• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ఐపీఎల్‌లో క‌రోనా.....

ఐపీఎల్‌లో క‌రోనా.. కంగారెత్తించే విష‌య‌మేంటంటే?

By - Tupaki Desk
Update: 2021-09-23 03:34 GMT
ఈ ఏడాది ఏప్రిల్లో సొంత‌గ‌డ్డ‌పై అట్ట‌హాసంగా మొద‌లైన ఐపీఎల్‌.. మేలో క‌రోనా ధాటికి అర్ధంత‌రంగా ఆగిపోయిన సంగ‌తి తెలిసిందే. లీగ్ ప‌రిధిలో వ‌రుస‌గా రెండు రోజుల వ్య‌వ‌ధిలో మూణ్నాలుగు కేసులు వెలుగు చూడ‌టంతో టోర్నీని ఆపేయ‌క త‌ప్ప‌ని ప‌రిస్థితి నెల‌కొంది. నాలుగు నెల‌ల త‌ర్వాత ఇప్పుడు యూఏఈలో టోర్నీని తిరిగి మొద‌లుపెట్టారు. ఐతే లీగ్‌లో మూడు రోజులు గ‌డిచాయో లేదో.. మ‌ళ్లీ క‌రోనా పంచ్ ప‌డింది. స‌న్‌రైజ‌ర్స్ హైద‌రాబాద్ ఆట‌గాడు న‌ట‌రాజ‌న్ క‌రోనా పాజిటివ్‌గా తేలాడు. దీంతో అత‌ణ్ని క్వారంటైన్ చేశారు. అత‌డితో స‌న్నిహితంగా ఉన్న ఆల్‌రౌండ‌ర్ విజ‌య్ శంక‌ర్, ఇంకో ఐదుగురిని ఐసొలేష‌న్‌కు పంపారు. వీళ్ల‌కు క‌రోనా ప‌రీక్ష‌ల్లో నెగెటివ్ రావ‌డం ఊరటనిచ్చే విషయమే. ఐతే బయటపడింది ఒక కరోనా కేసే కదా అని లైట్ తీసుకోవడానికి వీల్లేదు. నటరాజన్‌కు ఏ స్థితిలో కరోనా సోకిందన్నది ఆలోచిస్తే.. మళ్లీ లీగ్ ఆపేయాల్సిన పరిస్థితులు తలెత్తుతాయేమో అన్న ఆందోళన రేకెత్తుతోంది.

నటరాజన్ బబుల్లోకి అడుగు పెట్టిన పది రోజులకు కరోనా పాజిటివ్‌గా తేలడమే ఇప్పుడు నిర్వాహకులను కంగారెత్తిస్తోంది. అతను ఇండియా నుంచి యూఏఈకు వచ్చిన రెండు మూడు రోజుల్లో కరోనా పాజిటివ్‌గా తేలి ఉంటే.. ఇండియాలో ఉన్నపుడే వైరస్ అంటించుకున్నాడనో.. విమాన ప్రయాణం చేస్తున్నపుడు కరోనా సోకిందనో అనుకోవచ్చు. అలా జరిగితే క్వారంటైన్లో ఉంచి నెగెటివ్ వచ్చాక బబుల్లోకి పంపేవారు. సమస్య తీరిపోయేది. కానీ అతను బబుల్లోకి ఎంటరయ్యాక పది రోజులకు పాజిటివ్‌గా తేలాడు.

అంటే బయో బబుల్ పకడ్బందీగా లేదని అర్థం. బబుల్ పక్కాగా నిర్వహించి ఉంటే కరోనా సోకే అవకాశమే లేదు. మేలో ఐపీఎల్ తొలి అంచె సందర్భంగా ఇండియాలో రెండో దశ మ్యాచ్‌ల కోసం ఆటగాళ్లు విమాన ప్రయాణాలు చేశాక కొన్ని రోజులకు కేసులు బయటపడ్డాయి. ప్రయాణాలే పరోక్షంగా కరోనా సోకడానికి కారణమయ్యాయన్నది స్పష్టం. కానీ ఇక్కడ కొత్తగా ప్రయాణాలేమీ లేకపోయినా.. ఓ ఆటగాడు బబుల్లోకి వెళ్లిన పది రోజుల తర్వాత కరోనా పాజిటివ్‌గా తేలాడంటే బబుల్ బ్రేక్ అయిపోయిందని స్పష్టమవుతోంది. కాబట్టి ఇది ఒక్క కరోనా కేసుతో ఆగుతుందా అన్న సందేహాలు కలుగుతున్నాయి. ఇంకో ఒకట్రెండు కేసులు బయటపడ్డాయంటే మాత్రం మళ్లీ ఐపీఎల్ ఆపేయాల్సి వస్తుంది. మరి ఏం జరుగుతుందో చూడాలి.
Tags:    
  • IPL 
  • IPL 2021 
  • IPL Matches 
  • IPL 2021 Updates 
  • IPL Latest Updates 
  • BCCI 
  • covid 19 
  • srh team 

Similar News

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

Copyright @2026

Powered by Blink CMS