• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కేసీఆర్ మంచోడు కావచ్చు.....

కేసీఆర్ మంచోడు కావచ్చు.. నేను రౌడీ టైపే.. కవిత మాస్ వార్నింగ్

| తాజాగా బాన్సువాడలో జరిగిన ఓ కార్యక్రమంలో కవిత చేసిన వ్యాఖ్యలు సంచలనం సృష్టించాయి.

By - Tupaki Desk
Update: 2025-04-16 10:25 GMT

బీఆర్ఎస్ ఎమ్మెల్సీ కల్వకుంట్ల కవిత తెలంగాణ రాజకీయాల్లో ఒక్కసారిగా వేడి పుట్టించారు. సంచలన వ్యాఖ్యలతో కాకరేపారు. లిక్కర్ స్కామ్‌లో జైలుకు వెళ్లివచ్చినప్పటి నుంచి ఆమె దూకుడుగా వ్యవహరిస్తున్నారు. ముఖ్యంగా కాంగ్రెస్ ప్రభుత్వంపై ఆమె తీవ్ర స్థాయిలో విమర్శలు చేస్తున్నారు. కేటీఆర్, హరీష్ రావు సైతం ఇంతగా యాక్టివ్ లేరనే అభిప్రాయం వినిపిస్తోంది. నిత్యం ప్రజల్లో ఉంటూ ఆందోళనలు, డిమాండ్లు, దీక్షలతో రేవంత్ రెడ్డి ప్రభుత్వాన్ని నిలదీస్తున్నారు.

తాజాగా బాన్సువాడలో జరిగిన ఓ కార్యక్రమంలో కవిత చేసిన వ్యాఖ్యలు సంచలనం సృష్టించాయి. "మా బాపూ మంచోడు…నేను రౌడీని" అంటూ ఆమె చేసిన ప్రకటన రాజకీయ వర్గాల్లో చర్చనీయాంశంగా మారింది. బీఆర్ఎస్ కార్యకర్తలను వేధించిన, బెదిరించిన, అక్రమ కేసులు పెట్టిన కాంగ్రెస్ నాయకులను, అధికారులను వదిలిపెట్టబోమని ఆమె హెచ్చరించారు. వారి పేర్లను "పింక్ బుక్"లో రాసుకుంటున్నామని, తాము అధికారంలోకి వచ్చాక వారిని పోలీసు స్టేషన్లకు ఈడుస్తామని కవిత తేల్చి చెప్పారు. అలాంటి వారిని క్షమించే ప్రసక్తే లేదని ఆమె స్పష్టం చేశారు.

కాంగ్రెస్ నాయకుల బెదిరింపులకు భయపడేది లేదని, వారి తాతలు, ముత్తాతలు దిగొచ్చినా ఇక్కడ ఎవరూ భయపడరని కవిత అన్నారు. అందరి పేర్లను పింక్ బుక్‌లో రాసుకుంటున్నామని ఆమె మరోసారి హెచ్చరించారు. "ఇంకా ఎన్ని రోజులు ఈ దరిద్రం. ఈ ప్రభుత్వాన్ని తొందరగా దించండి" అని ఓ కార్యకర్త అడిగినట్లు ఆమె తెలిపారు.

ఇదిలా ఉండగా, కొంతకాలం క్రితం కేటీఆర్ కూడా ఇదే తరహాలో కాంగ్రెస్ నాయకులకు హెచ్చరికలు జారీ చేశారు. "మా నాన్న మంచోడు. నేను ఆయనంత మంచోడిని కాను" అంటూ ఆయన వ్యాఖ్యానించారు. అయితే, అప్పట్లో ఆయన పింక్ బుక్ గురించి ప్రస్తావించలేదు. ఇప్పుడు కవిత తాను రౌడీనని ప్రకటించడం గమనార్హం. గతంలోనే ఆమె తాను పింక్ బుక్ తెరిచానని, అందులో బీఆర్ఎస్ నాయకులను, కార్యకర్తలను వేధిస్తున్న వారి పేర్లు నమోదు చేస్తున్నానని చెప్పారు.

ఆంధ్రప్రదేశ్‌లో టీడీపీ నేత నారా లోకేష్ "రెడ్ బుక్"తో మొదలుపెట్టిన ఈ ప్రతిపక్ష పుస్తకాల ట్రెండ్ ఇప్పుడు తెలంగాణకు కూడా పాకింది. కవిత "పింక్ బుక్" పేరుతో హెచ్చరిస్తుంటే, బీజేపీ ఎంపీ ఈటల రాజేందర్ "కాషాయ బుక్"ను తెరపైకి తెచ్చారు. తమను ఇబ్బంది పెడుతున్న వారికి తగిన పరిణామాలు ఉంటాయని ఆయన కూడా హెచ్చరించారు.

మొత్తానికి తెలంగాణ రాజకీయాలు ఈ "బుక్"ల చుట్టూ తిరుగుతున్నాయి. మూడు ప్రధాన పార్టీల నేతలు అధికారంలో ఉన్నవారిని హెచ్చరిస్తున్నారు. అయితే, భవిష్యత్తులో ఎవరు అధికారంలోకి వస్తారో, ఈ హెచ్చరికలు ఎంతవరకు నిజమవుతాయో వేచి చూడాలి. ప్రస్తుతానికైతే కవిత తన దూకుడుతో కాంగ్రెస్ పార్టీకి పెద్ద సవాల్ విసురుతున్నారనే చెప్పాలి.

#WATCH | Kamareddy, Telangana: While addressing BRS leaders and workers, party MLC K Kavitha said, “Be brave. Those who are threatening you, their names will be written in 'Pink Book' and we won't leave them. KCR Sir is a good person, but I am rowdy. We will not leave at any… pic.twitter.com/giNZIS2YxH

— ANI (@ANI) April 15, 2025
Tags:    
  • Kavitha 
  • BRS 
  • PinkBook 
  • KCR 
  • TelanganaPolitics 
  • Congress 
  • BRSLeaders 
  • KTR 
  • RevanthReddy 
  • TelanganaNews 
  • PoliticalHeat 
  • BRSVsCongress 

Similar News

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

Copyright @2026

Powered by Blink CMS