ఎక్స్ క్లూజివ్: క్రిష్ పెళ్లి ముహూర్తం ఇదే..

దర్శకుడు క్రిష్ కి ఇప్పుడు లైఫ్ లోనే బెస్ట్ ఫేజ్ నడుస్తోందని చెప్పాలి. తన కెరీర్ లోనే బిగ్గెస్ట్ మూవీ తీయడమే కాదు.. నందమూరి బాలకృష్ణ లాంటి సీనియర్ స్టార్ తో తొలిసారిగా జత కడుతున్నాడు. ఇప్పటివరకూ ఓ స్టార్ హీరోతో సోలోగా సినిమా తీయడం క్రిష్ కి ఇదే మొదటిసారి. ఎలాగైనా బాలయ్య వందో సినిమాని సక్సెస్ చేయాలనే పట్టుదలతో ఉన్న క్రిష్.. ఇటు పర్సనల్ లైఫ్ లో కూడా కీలక నిర్ణయం తీసుకున్నాడు.

ఇప్పటికే దర్శకుడు క్రిష్ - డాక్టర్ రమ్యల వివాహానికి నిశ్చితార్ధం జరిగిన విషయం తెలిసిందే. ఇప్పుడు వారి పెళ్లి ముహూర్తం డీటైల్స్ ను.. తుపాకి.కాం మీకు ఎక్స్ క్లూజివ్ గా అందిస్తోంది. ఈ ఏడాది ఆగస్ట్ 8వ తేదీన తెల్లవారు జాము 2.28కి(7వతేదీ అర్ధరాత్రి) పెళ్లి ముహూర్తం నిర్ణయించారు. హైద్రాబాద్ లోనే క్రిష్ వివాహం అత్యంత వైభవంగా జరగనుంది. ఓ ఫైవ్ స్టార్ హోటల్ లో ఈ వేడుక జరిపేందుకు నిర్ణయించారు.

 తాజాగా జరిగిన ఎంగేజ్మెంట్ వేడుక కూడా ఓ స్టార్ హోటల్ లోనే జరిగింది. అటు ప్రొఫెషనల్ గాను... ఇటు పర్సనల్ గాను ఒకసారి కీలక నిర్ణయాలు తీసుకుని బెస్ట్ ఫేజ్ లోకి వెళ్లే అవకాశం చాలా అరుదుగా లభిస్తుంది. ఈ రెండింటినీ పర్ఫెక్ట్ గా హ్యాండిల్ చేసే ట్యాలెంట్ క్రిష్ కి బోలెడంత ఉంది అంటూ ప్రశంసలు, అభినందనలు కురిపిస్తున్నారు ఇండస్ట్రీ జనాలు.