భామ‌ల హ్యాండ్ బ్యాగ్స్ కాస్ట్ లీ గురూ

బాలీవుడ్ స్టార్స్ సోకుల గురించి ప్ర‌త్యేకించి చెప్పాలా? ప్ర‌త్యేక‌ అలంక‌ర‌ణ‌లో భాగంగా పదే పదే ఖరీదైన హ్యాండ్ బ్యాగుల సేకరణతో టాక్ ఆఫ్ ది టౌన్ అవుతూనే ఉంటారు. ప్రియాంక చోప్రా- క‌రీనా- దీపిక మొద‌లు నేటిత‌రంలో జాన్వీ- అన‌న్య పాండే వ‌ర‌కూ వీళ్లంతా ధ‌రించే జిమ్ బ్యాగ్స్ నుండి ట్రావెల్ బ్యాగ్స్ వరకు అన్నీ కాస్ట్ లీనే. అస‌లు వీళ్ల‌ హ్యాండ్ బ్యాగ్ ల ఖ‌రీదు ఎంతో ప‌రిశీలిస్తే షాక్ తినాల్సిందే.

నేటిత‌రం భామ‌ల్లో జాన్వీకి బ్యాగుల పిచ్చి మ‌రీ పీక్స్. స్కై బ్లూ చైన్ స్లింగ్ బ్యాగ్ తో జాన్వీ కెరీర్ మొద‌లైంది. ధడక్ చిత్రంలో న‌టించేప్పుడే.. ప్ర‌ఖ్యాత‌ లూయిస్ విట్టన్ స్కై బ్లూ చైన్ స్లింగ్ బ్యాగ్‌ను మోసుకెళ్ళేది. దానిపై కొన్ని ఫంకీ పాచెస్ గుండెల్ని ట‌చ్ చేసేవి. ఈ బ్యాగ్ ధర రూ .1.6 లక్షలు. అలాగే తరచుగా గోయార్డ్ సెయింట్ లూయిస్ బూడిద టోట్ బ్యాగ్ తో కనిపిస్తుంది. దీని ధర రూ.1.50 లక్షలు. మోస్చినో స్పాంజ్బాబ్ బకెట్ బ్యాగ్ ఒక‌టి జాన్వీకి ఉంది. ఇటాలియన్ లగ్జరీ హౌస్ డిజైన్ చేసిన ఈ అందమైన బ్యాగ్ ధర రూ .65,000. జాన్వి డెనిమ్ - నియాన్ బాయ్ చానెల్ బ్యాగ్ తో దీని ధర రూ. 3,13,400. ప్ర‌త్యేకించి ఛానెల్ వింటేజ్ స్క్వేర్ సిసి ఫ్లాప్ బాగ్ క్విల్టెడ్ లాంబ్స్కిన్ మీడియంను కలిగి ఉంది. ఇది స్వచ్ఛమైన గొర్రె చర్మంతో తయారు చేసిన‌ది. దీని ధర రూ. 2,13,640.

అలియా భట్ కు బ్యాగుల సేక‌ర‌ణ అంటే చాలా ఆస‌క్తి. ఆమె TOD డిజైన్డ్ అంచుగల బ్యాగ్ ను ఇష్టపడుతుంది. దీని ధర రూ.1ల‌క్ష‌. క్యూటీ గ్లామర్ ‌ను రెట్టింపు చేసే బ్యాగ్ క‌దా .. ఆ రేంజ్ ఉండ‌క‌పోతే ఎలా? సీనియ‌ర్ బ్యూటీస్ లో అనుష్క శర్మ ఎప్పుడూ తనతో పాటు ఒక హ్యాండ్ బ్యాగ్ తీసుకువెళుతుంది. సాధారణం దుస్తులు ధరించినప్పుడు కూడా హ్యాండ్ బ్యాగ్ ఆకర్షణ‌ను ఎలా పెంచుతుందో ఆమెకు తెలుసు. రూ .1.2 లక్షలు ఖర్చయ్యే ఫెండి మాన్స్టర్ బ్యాగ్ లను తీసుకెళ్లడం త‌న‌కు ఇష్టం.

జాక్వెలిన్ ఫెర్నాండెజ్ గూచీ బ్రాండ్ హ్యాండ్ బ్యాగులు తీసుకెళ్లడానికి ఇష్టపడతారు. ఆ హ్యాండ్ బ్యాగుల్లో ఒక్కొక్క బ్యాగ్ ధర రూ.1,00,000. ప్రియాంక చోప్రా ప్ర‌యోగాల్లో మేటి. ఎప్పుడూ కొత్త‌ద‌నం నిండిన గూడ్స్ త‌న వెంట ఉండాల్సిందే. రూ .1.25 లక్షలు ఖర్చయ్యే వాలెంటినో గరవానీ రాక్ స్టడ్ బ్యాగ్ ను తీసుకెళ్లడం ఆమెకు చాలా ఇష్టం. కరీనా కపూర్ ఖ‌ర్చులో ఎప్పుడూ రాజీపడదు. ఆమె ఎప్పుడూ చాలా స్టైలిష్ వ‌స్తువుల‌తో నీట్ గా ఉండటానికి ఇష్టపడతారు. త‌న‌తో ఎప్పుడూ వెరైటీ హ్యాండ్ బ్యాగుల సేకరణ త‌ప్ప‌నిస‌రి. ఈ సేకరణలో హీర్మేస్ బిర్కిన్ ఎప్సమ్ బ్యాగ్ కూడా ఉంది. దీని ధర 8.26 లక్షలు.

స్టైల్ స్టేట్మెంట్ ఇచ్చే అవకాశాన్ని సోనమ్ కపూర్ ఎప్పుడూ వ‌దులుకోదు. ఆమె వైడ్ రేంజ్ హ్యాండ్ బ్యాగులు ఎప్పుడూ ఆశ్చ‌ర్యం క‌లిగిస్తుంటాయి. ఇందులో డియోర్- పౌల్ కా - హీర్మేస్ కెల్లీ బ్రాండ్స్ ఉన్నాయి. ఆ పైన.. ఆమె రూ .4 లక్షలు ఖర్చు చేసే ఛానల్ బ్రాండ్ బ్యాగ్ లను అమితంగా ఇష్ట‌ప‌డుతుంది.

అభిమానుల కోసం కొత్త ఫ్యాషన్ పోకడలతో వెర్రెక్కించే సీనియ‌ర్ భామ‌ల్లో శిల్పా శెట్టి ఒకరు. రూ .3 లక్షలు ఖ‌రీదైన‌ డియోర్ బ్రాండ్ బ్యాగ్ తో ఆమె చాలా సార్లు కనిపించింది. ఇదే కాకుండా ప‌దుల సంఖ్య‌లో బ్యాగులు త‌న‌తో ఉన్నాయి. అదేవిధంగా.. కరీనా కపూర్.. దీపికా పదుకొనేలకు కూడా హీర్మేస్ బిర్కిన్ ఎప్సమ్ బ్యాగ్స్ అంటే చాలా ఇష్టం. వీటి ధ‌ర సుమారు 9ల‌క్ష‌లు.