ఓయ్ ట్రంప్ నీ దుంపతెగ.. ఏందయ్యా మళ్లీ ఈ టారిఫ్స్ బాదుడు?

"మేం తగ్గం.. మా పన్నులు తగ్గవు" అంటూ అమెరికా అధ్యక్షుడు డొనాల్డ్ ట్రంప్ తాత మరోసారి తన మార్క్ విశ్వరూపం చూపించారు. ప్రపంచ దేశాల వాణిజ్య రంగాన్ని కుదిపేస్తూ.. "హ్యాపీ శుక్రవారం" కాస్తా "టారిఫ్ ల శుక్రవారం"గా మార్చేశారు. భారత్ సహా దాదాపు 60 దేశాల నుంచి అమెరికాకు వచ్చే దిగుమతులపై 10% నుంచి 12.5% వరకు కొత్తగా టారిఫ్‌లు వడ్డిస్తూ షాకిచ్చారు. ఈ నిర్ణయం అనౌన్స్ చేయడమే లేటు.. తుస్సుమని అమల్లోకి వచ్చేసింది..

"వెట్టి చాకిరీ వద్దండోయ్!".. అస్సలు మ్యాటర్ ఇదేనట..

అసలు ఈ రేంజ్ బాదుడికి ట్రంప్ సర్కార్ చెప్పిన సాకు వింటే కళ్లు తిరగాల్సిందే.. "మా దేశంలో నిషేధితమైన వెట్టి చాకిరీ ద్వారా తయారయ్యే వస్తువులను అడ్డుకోవడానికే ఈ సుంకాలు వేస్తున్నాం బాస్" అని చాలా అమాయకంగా చెయ్యెత్తి చూపించింది ట్రంప్ టీమ్.

ట్రేడ్ యాక్ట్–1974 సెక్షన్ 301 ప్రయోగం

పాత 10 శాతం గ్లోబల్ టారిఫ్‌ల గడువు ముగియడమే ఆలస్యం.. "మానవ హక్కులను కాపాడేస్తున్నాం" అనే రేంజ్ కవర్‌డ్రైవ్‌తో కొత్త సుంకాల బిల్లును ప్రపంచం ముందు పడేశారు.

భారత్‌కు 'చిన్న' ఊరట.. డోస్ కాస్త తగ్గించారు

నిజానికి మన భారత్‌కు మొదట 12.5 శాతం బాదుడు ఫిక్స్ చేద్దామని అమెరికా భావించింది. కానీ "అబ్బే.. భారత్ వెట్టి చాకిరీని బాగానే అరికడుతోంది లే" అని గుర్తించి, కాస్త కనికరించి సుంకాన్ని 10 శాతానికి కుదించింది. మనకు కాస్త మినహాయింపులు ఇస్తూ.. చమురు, సహజ వాయువు, ఎరువులతో పాటు యూఎస్ ఎంసీఏ పరిధిలోని ఉత్పత్తులకు మాత్రం ప్రస్తుతానికి ఈ 'టారిఫ్ పోటు' నుంచి రక్షణ లభించింది.

ఎవరికి ఎంత బాదుడు?:

10% క్లబ్ లో ప్రస్తుతానికి భారత్, బ్రిటన్, కెనడా, మెక్సికో, ఇండోనేషియాలున్నాయి. ఇక 12.5% క్లబ్ లో చైనా సహా మరో 38 దేశాలున్నాయి. వీళ్లకు ట్రంప్ మార్క్ స్పెషల్ డిస్కౌంట్ లేదన్నమాట..

విమర్శలు లైట్.. ట్రంప్ తాతది రూటే సెపరేటు

నోటీస్ లేకుండా ఉన్నపళంగా ఈ సుంకాలు రుద్దడం ఏంటని ప్రపంచ దేశాలు నెత్తినోరు బాదుకుంటున్నా అమెరికా వాణిజ్య ప్రతినిధి జెమిసన్ గ్రీర్ మాత్రం చల్లగా కౌంటర్ ఇచ్చారు. "మా దగ్గర వందేళ్లుగా వెట్టి చాకిరీపై బ్యాన్ ఉంది. మీరు కూడా ఆ రూల్స్ పాటిస్తే మంచిది కదా" అని క్లాస్ పీకారు. ఇక విమర్శలపై ట్రంప్ ప్రభుత్వం స్పందిస్తూ.. "ట్రంప్ తాత అనుకున్నది సాధించడానికి ఏ ఆయుధాన్నైనా వాడతారు.. అందులో ఈ టారిఫ్‌లు ఒక చిన్న శాంపిల్ మాత్రమే" అని కుండబద్దలు కొట్టేసింది.

మరి మనకేంటి భయ్యా లాభం/నష్టం?

భారత్ నుంచి అమెరికాకు ఎగుమతయ్యే కొన్ని వస్తువుల ధరలు పెరిగి వ్యాపారులకు కాస్త గుండెపోటు వచ్చే అవకాశం ఉంది. అయితే "12.5% పడకుండా 10% తో సరిపెట్టారు.. అదీ చాలులే తండ్రీ" అని మన ఎగుమతిదారులు ఊపిరి పీల్చుకుంటున్నారు. భవిష్యత్తులో మనోళ్లు వాషింగ్టన్ వెళ్లి 'చాయ్ పే చర్చ' చేసి ఈ పన్నులను ఇంకేమైనా తగ్గిస్తారేమో చూడాలి.