• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  'ట్రంప్ గోడ‌' కు అన్నీ...

'ట్రంప్ గోడ‌' కు అన్నీ షాకులే

By - Tupaki Desk
Update: 2017-03-29 12:00 GMT
అమెరికా అధ్య‌క్షుడు డొనాల్డ్ ట్రంప్‌ కు ఎదుర‌వుతున్న షాక్‌ ల ప‌రంప‌రలో మ‌రో అంశం వ‌చ్చి చేరింది. ఎన్నికల ప్రచారంలో అమెరికన్లకు ట్రంప్‌ ఒక హామీ ఇచ్చారు. తాను అధికారంలో కొస్తే మెక్సికన్లు తమ దేశంలోకి ప్రవేశించకుండా ఒక పెద్ద గోడను కడతానని చెప్పాడు. అధికారంలోకి రాగానే చెప్పినట్లుగానే గోడ నిర్మాణానికి ప్రయత్నాలు ప్రారంభించారు.  ట్రంప్‌ చట్టబద్ధంగా వ్యవహరిస్తే గోడ నిర్మాణం అసలు సాధ్యం కాదని  విశ్లేషకులు అంటున్నారు. ఈ గోడ‌ను పూర్తి చెయ్యడానికి అవసరమైన డబ్బును ఎక్కడ నుంచి తీసుకొస్తారన్నదానిపై మాత్రం సర్వత్రా చర్చ నడుస్తోంది.

ట్రంప్ ప‌గ్గాలు చేప‌ట్టిన త‌ర్వాత మెక్సికో సరిహద్దు పొడవునా 9 మీటర్ల ఎత్తులో గోడను నిర్మించాలని అమెరికా ప్రభుత్వం ప్రతిపాదించింది. ఈ గోడ నిర్మాణం కోసం మెక్సికో నుంచే పన్నులు వసూలు చేస్తామని ట్రంప్‌ తొలుత ప్రకటించారు. అయితే మెక్సికో అందుకు నిరాకరించింది. ఒక్క రూపాయి కూడా చెల్లించేది లేదని తెలిపింది. దీంతో ప్రజల సొమ్మునే గోడ నిర్మాణానికి వినియోగించాలని ఆయన నిర్ణయించారు. దీనికి రూ. 1.36 లక్షల కోట్లు ఖర్చు అవుతుందని అంతర్గత భద్రతాధికారి జాన్‌ కెల్లీ పేర్కొన్నారు. అమెరికా కాంగ్రెస్‌లోని రిపబ్లికన్లు రూ. 79 వేల కోట్లు నుంచి 90 వేల కోట్లు మధ్యలో ఖర్చు అవుతుందని అభిప్రాయపడ్డారు. ట్రంపే స్వయంగా రూ. రూ. 78 వేల కోట్లు ఖర్చు అవుతుందని చెప్పారు. దీంతో తొలి విడతగా రూ. 16.9 వేల కోట్లు విడుదల చేయాలని తొలి బడ్జెట్‌ ప్రతిపాదనలో అమెరికా కాంగ్రెస్‌ ను ట్రంప్‌ ప్రభుత్వం కోరింది. అయితే ఇందులో ఎంత మొత్తాన్ని విడుదల చేసేందుకు కాంగ్రెస్‌ అంగీకరిస్తుందా అన్నది అనుమానమే. ఎందకంటే ఈ గోడ నిర్మాణానికి నిధులు ఎక్కడ నుంచి తీసుకురావాలన్నదానిపై ఇంకా చర్చలు జరుగుతున్నట్లు శ్వేతసౌధం అధికార ప్రతినిధి సీన్‌ స్పైసర్‌ వెల్లడించారు.

మ‌రోవైపు అన్నిటికంటే మించి గోడ నిర్మాణానికి అనేక భౌగోళిక సమస్యలు అడ్డంకిగా ఉన్నాయి. మెక్సికో-అమెరికా సరిహద్దు భూభాగం చాలా మటుకు టెక్సాస్‌, రియో గ్రాండె నదీ ప్రాంతంలో ఉంది. 1970లో మెక్సికోతో కుదుర్చుకున్న ఒప్పందం ప్రకారం నదీ ప్రాంతంలో చేపట్టిన ఏ నిర్మాణమైనా నది వెడల్పును తగ్గించేదిగా ఉండకూడదు. అరీజోనాలో కూడా కొలరెడో నది విషయంలో ఇదే సమస్య ట్రంప్‌కు ఎదురుకానుంది. ఇందుకు అంతర్జాతీయ సరిహద్దు సమస్య అడ్డంకికాగా అన్నిటి కంటే మించి పర్యావరణ అనుమతులను పొందాల్సి ఉంది. అందుకే పర్యావరణ పరంగా సున్నితమైన కాలిఫోర్నియా సరిహద్దు ప్రాంతంలో గోడ ఎత్తును రూ. 2 మీటర్లకే కుదించాలని అధికారులు తెలిపారు.టెక్సాస్‌ సరిహద్దు ప్రాంత నివాసితులు అక్కడ భూభాగాలను కొనుక్కున్నారు. ఇక్కడ గోడ నిర్మించాలంటే వారి భూభాగాలను తప్పనిసరిగా కొనుగోలు చేయాలి. అయితే ఇది అంత సులభం కాదు. జార్జి డబ్ల్యు బుష్‌ నుంచి ఒబామా ప్రభుత్వం వరకూ ఇదే అంశంపై పోరాడి విసిగిపోయారు. అయితే ఈ భూయజమానులను బుజ్జగించాలని ట్రంప్‌ నిర్ణయించారు. అవసరమైతే ఈ కేసులను పరిష్కరించేందుకు ఎక్కువ మంది న్యాయవాదులను నియమించాలని భావిస్తున్నారు. ఇలా ట్రంప్ ప్ర‌ధాన హామీ ఆచ‌ర‌ణ సాధ్యం కావ‌డం క‌ష్టంగానే ఉందంటున్నారు.

Like Us on Facebook : https://www.facebook.com/Tupakidotcom/
Tags:    
  • Donald Trump 
  • US-Mexico border wall 

Similar News

కన్నీటి కడలిలో ఆశాకిరణం.. రూ.9 కోట్ల ప్రాణరక్షక మందును రూ.2.5 లక్షలకే తెచ్చిన హైదరాబాద్ వైద్యురాలు

2026-11-21 07:30 GMT

బంగారంలో రీనియం కలిపేసి మోసం.. ఏ మెషీన్ కు, మనుషులకు చిక్కని దొంగ బంగారం స్కామ్

2026-11-21 06:33 GMT

ట్రంప్ కొత్త 'డేటా' దేశభక్తి పాఠం.. వినకపోతే ఖతమేనట..

2026-11-21 06:31 GMT

అమెరికాలో భారతీయ ఉద్యోగులకు ఊరట? H-1B వీసాలపై కీలక నిర్ణయం తీసుకోనున్న కొత్త గవర్నర్

2026-11-21 04:25 GMT

మంటల బొమ్మలు చూసి నీళ్లు చిమ్మిన ఫైర్ సిస్టమ్.. ఫుడ్ స్టాల్‌లో వింత ఘటన!

2026-11-21 04:24 GMT

జెన్సన్ హువాంగ్ కొత్త కంపెనీకి రూ.లక్షల కోట్ల పెట్టుబడి? వైరల్ వార్త వెనుక అసలు విషయం!

2026-11-21 04:24 GMT

ఆంథ్రోపిక్ ఉద్యోగులకు భారీ లాభం.. ఒక్క ఐపీఓతో కోట్లలోకి షేర్ల విలువ!

2026-11-21 04:23 GMT

ఢిల్లీ వచ్చింది చాలు..పాక్ మంత్రికి భారత్ షాక్ !

2026-11-21 03:32 GMT

టీడీపీ బాటలోకి వైసీపీ...వారికి గండమే ?

2026-11-21 03:31 GMT

కొనేదంతా బంగారం కాదు...బిగ్ అలర్ట్ !

2026-11-21 03:31 GMT

ఉత్తరాంధ్రాలో రెండు జిల్లాలు జనసేనకే !

2026-11-21 03:30 GMT

టీడీపీకి జనసేన ఝలక్...సిక్కోలులో బిగ్ ట్విస్ట్ !

2026-11-20 18:01 GMT

Copyright @2026

Powered by Blink CMS