• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  జల్లికట్టు ఆడతారా?...

జల్లికట్టు ఆడతారా? ఎద్దులతో కాదు.. పందులతో!

By - Tupaki Desk
Update: 2021-01-20 14:30 GMT
జల్లికట్టు పేరు వినగానే సామాన్యులకు వెన్నులో వణుకు పుడుతుంది. వాడి కొమ్ములు తిరిగిన ఎద్దులు.. అంతకు మించిన వేడితో, వేగంతో దూసుకొస్తుంటే సవాల్ చేసి నిలబడాలి. కాళ్లూ చేతులు విరగొచ్చు.. తలలు పగిలిపోవచ్చు.. ప్రాణాలు కూడా గాల్లో కలిసిపోవచ్చు. ఇలా ఉంటుంది మనందరికీ తెలిసిన రక్తక్రీడ. అయితే.. దీనికి పూర్తి భిన్నంగా ఉంటుంది మరో జల్లికట్టు. పందులతో ఆడే ఈ ఆట ఎంతో వినోదాత్మకంగా ఉంటుంది. మరి, దీని గురించి తెలుసుకోవాలనుకుంటున్నారా..? అయితే ఛలో చెన్నై.

ఎక్కడ..?
సంక్రాంతి పండగ వచ్చిందంటే చాలు తమిళనాడు రాష్ట్రంలోని పలు జిల్లాల్లో బసవన్నలతో జల్లికట్టు పోటీలు పెద్ద ఎత్తున జరుగుతాయి. అయితే.. ఇదే సంక్రాంతి వేళ 'పందులతో జల్లికట్టు' పోటీలు కూడా ఇదే రాష్ట్రంలో జరుగుతాయి. అయితే.. ఈ పోటీలు ఒకే గ్రామంలో జరుగుతాయి. తేని జిల్లాలోని వల్లినగరంలో ఈ 'పందుల జల్లికట్టు' పోటీలు నిర్వహిస్తుంటారు. ఈ ప్రాంతంలో కురువర్‌ వర్గానికి చెందిన 50కి పైగా కుటుంబాలు జీవిస్తున్నాయి. వీరంతా ప్రతి ఏటా.. పందుల జల్లికట్టు నిర్వహిస్తుంటారు.

రూల్స్ కంపల్సరీ..
అయితే.. ఈ పోటీల్లో పాల్గొనే పందులకు కొన్ని రూల్స్ ఉన్నాయి. ఖచ్చితంగా 70 నుంచి 100 కిలోల మధ్య బరువు ఉండాలి. ఎలా తెలుస్తుంది అనుకుంటారేమో..? పోటీలో పాల్గొనే ముందు వాటి బరువును తప్పకుండా చూస్తారు. లేదంటే డోప్ టెస్టులో పట్టుబడ్డ క్రీడాకారుడిలా 'గెట్ ఔట్' అంటారు.

పోటీ ఎలా..?
పందిని స్టార్టింగ్ పాయింట్ దగ్గర వదులుతారు. దాన్ని పట్టుకోవాల్సిన మనిషి ఎదురుగా ఉంటాడు. పందిని వదిలిన తర్వాత అది మూడు అడుగుల దూరం కదిలిన తర్వాతే దానిని పట్టుకోవాలి. ఎండింగ్ పాయింట్ కు పరిగెత్తే వరకూ ప్రయత్నించుకోవచ్చు. చివరి లైన్‌ దాటేలోపు ఈ పందిని పట్టేసుకోవాలి. అయితే.. ఎక్కపడితే అక్కడ పట్టుకుంటానంటే కుదరు. కేవలం పంది వెనుక కాళ్లు మాత్రమే పట్టుకొని దాన్ని నిలువరించాలన్నమాట.

విజేత పంది కావొచ్చు.. మనిషి కావొచ్చు..!
ఈ పోటీలు మనిషే కాదు పంది కూడా గెలిచే ఛాన్స్ ఉంటుంది. అంటే.. ఫినిషింగ్ లైన్ దాటేలోపు మనిషి దాన్ని పట్టుకుంటే అతడు గెలిచినట్టు. లేదంటే పంది గెలిచినట్టుగా ప్రకటిస్తారు. ఈ సంవత్సరం ఈ పందుల పోటీల్లో పాల్గొందుకు తేని, దిండుగల్‌, మదురై జిల్లాల నుంచి 12 పందుల రాగా.. 45 మంది యువకులు ఈ పోటీలో పాల్గొన్నారు. ఈ వింత జల్లికట్టును వీక్షించేందుకు చుట్టుపక్కల ప్రాంతాలకు చెందిన ప్రజలు పెద్ద సంఖ్యలో హాజరయ్యారు.

కాగా.. తమిళనాడులోని పలు జిల్లాల్లో పందుల్ని విరివిగా పెంచుతుంటారు. వీటిద్వారా మంచి ఆదాయం లభిస్తుందని స్థానికులు చెబుతున్నారు. పందుల్ని పెంచటం చాలా ఈజీ అనీ.. వాటికి ప్రత్యేకమైన ఆహారం అంటూ ఏదీ పెట్టనవసరం లేదనీ అంటున్నారు. పెరిగిన తర్వాత మాంసం కోసం వీటిని అమ్ముకుంటే మంచి ఆదాయం వస్తుందని అంటున్నారు.
Tags:    
  • jallikattu 
  • Latest News 
  • Tupaki News 
  • Telugu News 
  • Tupaki Updates 
  • Daily Reports 

Similar News

భార్యకు తెలియకుండా ఇంట్లోకి ఇతర పురుషులు.. 13 ఏళ్ల పాటు భర్త అరాచకం!

2026-11-20 05:03 GMT

దాదాపు 50 ఏళ్లుగా అంతరిక్షంలో ప్రయాణం.. వాయేజర్-1లో భూమి నుంచి పంపిన ఓ అరుదైన సందేశం!

2026-11-20 04:37 GMT

హైదరాబాద్‌లో పోడ్ కార్లు.. ఐటీ ఉద్యోగుల ప్రయాణ కష్టాలు తగ్గుతాయా?

2026-11-20 04:15 GMT

జడ్పీ పీఠాలు : టీడీపీకి 22, జనసేనకు 4, బీజేపీకి 1

2026-11-20 03:36 GMT

యూత్ కి బీపీ షుగర్...ఏంటీ జనరేషన్ !

2026-11-20 03:36 GMT

బీఆర్ఎస్ కి రాజకీయ సిద్ధి...అక్కడే రేవంత్ గురి !

2026-11-20 03:35 GMT

పిచ్చికుక్క కరిచిందా.. ఎర్రగడ్డకు పంపిస్తాం.. కోమటిరెడ్డికి రేవంత్ రెడ్డి పరోక్ష పంచ్.. కాంగ్రెస్‌లో మాటల మంటలు

2026-11-19 21:30 GMT

విశాఖ నుంచి తిరుపతి వెళ్ళే భక్తులకు సూపర్ న్యూస్

2026-11-19 21:15 GMT

సీనియర్లను రంగంలోకి దించిన జనసేన

2026-11-19 21:15 GMT

ఎవరు గెలిచినా మేమే...వైసీపీ అలా తృప్తి పడుతోందా ?

2026-11-19 21:12 GMT

మంత్ర్రుల‌ను కాద‌న‌లేరు.. కార్య‌క‌ర్త‌ల‌ను వ‌ద్ద‌న‌లేరు: బాబుకు చిక్కులు

2026-11-19 21:12 GMT

పెరిగే సీట్లు వైసీపీ రాజకీయాన్ని ముంచేస్తాయా ?

2026-11-19 21:11 GMT

Copyright @2026

Powered by Blink CMS