• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  Sports >  'నేను ఫోన్ ఆఫ్ చేసేసా'.....

'నేను ఫోన్ ఆఫ్ చేసేసా'.. సెలబ్రిటీ స్టేటస్‌ను తెలివిగా మేనేజ్ చేస్తున్న 14 ఏళ్ల IPL బ్యాటర్!

| ఇండియన్ ప్రీమియర్ లీగ్ (IPL) అనేది రాత్రికి రాత్రే స్టార్‌డమ్‌ను తెచ్చే వేదిక. ఇక్కడ పేరు ప్రఖ్యాతలు చాలా వేగంగా వచ్చేస్తాయి.

By - Tupaki Desk
Update: 2025-05-21 17:44 GMT

ఇండియన్ ప్రీమియర్ లీగ్ (IPL) అనేది రాత్రికి రాత్రే స్టార్‌డమ్‌ను తెచ్చే వేదిక. ఇక్కడ పేరు ప్రఖ్యాతలు చాలా వేగంగా వచ్చేస్తాయి. దీంతో ఆయన దృష్టి కూడా అంతే ఎక్కువగా ఉంటుంది. రాజస్థాన్ రాయల్స్‌కు చెందిన 14 ఏళ్ల బ్యాటింగ్ సెన్సేషన్ వైభవ్ సూర్యవంశి, తన వయసుకి మించిన పరిణతితో సెలబ్రిటీ స్టేటస్‌ను చాలా తెలివిగా హ్యాండిల్ చేస్తున్నాడు. సూర్యవంశి ఐపీఎల్ చరిత్రలోనే అత్యంత చిన్న వయసులో ఆడిన ఆటగాడిగా రికార్డు సృష్టించాడు. ఇంత చిన్న వయసులోనే పెద్ద వేదికపై క్రికెట్ ఆడేందుకు సిద్ధంగా ఉన్నాడా అని ప్రశ్నించిన విమర్శకులందరికీ తన అరంగేట్ర సీజన్‌తోనే సైలెంట్ ఆన్సర్ ఇచ్చాడు. 2025 సీజన్‌లో రాజస్థాన్ రాయల్స్ తరపున ఆడిన ఏడు మ్యాచ్‌లలో ఈ క్రికెటర్ 206.55 స్ట్రైక్ రేట్‌తో ఏకంగా 252 పరుగులు చేశాడు. ఇందులో ఒక సెంచరీ, ఒక హాఫ్ సెంచరీ కూడా ఉన్నాయి.

అతని టీమ్ టోర్నమెంట్‌లో తొమ్మిదవ స్థానంలో ఉన్నప్పటికీ సూర్యవంశి తన సీజన్‌ను చెన్నై సూపర్ కింగ్స్‌పై కేవలం 33 బంతుల్లో 57 పరుగులను బాది మ్యాచ్ గెలుపులో కీలక పాత్ర పోషించాడు. చెన్నై మ్యాచ్ తర్వాత రాజస్థాన్ రాయల్స్ హెడ్ కోచ్ రాహుల్ ద్రావిడ్‌తో జరిగిన సంభాషణలో.. గుజరాత్ టైటాన్స్‌పై తన బ్రేక్‌థ్రూ సెంచరీతో వచ్చిన ప్రఖ్యాతిని ఎలా మేనేజ్ చేశాడో సూర్యవంశి వివరించాడు. "జీటీ మీద నా సెంచరీ (101 పరుగులు) తర్వాత 500కి పైగా మిస్డ్ కాల్స్ వచ్చాయి. కానీ నేను వెంటనే ఫోన్ స్విచ్ ఆఫ్ చేసేశాను" అని ఆ టీనేజర్ చెప్పాడు. "సెంచరీ తర్వాత చాలా మంది నన్ను సంప్రదించారు. కానీ నాకు అంత మంది చుట్టూ ఉండడం ఇష్టం లేదు. నేను 4,5 రోజులు నా ఫోన్ స్విచ్ ఆఫ్ చేసి ఉంచాను. నాకు ఎక్కువ మంది చుట్టూ ఉండడం ఇష్టం లేదు. నా కుటుంబం, కొద్దిమంది స్నేహితులు ఉంటే చాలు" అని అతను చెప్పాడు.

ద్రావిడ్ అతడిని హెచ్చరిస్తూ.. "ఇది నీకు చాలా మంచి సీజన్. ఇలానే కొనసాగించు. కష్టపడి పనిచేయి.. గుర్తుంచుకో, నువ్వు ఈ సీజన్‌లో చాలా బాగా ఆడావు. కాబట్టి నీ ప్రత్యర్థి బౌలర్లు మరింత బాగా ప్రిపేర్ అయి వస్తారు. కాబట్టి మనం కూడా కష్టపడి మరింత బాగా ప్రిపేర్ కావాలి." అని చెప్పాడు.

సూర్యవంశి ఈ పాఠాన్ని బాగా అర్థం చేసుకున్నట్లు కనిపిస్తోంది. తన మొదటి ఐపీఎల్ ఎక్స్ పీరియన్స్ నుంచి తాను నేర్చుకున్న విషయాలను వివరిస్తూ, "నేను ఫోకస్‌గా ఉండాలని నేర్చుకున్నాను. నేచురల్ గేమ్ అంటూ ఏమీ లేదు. జట్టు అవసరాలకు అనుగుణంగా నా గేమ్‌ని మార్చుకోవాలి. నా టీమ్‌కు విజయాన్ని అందించాలి. ఈ స్థాయిలో నేను ఎక్కువ ప్రయత్నించకూడదు. జట్టు అవసరాలకు అనుగుణంగా నా బలాన్ని ఉపయోగించుకోవాలి" అని పేర్కొన్నాడు.

రాజస్థాన్ రాయల్స్ సూర్యవంశిని రూ. 1.10 కోట్లకు కొనుగోలు చేసినప్పుడు ఈ లెఫ్ట్-హ్యాండెడ్ ఓపెనర్‌ని ఎలైట్ క్రికెట్‌లోకి తొందరగా పంపుతున్నారా అని చాలామంది ప్రశ్నించారు. గుజరాత్ టైటాన్స్‌పై సెంచరీ ఆ సందేహాలకు సమాధానమిచ్చాయి.

Tags:    
  • VaibhavSuryavamsi 
  • IPL2025 
  • RajasthanRoyals 
  • CricketProdigy 
  • TeenStar 
  • YoungCricketStar 
  • IPLDebut 
  • VaibhavSuryavamsiIPL 

Similar News

దిగ్గజాల వీడ్కోలు.. 2026 క్రీడాభిమానులకు ఓ చేదు జ్ఞాపకం..

2026-11-18 10:02 GMT

ఐపీఎల్‌లో కెప్టెన్సీ కుర్చీ కోసం పోటీ.. వేలానికి ముందే ఐదు జట్లలో హాట్ టాపిక్

2026-11-18 09:54 GMT

బ్రేకింగ్ : ఐపీఎల్ కు ధోని రిటైర్ మెంట్.. ఇక సీఎస్కే లో ఈ కొత్త రోల్..

2026-11-17 10:33 GMT

పాక్ పనిపట్టిన గుంటూరు కుర్రోడు.. విజయ సుభాష్ ఫుల్ స్టోరీ ఇదే..

2026-11-15 20:25 GMT

అండర్-19 ఆసియా కప్ 2026: వారెవ్వా! ఇదిరా కిక్కిచ్చే విక్ట‌రీ అంటే.. గ్రేట్ ఇండియా!

2026-11-14 16:38 GMT

న్యూజిలాండ్ చేతిలో భారత్ ఘోర ఓటమి.. 89 పరుగులకే చాపచుట్టేసిన టీమిండియా!

2026-11-13 10:19 GMT

రూ.10 లక్షల నుంచి రూ.18 కోట్లకు.. హార్దిక్ పాండ్యా ఐపీఎల్ సంపాదన ఎంతో తెలుసా?

2026-11-13 06:53 GMT

తోపు క్రికెటర్ అయినా.. పబ్లిక్ లో భార్యకు గజగజ వణికిపోయాడు.. వైరల్ వీడియో

2026-11-12 19:30 GMT

ఇది భారత చెస్ స్వర్ణయుగానికి అసలైన బలమైన ఆరంభం

2026-11-10 11:30 GMT

ఐపీఎల్ లో మరో రెండు జట్లు.. 10 నుంచి 12కు పెరగనున్న టీమ్‌ల సంఖ్య? బీసీసీఐ మాస్టర్ ప్లాన్ ఇదేనా?

2026-11-10 10:30 GMT

భారత్ తో క్రికెట్ ఆడకపోతే దివాళా తీయాల్సిందే.. ఇంగ్లండ్ పరిస్థితి అదే..

2026-11-09 04:25 GMT

శాండ్ పేపర్ వివాదం.. ఆస్ట్రేలియా క్రికెట్ లో మంటపెట్టిన ఉస్మాన్ ఖవాజా

2026-11-07 08:22 GMT

Copyright @2026

Powered by Blink CMS