• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ముద్రగడ కోరిక జగన్...

ముద్రగడ కోరిక జగన్ తీరుస్తారా ?

| మాజీ మంత్రి ముద్రగడ పద్మనాభం సీనియర్ మోస్ట్ లీడర్, ముక్కు సూటి మనిషి. ఆయన కాపుల ఉద్యమంతో తన రాజకీయ జీవితంలో పుణ్య కాలం గడిపేశారు.

By - Satya P
Update: 2026-03-23 07:30 GMT

మాజీ మంత్రి ముద్రగడ పద్మనాభం సీనియర్ మోస్ట్ లీడర్, ముక్కు సూటి మనిషి. ఆయన కాపుల ఉద్యమంతో తన రాజకీయ జీవితంలో పుణ్య కాలం గడిపేశారు. లేకపోతే ఆయన కీలక పదవులు అందుకునే వారు అని అంటారు. అయితే ఆయన ఎక్కువగా టీడీపీని చంద్రబాబుని విమర్శిస్తూంటారు అని పేరుంది. అదే వైసీపీకి నచ్చింది. దాంతో వైసీపీ ఆయనను దగ్గరకు తీసుకుంది. ఒక దశలో జనసేనలోకి వెళ్లాలని చూసిన ముద్రగడ చివరికి వైసీపీలోనే కుదురుకున్నారు. అయితే 2024 ఎన్నికలలో ముద్రగడ మీద వైసీపీ చాలా హోప్స్ ని పెట్టుకుంది. దానికి తగినట్లుగానే పెద్దాయన భారీ స్టేట్మెంట్స్ ఇచ్చారు నేరుగా పవన్ తోనే ఢీ కొట్టారు. పిఠాపురంలో పవన్ ని ఓడించకపోతే పేరు మార్చుకుంటాను అని ఎవరూ అడగకుండానే పెను సవాల్ చేశారు. చివరికి పవన్ భారీ ఆధిక్యంతో గెలవడంతో ముద్రగడ తన పేరుని పద్మనాభ రెడ్డిగా మార్చుకోవాల్సి వచ్చింది.

పెద్దరికం కోసం :

ఇక చూస్తే వైసీపీలో ముద్రగడకు కొంత సముచిత స్థానం అయితే అధినేత జగన్ ఇచ్చారు. ఆయనను వైసీపీ పొలిటికల్ అడ్వైజరీ కమిటీ మెంబర్ గా నియమించారు. అలాగే ఆయన కుమారుడికి పత్తిపాడు ఇంచార్జి పదవి ఇచ్చారు. ఈ విధంగా వైసీపీ అధినాయకత్వం ముద్రగడ పెద్దరికం కాపాడేలా చూస్తోంది అని అంటున్నారు. అయితే ముద్రగడ అయితే ఇంతకు మించి పార్టీలో తనకు ప్రాధాన్యత ఉండేలా కోరుకుంటున్నారు అని ప్రచారం సాగుతోంది.

గోదావరి జిల్లాలలో :

ఉమ్మడి ఉభయ గోదావరి జిల్లాలలో తనకు విశేష అధికారాలను ఇచ్చే కీలక బాధ్యతలు అప్పగించాలని ముద్రగడ కోరుతున్నారని ఒక ప్రచారం అయితే సాగుతోంది. ఈ రెండు జిల్లాలలో తన హవా ఉంటుంది కాబట్టి తాను చెప్పినట్లుగా పార్టీ అక్కడ ముందుకు సాగితే మంచి ఫలితాలు వస్తాయని ఆయన అధినాయకత్వం వద్ద ప్రస్తావించినట్లుగా చెబుతున్నారు అయితే 2024 ఎన్నికల్లో ముద్రగడ చరిష్మా పెద్దా సాగలేదన్నది అధినాయకత్వం గుర్తించింది అని అంటున్నారు. అయినా సరే పెద్దాయనగా ముక్కు సూటి మనిషిగా ఆయనకు గౌరవం ఇస్తూ ఆయన వారసుడికి పదవి ఇవ్వడం వచ్చే ఎన్నికల్లో టికెట్ హామీ వంటివి ఉన్నాయని అంటున్నారు. కానీ గోదావరి జిల్లాల మొత్తం బాధ్యతలను ఆయన చేతిలో పెట్టేందుకు వైసీపీ పెద్దలు అయితే అంతగా సుముఖంగా లేరని అంటున్నారు.

ఓల్డ్ ట్రెండ్ తోనే :

ఇక ముద్రగడ ఉన్నది ఉన్నట్లుగా మాట్లాడేస్తారు. అంతే కాదు ఆయన పాత రాజకీయ పోకడలు కూడా ప్రస్తుతం వైసీపీలో నేతలకు సైతం గిట్టడం లేదని అంటున్నారు. అంతే కాకుండా ఆయన కాపులకు ఒకనాడు మద్దతుగా ఉద్యమం నడిపి చివరికి కాడె వదిలేశారు అన్న విమర్శలను ఎదుర్కొన్నారు. ఇక గోదావరి జిల్లాలలో జనసేన ప్రభావం అధికంగా ఉంది. ముద్రగడ కాస్తా పద్మనాభరెడ్డిగా పేరు మార్చుకోవడం పట్ల జనసేన వర్గాలతో పాటు కాపులు గుర్రుగా ఉన్నారని అంటున్నారు. ఇక వైసీపీ నేతలతో ఆయనకు కొన్ని చోట్ల విభేదాలు ఉన్నాయని అంటున్నారు. దాంతో ఆయనకు ఈ బాధ్యతలు అప్పగించడానికి వైసీపీ అధినాయకత్వం అంత సుముఖంగా ఉండకపోవచ్చు అంటున్నారు. ఒక వేళ తాను కోరక కోరక కోరితే దానిని నో అంటే కనుక అసలే ఆత్మాభిమానం నిండుగా మెండుగా ఉండే ముద్రగడ ఎలా రియాక్ట్ అవుతారు, ఏ నిర్ణయం తీసుకుంటారు అన్నదే పెద్ద చర్చగా ఉంది అంటున్నారు. చూడాలి మరి ఈ ప్రచారంలో నిజమెంత ఉందో. ఏమి జరుగుతుందో.

Tags:    
  • mudragaddapadmanabham 
  • ycp 
  • andhrapolitics 
  • jagan 
  • godavaridistricts 
  • kapuleader 
  • mudragadda 

Similar News

మూడు ముళ్ల బంధం.. రూ. 7.50 లక్షల కోట్ల వ్యాపార సామ్రాజ్యం!

2026-11-19 19:30 GMT

వీఐపీలు వస్తేనే ముంబైకి అందం.. సామాన్యులు ఉంటే ఎందుకీ దుర్గంధం?

2026-11-19 18:30 GMT

సహచరుల వద్ద తలెత్తుకోలేకపోతున్నా.. ఇప్పుడే వైసీపీలోకి వెళ్లిపోండి! – టీడీపీ ఎమ్మెల్యే థామస్ సంచలన వ్యాఖ్యలు

2026-11-19 17:30 GMT

AI హడావుడి.. సినిమాకు ఒరిగిందేంటి!

2026-11-19 17:30 GMT

పార్టీలు, ఫంక్షన్లు జరగాలంటే ఆ రూల్స్ పాటించాలా?

2026-11-19 16:30 GMT

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

Copyright @2026

Powered by Blink CMS