• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  హ‌మ్మ‌య్యా!... ట్విట్ట‌ర్...

హ‌మ్మ‌య్యా!... ట్విట్ట‌ర్ ను ర‌మ్య వీడింద‌బ్బా!

By - Tupaki Desk
Update: 2019-06-02 08:11 GMT
గ్రాండ్‌ ఓల్డ్ పార్టీ కాంగ్రెస్ సోష‌ల్ మీడియా చీఫ్ గా కీల‌క బాధ్య‌త‌లు నిర్వ‌ర్తిస్తున్న ఆ పార్టీ మాజీ ఎంపీ ర‌మ్య అలియాస్ దివ్య స్పంద‌న సంచ‌ల‌న నిర్ణ‌యం తీసుకున్నారు. నిత్యం సోష‌ల్ మీడియాలో య‌మా యాక్టివ్ గా ఉండే ర‌మ్య‌.... ఏకంగా త‌న ట్విట్ట‌ర్ ఖాతాను తొల‌గించేశారు. ప్రస్తుతం ఆమె ట్విట్ట‌ర్ ఖాతాలో ఆమె క‌నిపించ‌డం లేదు. ఆమె ఖాతాలో ట్వీట్లు గానీ, రీట్వీట్లు గానీ లోడ్ కావ‌డం లేదు. నిత్యం వివాదాస్ప‌ద ట్వీట్ల‌తో ర‌చ్చ ర‌చ్చ చేస్తున్న ర‌మ్య‌... నెటిజ‌న్లు కొట్టిన దెబ్బ‌కే ట్విట్ట‌ర్ నుంచి గాయ‌బ్ అయిన‌ట్లుగా తెలుస్తోంది. ఈ ప‌రిణామం ఓ మోస్త‌రు ఆశ్చ‌ర్యం క‌లిగిస్తున్నా... అస‌లే ఓట‌మి బాధలో ఉన్న కాంగ్రెస్ పార్టీకి కాస్తంత ఊర‌టేన‌ని చెప్పాలి. ఎందుకంటే... అస‌లు తాను ఏం చెప్ప‌ద‌లచున్నాన‌న్న విష‌యాన్ని సూటిగా చెప్ప‌కుండా డొంక‌తిరుగుడుగా వ్య‌వ‌హ‌రిస్తున్న ర‌మ్య కార‌ణంగా పార్టీ ప‌లుమార్లు ఇబ్బందులు ప‌డింది. తాజాగా ర‌మ్య ట్విట్ట‌ర్ నుంచి ఎగ్జిట్ ఇచ్చిన నేప‌థ్యంలో ఆ పార్టీకి ఊర‌ట కాక మ‌రేమిటి?

స‌రే.. అస‌లు ర‌మ్య ట్విట్ట‌ర్ నుంచి ఎగ్జిట్ ఇవ్వ‌డానికి గ‌ల కార‌ణాలేంట‌న్న వియానికి వ‌స్తే... రెండు రోజుల క్రితం కేంద్ర ఆర్థిక మంత్రి నిర్మలా సీతారామన్‌పై ఆమె చేసిన వ్యాఖ్యలకు నెటిజన్లచే తీవ్ర విమర్శల పాలైన విషయం విధితమే. ఆ కామెంట్లకు తట్టుకోలేకనే ఆమె ట్విటర్‌ నుంచి వైదొలిగినట్లు తెలుస్తోంది. దీనిపై ఆమె ఇప్పటి వరకు అధికారిక ప్రకటన చేయలేదు. ఆమెను ట్విటర్‌లో 8లక్షలకు పైగా ఫోలోవర్స్‌ ఉన్నారు. కేబినెట్‌లో కీలకమైన ఆర్థిక శాఖను చేపట్టిన నిర్మలా సీతారామన్‌.. దేశంలో తొలి మహిళా ఆర్థిక మంత్రిగా చరిత్ర సృష్టించారు. దీనిపై నిర్మలకు ప్రశంసలు అందుతున్నాయి. రమ్య కూడా నిర్మలా సీతారామన్‌కు అభినందనలు తెలిపారు. ఈ మేరకు.. *1970లో ఇందిరా గాంధీజీ ఆర్థిక మంత్రిగా బాధ్యతలు నిర్వర్తించి మహిళలను గర్వపడేలా చేశారు. ఇప్పుడు మీరు కూడా ఆ శాఖను చేపట్టినందుకు అభినందనలు. కానీ జీడీపీ అంత గొప్పగా ఏమీ లేదు. అయినప్పటికీ ఆర్థిక వ్యవస్థను గాడిలో పెట్టేందుకు మీ వంతుగా తప్పక కృషి చేస్తారని తెలుసు. మీకు ఎల్లప్పుడూ మా సహకారం ఉంటుంది. శుభాకాంక్షలు* అని రమ్య ట్వీట్‌ చేశారు.

ఈ నేపథ్యంలో రమ్య ట్వీట్‌పై స్పందించిన నెటిజన్లు.. దేశ తొలి ఆర్థిక మంత్రి అని నిర్మలా సీతారామన్‌ను పిలవడం కాంగ్రెస్‌ వాళ్లకు ఇష్టం ఉండదేమో అని విమర్శలు గుప్పిస్తున్నారు. *మేడమ్‌.. ఇందిరాగాంధీ ప్రధాన మంత్రిగా ఉండి, ఆర్థిక శాఖను తన వద్ద పెట్టుకున్నారు. కానీ నిర్మలాజీపై నమ్మకంతో ప్రధాని ఆమెకు కీలక బాధ్యతలు అప్పగించారు. కాబట్టి తొలి ఆర్థిక మహిళా మంత్రిగా ఆమెను పరిగణించాలి. ఇక జీడీపీ అంటారా. మీ దృష్టిలో జీడీపీ అంటే గాంధీ డైనస్టీ పాలిటిక్స్‌ అనుకుంటా. ఎందుకంటే మీకు ఆ పదానికి వివరణ, అర్థం తెలియదు కదా. అభినందించే క్రమంలో ఇలా రాజకీయాలు చేయడం, ప్రజలను పక్కదారి పట్టించడం సరైంది కాదు* అంటూ విపరితంగా ట్రోల్‌ చేస్తున్నారు. ఈ వ‌రుస దెబ్బ‌ల‌కు ర‌మ్య ట్విట్ట‌ర్ నుంచి నిష్క్ర‌మించ‌క త‌ప్ప‌లేదు.


Tags:    
  • Divya Spandana 
  • Congress Party 
  • Telugu News 

Similar News

భార్యకు తెలియకుండా ఇంట్లోకి ఇతర పురుషులు.. 13 ఏళ్ల పాటు భర్త అరాచకం!

2026-11-20 05:03 GMT

దాదాపు 50 ఏళ్లుగా అంతరిక్షంలో ప్రయాణం.. వాయేజర్-1లో భూమి నుంచి పంపిన ఓ అరుదైన సందేశం!

2026-11-20 04:37 GMT

హైదరాబాద్‌లో పోడ్ కార్లు.. ఐటీ ఉద్యోగుల ప్రయాణ కష్టాలు తగ్గుతాయా?

2026-11-20 04:15 GMT

జడ్పీ పీఠాలు : టీడీపీకి 22, జనసేనకు 4, బీజేపీకి 1

2026-11-20 03:36 GMT

యూత్ కి బీపీ షుగర్...ఏంటీ జనరేషన్ !

2026-11-20 03:36 GMT

బీఆర్ఎస్ కి రాజకీయ సిద్ధి...అక్కడే రేవంత్ గురి !

2026-11-20 03:35 GMT

పిచ్చికుక్క కరిచిందా.. ఎర్రగడ్డకు పంపిస్తాం.. కోమటిరెడ్డికి రేవంత్ రెడ్డి పరోక్ష పంచ్.. కాంగ్రెస్‌లో మాటల మంటలు

2026-11-19 21:30 GMT

విశాఖ నుంచి తిరుపతి వెళ్ళే భక్తులకు సూపర్ న్యూస్

2026-11-19 21:15 GMT

సీనియర్లను రంగంలోకి దించిన జనసేన

2026-11-19 21:15 GMT

ఎవరు గెలిచినా మేమే...వైసీపీ అలా తృప్తి పడుతోందా ?

2026-11-19 21:12 GMT

మంత్ర్రుల‌ను కాద‌న‌లేరు.. కార్య‌క‌ర్త‌ల‌ను వ‌ద్ద‌న‌లేరు: బాబుకు చిక్కులు

2026-11-19 21:12 GMT

పెరిగే సీట్లు వైసీపీ రాజకీయాన్ని ముంచేస్తాయా ?

2026-11-19 21:11 GMT

Copyright @2026

Powered by Blink CMS