని అవకాశం వచ్చిపడింది. అదే అమరేంద్ర బాహుబలి భార్య దేవసేనగా నటించే అవకాశం రావడం.

అదేంటీ దేవసేన అంటే అనుష్క కదా అనుకోవడంలో ఆశ్చర్యం లేదు. సిల్వర్ స్క్రీన్ పై దేవసేన స్వీటీ అయితే.. స్మాల్ స్క్రీన్ పై దేవసేనగా కార్తీక నటిస్తోంది. బాహుబలికి వచ్చిన క్రేజ్ ను బేస్ చేసుకుని అనేక ప్లాట్ ఫామ్స్ పై ఇది కంటిన్యూ కానుంది. బాహుబలి థీమ్ తో సీరియల్స్ తీస్తామని ఇప్పటికే రైటర్ విజయేంద్ర ప్రసాద్ చెప్పాడు కూడా. 'ఆరంభ్' అంటూ ఇప్పుడు హిందీలో ఓ సీరియల్ రూపొందనుండగా.. ఇందులో దేవసేన పాత్రను లీడ్ చేసుకుని కథ నడపనున్నారు. అంటే కుంతల రాజ్య యువరాణిగా దేవసేన రాజ్యం చేయడానికి వెనక ఉన్న కథ అన్నమాట.

కెరీర్ ఏమవుతుందో అనుకునే పరిస్థితిలో ఉన్న కార్తీకకు.. ఏకంగా బాహుబలి లాంటి క్రేజీ ప్రాజెక్టుకు సంబంధించిన సీరియల్ లో నటించే అవకాశం రావడం అదృష్టం అనే చెప్పాలి. ఈ రోల్ చేసేందుకు.. కార్తీక ఇప్పటికే తెగ కష్టపడిపోతోంది. అదంతా రీసెంట్ గా రిలీజ్ చేసిన ఆరంభ్ టీజర్ లో కూడా కనిపించింది. మరి దేవసేనగా కార్తీక.. అనుష్కను మరిపించగలదో లేదో చూడాలి.

Full View

Like Us on Facebook : https://www.facebook.com/Tupakidotcom/