స్పార్క్ లో విడుదలవుతున్న మరో థ్రిల్లర్ 'మనిషి'

సింగర్ గా నటుడిగా మంచి గుర్తింపు తెచ్చుకున్న బిగ్ బాస్ ఫేమ్ నోయల్ హీరోగా తెరకెక్కిన చిత్రం ''మ‌నిషి''(MoneyShe). ఇందులో 'రంగస్థలం' ఫేమ్ పూజిత పొన్నాడ హీరోయిన్ గా నటిస్తోంది. వినోద్ నాగుల ఈ చిత్రానికి ద‌ర్శ‌క‌త్వం వ‌హిస్తున్నారు. 'మనీ' 'షి' అంటూ డిజైన్ చేసిన టైటిల్ పోస్టర్.. ఫస్ట్ లుక్ ఈ సినిమాపై ఆసక్తిని కలిగించాయి. అలానే రాహుల్ సిప్లిగంజ్ ఆల‌పించిన ‘జాను’ వీడియో సాంగ్ కూడా వీక్షకులను విశేషంగా అలరించింది. డైరెక్ట్ ఓటీటీ విధానంలో ఈ సినిమా ప్రేక్ష‌కుల ముందుకు రాబోతుంది.

స్పార్క్ ఓటీటీలో రేపు శుక్రవారం (జూన్ 18) ''మ‌నిషి'' సినిమా విడుదల కానుంది. థ్రిల్లర్ కథాంశంతో రూపొందిన ఈ చిత్రానికి బ‌య్య‌వ‌ర‌పు ర‌వి క‌థ‌ - స్క్రీన్‌ ప్లే అందించారు. వినోద్ యాజమాన్య సంగీతం సమకూర్చారు. యశ్వంత్ ఈ చిత్రానికి సినిమాటోగ్రఫీ అందించగా.. సతీష్ త్రిపుర సంభాషణలు రాసారు. స‌త్య‌నారాయ‌ణ నాగుల ఈ చిత్రాన్ని నిర్మించారు. స్పార్క్ ఓటీటీలో ఇప్పటికే విడుదలైన 'డి కంపెనీ' 'క్యాబ్ స్టోరీస్' 'ఫియర్' సినిమాలు ఆకట్టుకున్నాయి. ఈ క్రమంలో వస్తున్న 'మ‌నిషి' ఏ మేరకు మెప్పిస్తుందో చూడాలి.