ఇస్రో శాటిలైట్స్తో ఇండియా ఆపరేషన్ సక్సెస్.. 23 నిమిషాల్లో చైనా రాడార్లు ధ్వంసం
పహల్గాం దాడికి ప్రతీకారంగా ఇండియా పాకిస్థాన్కు గట్టి బుద్ధి చెప్పింది. 'ఆపరేషన్ సిందూర్' పేరుతో పాకిస్థాన్, పీఓకేలపై భారత సైన్యం మెరుపుదాడులు చేసింది.;
పహల్గాం దాడికి ప్రతీకారంగా ఇండియా పాకిస్థాన్కు గట్టి బుద్ధి చెప్పింది. 'ఆపరేషన్ సిందూర్' పేరుతో పాకిస్థాన్, పీఓకేలపై భారత సైన్యం మెరుపుదాడులు చేసింది. ఈ దాడుల్లో వందకు పైగా టెర్రరిస్టులను మట్టుబెట్టింది. ఆ తర్వాత పాకిస్థాన్ ఎదురుదాడికి దిగినా, ఇండియా దెబ్బకు బిత్తరపోయింది. ఇండియా దాడులను అడ్డుకోలేక చేతులెత్తేసింది. పాకిస్థాన్కు చైనా అండగా నిలిచినా, ఇండియాను ఎదుర్కోవడం వాళ్ల తరం కాలేదు.
'ఆపరేషన్ సిందూర్'లో ఇండియా దాడులను ఆపడానికి పాకిస్థాన్ చైనా ఎయిర్ డిఫెన్స్ సాయం కూడా తీసుకుంది. అయినా పాకిస్థాన్కు గట్టి దెబ్బ తగిలింది. చైనా ఎయిర్ డిఫెన్స్ సిస్టమ్స్ను, రాడార్లను ఇండియా కేవలం 23 నిమిషాల్లోనే ధ్వంసం చేసింది. ముందు వాటిని జామ్ చేసింది. ఆ తర్వాత పూర్తిగా పని చేయకుండా చేసేసింది. కరెక్ట్ టార్గెట్లతో ఆపరేషన్ను సక్సెస్ ఫుల్గా పూర్తి చేశామని ఇండియన్ ఆర్మీ అధికారులు చెప్పారు.
ఈ ఆపరేషన్లో చైనాకు చెందిన పీఎల్-15 మిసైల్స్, టర్కీకి చెందిన యూఏవీలు, లాంగ్ రేంజ్ రాకెట్స్, క్వాడ్ కాప్టర్లు, డ్రోన్స్ లాంటి వాటిని ఇండియన్ ఎయిర్ ఫోర్స్ నాశనం చేసింది. పాకిస్థాన్ లేటెస్ట్ ఆయుధాలు వాడినా, ఇండియా తయారు చేసిన ఎయిర్ డిఫెన్స్, ఎలక్ట్రానిక్ వార్ఫేర్ సిస్టమ్స్ను ఏమీ చేయలేకపోయాయని అధికారులు తెలిపారు.
ఇండియన్ ఎయిర్ ఫోర్స్ నూర్ ఖాన్, రహీమ్ యార్ ఖాన్ లాంటి పాకిస్థాన్ ఎయిర్ బేస్లను టార్గెట్ చేసింది. దానితో పాటు సూసైడ్ డ్రోన్స్ వాడి శత్రువు రాడార్లను, మిసైల్ సిస్టమ్స్ను, హై వాల్యూ టార్గెట్స్ను ధ్వంసం చేసింది. లాటరింగ్ మందుగుండు సామగ్రి అంటే, టార్గెట్ ఏరియా చుట్టూ తిరుగుతూ, కరెక్ట్ టార్గెట్ కోసం వెతికి, దాడి చేసే ఆయుధాలు. వాటినే ఇండియా వాడింది. ఇండియా లేటెస్ట్ టెక్నాలజీతో ఆపరేషన్ సిందూర్ను సక్సెస్ ఫుల్గా పూర్తి చేశామని చెప్పారు.
సిందూర్ ఆపరేషన్లో ఇస్రో కూడా కీలక పాత్ర పోషించిందని ఇండియన్ ఆర్మీ చెప్పింది. ఆపరేషన్ సిందూర్ టైమ్లో మే 11 నుంచి దేశ పౌరుల భద్రత, వ్యూహాత్మక ప్రయోజనం కోసం కనీసం 10 శాటిలైట్స్ 24 గంటలూ పనిచేస్తున్నాయని అధికారులు తెలిపారు. ఆపరేషన్ సిందూర్ కేవలం వ్యూహాత్మక విజయం మాత్రమే కాదు. ఇది ఇండియా డిఫెన్స్ స్వదేశీకరణ విధానాలను ప్రపంచానికి చాటి చెప్పింది. ఎయిర్ డిఫెన్స్ సిస్టమ్స్ నుంచి డ్రోన్స్ వరకు ఇండియా స్వదేశీ టెక్నాలజీని అత్యంత ముఖ్యమైన సమయంలో అందించింది. ఇండియా 21వ శతాబ్దంలో హైటెక్ మిలిటరీ పవర్గా తన పాత్రను సక్సెస్ ఫుల్గా నిరూపించుకుందని తెలిపారు.