• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  వైసీపీలోకి రంగా తనయుడు...

వైసీపీలోకి రంగా తనయుడు రీఎంట్రీ!

| ఆంధ్రప్రదేశ్‌ లో అసెంబ్లీ ఎన్నికలకు సమయం దగ్గర పడుతుండటంతో అధికార వైసీపీ, ప్రతిపక్ష టీడీపీ, జనసేన కూటమి ఎత్తుకు పై ఎత్తులు వేస్తున్నాయి.

By - Tupaki Desk
Update: 2024-01-01 08:07 GMT

ఆంధ్రప్రదేశ్‌ లో అసెంబ్లీ ఎన్నికలకు సమయం దగ్గర పడుతుండటంతో అధికార వైసీపీ, ప్రతిపక్ష టీడీపీ, జనసేన కూటమి ఎత్తుకు పై ఎత్తులు వేస్తున్నాయి. ముఖ్యంగా టీడీపీ, జనసేన కలిసి పోటీ చేస్తుండటం, కాపు సామాజికవర్గం కూటమి వైపు ఉంటుందనే అభిప్రాయాల నేపథ్యంలో అధికార వైసీపీ అప్రమత్తమైంది.

ఈ నేపథ్యంలో ఇప్పటికే కాపు సామాజికవర్గానికి చెందిన ప్రముఖ క్రికెటర్‌ అంబటి రాయుడును వైసీపీ తమ పార్టీలో చేర్చుకుంది. ఆయనకు గుంటూరు లోక్‌ సభ సీటు లేదా పొన్నూరు అసెంబ్లీ సీటు ఇవ్వొచ్చనే ప్రచారం జరుగుతోంది. అంబటి రాయుడుతోపాటు ఇంకొంతమంది కీలక కాపు నేతలపై వైసీపీ దృష్టి సారించిందనే ప్రచారం సాగుతోంది. ఈ క్రమంలో దివంగత నేత వంగవీటి మోహన్‌ రంగా తనయుడు వంగవీటి రాధాపై కన్నేసిందని అంటున్నారు.

ఈ దిశగా ఇప్పటికే వైసీపీ లోక్‌ సభా పక్ష నేత, రాజంపేట ఎంపీ పెద్దిరెడ్డి మిథున్‌ రెడ్డి .. వంగవీటి రాధాను కలిసి పార్టీలోకి రావాలని ఆహ్వానించారని చెబుతున్నారు. ఆయన చెప్పిన మాటలను సావధానంగా విన్న రాధా ఏ విషయం మిథున్‌ రెడ్డికి చెప్పలేదని టాక్‌ నడుస్తోంది.

2004 ఎన్నికల్లో వంగవీటి రాధా కాంగ్రెస్‌ పార్టీ తరఫున విజయవాడ తూర్పు నియోజకవర్గం నుంచి ఎమ్మెల్యేగా ఎన్నికయ్యారు. 2009లో రాధా ప్రముఖ నటుడు చిరంజీవి స్థాపించిన ప్రజారాజ్యం పార్టీలో చేరారు. విజయవాడ సెంట్రల్‌ నుంచి బరిలోకి దిగి స్వల్ప తేడాతో ఓటమి పాలయ్యారు. 2014లో వైసీపీ తరఫున విజయవాడ తూర్పు నుంచి పోటీ చేసి టీడీపీ అభ్యర్థి గద్దె రామ్మోహన్‌ చేతిలో ఓడిపోయారు.

ఇక 2019 ఎన్నికల్లో రాధా విజయవాడ సెంట్రల్‌ సీటు ఆశించారు. అయితే ఆ సీటును వైసీపీ అధినేత జగన్‌.. మల్లాది విష్ణుకు కేటాయించారు. రాధాను విజయవాడ తూర్పు, అవనిగడ్డల్లో ఎక్కడి నుంచైనా లేదా బందరు ఎంపీగా పోటీ చేయాలని కోరారు. అయితే రాధా తనకు విజయవాడ సెంట్రల్‌ మాత్రమే కావాలని అడగడం.. జగన్‌ అందుకు ఒప్పుకోకపోవడంతో రాధా పార్టీ వీడి ఎన్నికల ముందు టీడీపీ తీర్థం పుచ్చుకున్నారు. ఆయన టీడీపీలో చేరారు. అయితే ఎన్నికల్లో పోటీ చేయలేదు.

గత ఎన్నికల సమయంలో టీడీపీ అధికారంలోకి వస్తే ఎమ్మెల్సీ లేదా రాజ్యసభ సభ్యుడిగా చాన్సు ఇస్తామని ఆ పార్టీ రాధాకు హామీ ఇచ్చింది. అయితే టీడీపీ అధికారంలోకి రాకపోవడంతో వంగవీటి రాధా ఏ పదవి లేకుండా మిగిలిపోయారు. గత ఎన్నికల్లో టీడీపీ తరఫున పలు నియోజకవర్గాల్లో రాధా ప్రచారం నిర్వహించారు.

మరోవైపు వచ్చే ఎన్నికల్లో టీడీపీ తరఫున విజయవాడ సెంట్రల్‌ లో బొండా ఉమా పోటీ చేసే అవకాశం ఉంది. 2014లో ఇక్కడ టీడీపీ నుంచి గెలిచిన బొండా ఉమా.. 2019 ఎన్నికల్లో కేవలం 25 ఓట్ల తేడాతో వైసీపీ అభ్యర్థి మల్లాది విష్ణు చేతిలో ఓడిపోయారు. ప్రస్తుతం టీడీపీ పొలిట్‌ బ్యూరో సభ్యుడిగా బొండా ఉమా ఉన్నారు. 2024 ఎన్నికల్లోనూ విజయవాడ సెంట్రల్‌ నుంచి టీడీపీ తరఫున బొండా ఉమా పోటీ చేస్తారని లోకేష్‌ చెప్పినట్టు తెలిసింది. వంగవీటి రాధాకు టీడీపీ అధికారంలోకి రాగానే ఆయన స్థాయికి తగ్గ కీలక పదవిని ఇస్తామని హామీ ఇచ్చినట్టు చెబుతున్నారు.

Tags:    
  • Radhakrishna 
  • Vangavetiradha 
  • Ysrcp 
  • Jagan 
  • Tdp 
  • Chandrababunaidu 
  • Vijayawadacentral 
  • Midunreddy 
  • Naralokesh 

Similar News

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

Copyright @2026

Powered by Blink CMS