• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  175కి 175 సీట్లు.. టీడీపీ...

175కి 175 సీట్లు.. టీడీపీ ధీమా ఇదేనా?

By - Tupaki Desk
Update: 2023-01-19 02:30 GMT
ఆంధ్రప్రదేశ్‌ లో వచ్చే ఎన్నికలు సర్వత్రా ఆసక్తి రేపుతున్నాయి. 175కి 175 సీట్లు సాధించాలని వైసీపీ అధినేత, ఏపీ సీఎం జగన్‌ గట్టిగా కంకణం కట్టుకున్నారు. పార్టీ సమావేశాల్లో ఈ మేరకు ఎమ్మెల్యేలు, ఎమ్మెల్సీలు, ఎంపీలు, పార్టీ ముఖ్య నేతలకు దిశానిర్దేశం చేస్తున్నారు. వై నాట్‌ 175 అని సమరోత్సాహంతో పిలుపునిస్తున్నారు.

మరోవైపు టీడీపీ అధినేత చంద్రబాబు సైతం ఎక్కడా తగ్గడం లేదు. 175కి 175 కాదు.. ముందు పులివెందులలో గెలిచి చూపు అని జగన్‌ కు సవాల్‌ విసురుతున్నారు. పులివెందులలో కూడా టీడీపీ గెలుస్తుందని ఢంకా బజాయించి చెబుతున్నారు.

ఈ నేపథ్యంలో టీడీపీ ధీమాకు అనేక కారణాలు కనిపిస్తున్నాయి. రాజధాని అమరావతి ప్రాంతం విస్తరించి ఉన్న ఉమ్మడి కృష్ణా, గుంటూరు జిల్లాల్లో 33 అసెంబ్లీ సీట్లున్నాయి. వైఎస్‌ జగన్‌ అధికారంలోకి వచ్చాక అమరావతి రాజధాని ప్రాంతాన్ని భ్రష్టు పట్టించారని టీడీపీ ఆరోపిస్తోంది. ఈ నేపథ్యంలో ఈ రెండు జిల్లాల ప్రజలు వైసీపీకి ఈసారి మంగళం పాడతారని 33 సీట్లనూ తామే కొల్లగొడతామని లెక్కలు వేసుకుంటోంది.

ఇక తూర్పుగోదావరి, పశ్చిమ గోదావరి జిల్లాల్లో 35 అసెంబ్లీ సీట్లు ఉన్నాయి. జనసేనతో టీడీపీ పొత్తు కుదిరితే ఈ రెండు జిల్లాలను కూటమి ఊడ్చిపారేయడం ఖాయంగా కనిపిస్తోందని విశ్లేషకులు చెబుతున్నారు. అందులోనూ గతంతో పోల్చుకుంటే జనసేన ప్రభావం ఈసారి ఉభయగోదావరి జిల్లాల్లో గట్టిగా ఉంటుందనే అంచనాలు ఉన్నాయి. ఈ నేపథ్యంలో జనసేనతో పొత్తుతో సాగితే ఉభయగోదావరి జిల్లాల్లో ఉన్న 35 అసెంబ్లీ సీట్లు తమ ఖాతాలో పడతాయని టీడీపీ అధినేత ఉద్దేశంగా ఉందని అంటున్నారు.

ఇక ఉత్తరాంధ్ర మొదటి నుంచి టీడీపీ పెట్టనికోటగా ఉంది. 2019లో వైసీపీ సునామీలోనూ విశాఖ నగరంలో నాలుగు అసెంబ్లీ సీట్లను టీడీపీయే గెల్చుకుంది. విశాఖ ఎంపీ స్థానాన్ని కేవలం 4 వేల ఓట్ల తేడాతోనే పోగొట్టుకుంది. శ్రీకాకుళం ఎంపీ స్థానంలో టీడీపీనే విజయం సాధించింది. అందులోనూ ఉత్తరాంధ్రలో గంటా శ్రీనివాసరావు, అచ్చెన్నాయుడు, అయ్యన్నపాత్రుడు, వెలగపూడి రామకృష్ణబాబు, వంగలపూడి అనిత వంటి బలమైన నేతలు టీడీపీలో ఉన్నారు. ఈ నేపథ్యంలో ఉత్తరాంధ్రను ఒడిసిపట్టడం ఖాయమని టీడీపీ లెక్కలు వేసుకుంటోంది.

ఇక రాయలసీమలో జగన్‌ సామాజికవర్గంలోనే ఆయనపై వ్యతిరేకత ఉందని టీడీపీ భావిస్తోంది. ఈ నేపథ్యంలో నెల్లూరులో సోమిరెడ్డి చంద్రమోహన్‌ రెడ్డి, అనంతపురం జిల్లాలో జేసీ బ్రదర్స్, కర్నూలులో మాజీ కేంద్ర మంత్రి కోట్ల సూర్యప్రకాష్‌ రెడ్డి, భూమా అఖిలప్రియ వంటివారి ద్వారా రెడ్ల నేతలపై వల వేస్తోంది. రెడ్డి సామాజికవర్గానికి చెందిన నేతలను తమ పార్టీలోకి ఆహ్వానించి వైసీపీకి గట్టి షాక్‌ ఇవ్వాలనే ఉద్దేశంతో ఉంది. ఈ నేపథ్యంలో జనసేన పార్టీతో పొత్తు కూడా కుదిరితే 175కి 175 ఊడ్చిపారేస్తామనే నమ్మకంతో టీడీపీ ఉంది.  



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
Tags:    
  • ChandrababuNaidu 
  • APAssemblyElections 
  • YSRCPGovernment 
  • APPolitics 
  • YSJaganMohanReddy 
  • TDPParty 
  • APAssemblySeats 
  • TDPPoliticsinAP 

Similar News

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

Copyright @2026

Powered by Blink CMS