హిడింబ… క్యూరియాసిటీ క్రియేట్ చేసిన రివర్స్ యాక్షన్ ట్రైలర్

ఓం కార్ తమ్ముడుగా టాలీవుడ్ లోకి అడుగుపెట్టిన హీరో అశ్విన్ బాబు. ఈ టాలెంటెడ్ యాక్టర్ ఓం కార్ దర్శకత్వంలోనే హీరోగా ఎంట్రీ ఇచ్చాడు. రాజుగారి గది సిరీస్ తో తెలుగు ప్రేక్షకులకి భాగా చేరువ అయ్యాడు. అశ్విన్ బాబు చాలా గ్యాప్ తర్వాత హిడింబ మూవీతో తన అదృష్టం పరీక్షించుకోవడానికి రెడీ అవుతున్నాడు. ఈ మూవీ షూటింగ్ కంప్లీట్ చేసుకొని రిలీజ్ కి రెడీ అవుతోంది.

అశ్విన్ బాబు కెరియర్ లోనే భారీ బడ్జెట్ తో తెరకెక్కిన ఈ చిత్రం ట్రైలర్ ఇప్పటికే ప్రేక్షకుల ముందుకొచ్చి ఆకట్టుకుంది. కంప్లీట్ యాక్షన్ బ్యాక్ డ్రాప్ లో నరమాంస భక్షకులకి స్టొరీని లింక్ చేసి సరికొత్త పాయింట్ ని ఈ మూవీలో దర్శకుడు అనీల్ కన్నెగంటి చూపించాబోతున్నారు. నగరంలో జరిగే సీరియల్ కిడ్నాప్స్ మిస్టరీని చేధించేందుకు రంగంలోకి దిగే పవర్ ఫుల్ పోలీస్ ఆఫీసర్ గా అశ్విన్ బాబు కనిపిస్తున్నాడు.

నందిత శ్వేతా ఈ మూవీలో హీరోయిన్ గా చేస్తోంది. ఆమెకి కూడా యాక్షన్ సన్నివేశాలు ఉండటం విశేషం. ఏకె ఎంటర్టైన్మెంట్స్ సమర్పణలో శ్రీధర్ గంగపట్నం, ఎస్వీకే సినిమాస్ హిడింబ చిత్రాన్ని భారీ బడ్జెట్ తో నిర్మించారు.

ఇదిలా ఉంటే తాజాగా ఈ మూవీ రివర్స్ యాక్షన్ ట్రైలర్ ని ప్రేక్షకుల ముందుకి తీసుకొచ్చారు. ఇప్పటి వరకు ట్రైలర్ ని రెగ్యులర్ ఫార్మాట్ లో చూసి ఉంటారు.

అయితే మొదటిసారిగా సరికొత్తగా ట్రైలర్ ని దర్శకుడు రివర్స్ ఫార్మాట్ లో ప్రెజెంట్ చేయడం విశేషం. ఈ ట్రైలర్ ప్రేక్షకులని భాగా ఆకట్టుకుంటుంది. ఇప్పటికే పవర్ ఫుల్ యాక్షన్ సీక్వెన్స్ తో హిడింబ సినిమాపై అంచనాలు పెంచేశారు.ఇప్పుడు రివర్స్ ట్రైలర్ కూడా ఆడియన్స్ కి భాగా కనెక్ట్ అయ్యింది.

ఈ సినిమా జులై 20న ప్రపంచ వ్యాప్తంగా థియేటర్స్ లో రిలీజ్ కాబోతోంది. రాజుగారి గది సిరీస్ తో ఒక ఫార్మాట్ కి ఫిక్స్ అయిపోయిన అశ్విన్ బాబు హిడింబ సినిమాతో మాస్ హీరోగా తనని తాను ఎస్టాబ్లిష్ చేసుకోవాలని అనుకుంటున్నాడు. మరి అది ఎంత వరకు సాధ్యమవుతుందనేది చూడాలి.