నన్నెవడ్రా ఆపేది అంటున్న ఇజ్రాయెల్ ప్రధాని.. వీడియో వైరల్!

ప్రస్తుతం పశ్చిమాసియాలో అత్యంత బిజీగా ఉన్న దేశం ఇజ్రాయెల్ అని చెప్పొచ్చు. చుట్టూ ఉన్న శత్రువులతో అవిరామంగా యుద్ధం చేస్తుంది ఆ దేశం. తనను తాను రక్షించుకుంటూ.. శత్రువులను ఒక్కొక్కరిగా ఏరి పారేస్తోంది. ఈ సమయంలో... ఇజ్రాయెల్ ప్రధాని బెంజమిన్ నెతన్యాహు నివాసాన్ని లక్ష్యంగా చేసుకుని డ్రోన్ దాడి జరిగింది.

దీంతో... ఒక్కసారిగా ఈ విషయం హాట్ టాపిక్ గా మారింది. ఆ దాడిలో నెతన్యాహు నివాసం కొంత భాగం ధ్వంసమైనట్లు చెబుతున్నారు. ఆ సమయంలో ప్రధాని, ఆయన భార్య నివాసంలో లేరు. ఈ క్రమంలో తాజాగా.. తన నివాసంపై జరిగిన దాడిని నేరుగా ప్రస్థావించకుండా నెతన్యాహు ఆసక్తికర వ్యాఖ్యలు చేస్తూ.. సంచలన స్టేట్ మెంట్లు ఇచ్చారు.

అవును... హమాస్ తో కొనసాగుతున్న వివాదంపై తన సంకల్పాన్ని నొక్కి చెప్పారు ఇజ్రాయెల్ ప్రధాని బెంజమిన్ నెతన్యాహు. ఈ సందర్భంగా "తనను ఏదీ అడ్డుకోదని" ప్రకటించారు. ఈ యుద్ధంలో ఇజ్రాయెల్ విజయం సాధించబోతోందని పునరుద్ఘాటించారు. యూదుల విశ్రాంతి దినమైన షబ్బత్ రోజు ఓ అరుదైన వీడియో ప్రకటన చేశారు.

ఇంగ్లిష్, హిబ్రూ భాషల్లో పోస్ట్ చేసిన ఈ వీడియోలో నెతన్యాహు స్పందిస్తూ... రెండు రోజుల క్రితం సాముహిక హంతకుడు యాహ్యా సిన్వర్ ను తాము నిర్మూలించామని.. ఈ అస్తిత్వ యుద్ధాన్ని చివరి వరకూ కొనసాగిస్తామని అనారు. ఈ సందర్భంగా ఇజ్రాయెల్ రక్షణ దళాలపై ప్రశంసల జల్లులు కురిపించారు ప్రధాని బెంజమిన్.

ఇందులో భాగంగా... సైనికుల గురించి, కమండర్ల గురించి తాన్ను గర్విస్తున్నట్లు తెలిపారు. ఈ నేపథ్యంలోనే... సిన్వర్ గ్యాంగ్.. ఇజ్రాయెల్ మగవాళ్ల తలలు నరికి, ఆడవాళ్లపై అత్యాచారం చేసి, పిల్లలను సజీవ దహనం చేశారని.. ఉగ్రవాద ఫ్రాక్సీలతో ఈ యుద్ధాన్ని కొనసాగిస్తామని.. విజయం సాధిస్తామని ధృడమైన ప్రకటనతో ముగించారు.

కాగా అంతక ముందు.. లెబనాన్ నుంచి ప్రయోగించిన ఓ డ్రోన్, దక్షిణ జైఫాలోని సిజేరియాలో గల ఇజ్రాయెల్ ప్రధాన మంత్రి బెంజమిన్ నెతన్యాహు ప్రైవేట్ నివాసం సమీపంలో పేలింది. అయితే... దాడి జరిగిన సమయంలో నెతన్యాహు, ఆయన భార్య అక్కడ లేరని ప్రధాని అధికార ప్రతినిధి తెలిపారు.

ఈ సందర్భంగా ఎక్స్ వేదికగా స్పందించిన నెతన్యాహు... తనను, తన భార్యను హత్య చేయడానికి ప్రయత్నించిన ఇరాన్ ఏజెంట్లు చాలా పెద్ద తప్పు చేశారని అన్నారు!