• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  Finance >  ఆంథ్రోపిక్ ఉద్యోగులకు...

ఆంథ్రోపిక్ ఉద్యోగులకు భారీ లాభం.. ఒక్క ఐపీఓతో కోట్లలోకి షేర్ల విలువ!

| క్లాడ్ ఏఐ సంస్థ ఆంథ్రోపిక్ ఐపీఓతో ఉద్యోగుల షేర్ల విలువ భారీగా పెరిగింది. కంపెనీలోని 5,300 మంది ఉద్యోగుల్లో 5,100 మందికి పైగా మిలియన్ డాలర్లకుపైగా విలువైన షేర్లు కలిగి ఉన్నట్లు అంచనా. వీరిలో 2,800 మంది వాటాల విలువ 10 మిలియన్ డాలర్లు దాటింది. అయితే ఇవి మార్కెట్ విలువలేనని, నగదు రూపంలో అందిన మొత్తం కాదని సమాచారం.

By - Tupaki Desk
Update: 2026-11-21 04:23 GMT

ఏఐ రాకతో సాఫ్ట్‌వేర్ ఉద్యోగుల భవిష్యత్తుపై అనేక ప్రశ్నలు తలెత్తుతున్నాయి. కంపెనీలు ఉద్యోగులను తొలగిస్తున్నాయనే వార్తలు కూడా తరచూ వినిపిస్తున్నాయి. కానీ ఇదే ఏఐ రంగంలో పనిచేస్తున్న ఆంథ్రోపిక్ ఉద్యోగులకు మాత్రం ఇప్పుడు అదృష్టం కలిసొచ్చింది. కంపెనీలో తమకు కేటాయించిన షేర్ల విలువ ఒక్కసారిగా భారీగా పెరిగింది.

క్లాడ్ ఏఐని తయారు చేసిన ఆంథ్రోపిక్ నాస్‌డాక్‌లో ఐపీఓకు రావడంతో ఈ పరిస్థితి ఏర్పడింది. ఒక్కో షేరు ధరను 83 డాలర్లుగా నిర్ణయించారు. మార్కెట్‌లో ట్రేడింగ్ మొదలైన తర్వాత ధర 111.50 డాలర్ల వరకు వెళ్లింది. తొలి రోజు ముగిసే సమయానికి 97 డాలర్ల దగ్గర ఆగింది. ఈ ఐపీఓ ద్వారా కంపెనీ 81 బిలియన్ డాలర్లకు పైగా నిధులు సమీకరించినట్లు కథనాలు వెల్లడించాయి.

ఇక ఉద్యోగుల విషయానికి వస్తే.. కంపెనీలో పనిచేస్తున్న దాదాపు 5,300 మందిలో 5,100 మందికి పైగా ఇప్పుడు మిలియన్ డాలర్లకుపైగా విలువైన షేర్లను కలిగి ఉన్నట్లు అంచనా. దాదాపు 2,800 మంది ఉద్యోగుల వాటాల విలువ 10 మిలియన్ డాలర్లు దాటింది. మరో 600 మంది దగ్గర 100 మిలియన్ డాలర్లకు పైగా విలువైన షేర్లు ఉన్నట్లు సమాచారం.

అంటే భారత కరెన్సీలో చూస్తే కొందరి వాటాల విలువ వందల కోట్ల రూపాయలకు చేరిందన్నమాట. అయితే ఇవి షేర్ల మార్కెట్ విలువ ఆధారంగా వేసిన లెక్కలు మాత్రమే. ఉద్యోగుల చేతికి ఇప్పటికే అంత మొత్తం నగదుగా అందలేదు.

మరోవైపు ఆంథ్రోపిక్‌కు చెందిన ఏడుగురు సహ వ్యవస్థాపకులు తమ వ్యక్తిగత సంపదలో 80 శాతాన్ని దాతృత్వ కార్యక్రమాలకు ఇవ్వాలని నిర్ణయించుకున్నారు. ఐపీఓతో వచ్చిన సంపదను ఉద్యోగుల్లో కొందరు కూడా సేవా కార్యక్రమాలకు వినియోగించాలనుకుంటున్నట్లు సమాచారం.

Tags:    
  • anthropic 
  • anthropicipo 
  • claudeai 
  • artificialintelligence 
  • aiindustry 

Similar News

భారీగా తగ్గుతున్న బంగారం, వెండి ధరలు.. కొనడానికి ఇది సరైన సమయమా?

2026-11-20 06:43 GMT

భారత్ దెబ్బకు పాకిస్తాన్ దివాళా తీసింది.. ఇవే సాక్ష్యాలు

2026-11-02 18:24 GMT

సొంతింటి కల.. 50 ఏళ్ల వయసు మీరిన వేళ పెద్ద రిస్కేనా? రిటైర్మెంట్ లెక్కలివే..

2026-10-27 09:31 GMT

జియో ఐపీఓకు రికార్డు స్పందన.. ఇన్వెస్టర్లకు లాభాలు వస్తాయా?

2026-10-24 05:23 GMT

చమురు ధరలే కారణం కాదు.. రూపాయిని దెబ్బతీస్తున్న ప్రపంచ పెట్టుబడుల మార్పు

2026-10-22 18:30 GMT

తొలిరోజే రూ.95,500 కోట్ల బిడ్లు.. జియో ఐపీఓపై ఇంత క్రేజ్ ఎందుకు?

2026-10-22 10:24 GMT

పేటీఎం బ్యాంక్ లైసెన్స్ రద్దు.. UPI పేమెంట్లు రీఛార్జుల సంగ‌తేంటి?

2026-04-25 03:46 GMT

వీసా.. మాస్టర్.. రూపే కార్డుల్లో ఏది ఎక్కువ యూజ్ ఫుల్?

2025-12-19 04:38 GMT

రాకెట్ స్పీడ్ లో మస్క్ సంపద.. సెకనుకు ఎంతో తెలుసా..!

2025-12-17 10:06 GMT

40 ఏళ్ల క్రితం సెన్సెక్స్ లో టాప్.. ఇప్పుడు వాటి పరిస్థితి తెలిస్తే షాక్

2025-12-15 05:30 GMT

ప్రపంచాన్ని అప్పు ట్రాప్ లో పడేస్తున్న చైనా

2025-11-28 07:30 GMT

Copyright @2026

Powered by Blink CMS