• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  అమ్మో ఆఫ్రికన్ నత్తలు.....

అమ్మో ఆఫ్రికన్ నత్తలు.. పల్లెల నుంచి హైదరాబాద్ వరకు ఒకటే దడ!

| కీటక జాతికి చెందిన ఈ నత్తలు ఎప్పుడో 300 ఏళ్ల క్రితం ఆఫ్రికా నుంచి మన దేశానికి వచ్చాయి.

By - Tupaki Political Desk
Update: 2025-11-09 12:30 GMT

"నత్తలు వస్తున్నాయి జాగ్రత్త" అనేది మల్లాది వెంకట కృష్ణమూర్తి రాసిన ఒక సైన్స్ ఫిక్షన్ నవల. వేరే ప్రదేశం నుంచి తీసుకువచ్చిన ఒక జీవి వల్ల కలిగే ప్రమాదాలు, విపత్తుల గురించి ఈ నవలలో వివరిస్తారు. భవిష్యత్తును ఊహించి మల్లాది రాసినట్లు ఇప్పుడు రెండు తెలుగు రాష్ట్రాల్లో నత్తలు హడలెత్తిస్తున్నాయి. ఏపీలోని మారుమూల శ్రీకాకుళం జిల్లా నుంచి అటు చిత్తూరు వరకు.. ఇటు తెలంగాణలోని హైదరాబాద్ మహనగరంలో కూడా ఎక్కడ విన్నా ఇప్పుడు నత్తల దండు కోసమే చర్చ జరుగుతోంది. వేలాదిగా నత్తల దండు దాడులతో పంట పొలాలు గుల్ల అవుతున్నాయి.

కొంతకాలంగా రెండు తెలుగు రాష్ట్రాల్లో నత్తల బెడదపై పత్రికల్లో కథనాలు వస్తున్నాయి. కీటక జాతికి చెందిన ఈ నత్తలు ఎప్పుడో 300 ఏళ్ల క్రితం ఆఫ్రికా నుంచి మన దేశానికి వచ్చాయి. ఇక ఇటీవల కాలంలో కేరళ నుంచి తీసుకువచ్చిన వక్క తోటల ద్వారా తెలుగు రాష్ట్రాల్లో చేరినట్లు శాస్త్రవేత్తలు చెబుతున్నారు. ఒక్కోనత్త ఏడాదిలో వెయ్యి నుంచి రెండువేల గుడ్లు పెడతాయని చెబుతున్నారు. పగటిపూట ఎక్కడా కనిపించని నత్తలు రాత్రిపూట పంట పొలాలపై దాడి చేస్తున్నాయి. తెల్లారి చూసేసరికి పంట అంతా సర్వనాశనం అయిపోతోంది.

పొలాల్లో తుప్పలు, ఆకుల కింద గాలి, వెలుతురు తగలని చోట ఉంటున్న నత్తలను పట్టుకునే రైతులు, రైతు కూలీలకు చర్మవ్యాధులు వస్తున్నాయి. ఒకవైపు పంటల దెబ్బతింటూ మరోవైపు మనుషుల ఆరోగ్యాన్ని గుల్ల చేస్తున్న నత్తలను సామూహికంగా నివారించాల్సిన అత్యావసరం ఉందని రైతులు కోరుతున్నారు. రెండు రాష్ట్రాల్లో ఎక్కడో ఒక చోట నత్తల దాడితో పంటలు దెబ్బతింటున్నాయని, ఈ సమస్య మరింత తీవ్రం అవ్వకముందే ప్రభుత్వాలు మేలుకోవాల్సిన అవసరం ఉందని అంటున్నారు.

కొన్నాళ్ల క్రిత పల్లె ప్రాంతాలకే పరిమితమైన నత్తలు తాజాగా హైదరాబాదులోని ఓల్డ్ బోయినపల్లిలో కూడా కనిపించాయి. ఇవి అక్కడ చెట్లకు చెట్లనే తినేస్తున్నట్లు స్థానికులు చెబుతున్నారు. ఆఫ్రికా నత్తల సంతానోత్పత్తి రేటు అధికంగా ఉండటం వల్ల సమస్య తీవ్రత మరింత ఎక్కువయ్యే ప్రమాదం ఉందని భయపడుతున్నారు. ఇది ద్విలింగ జాతికి చెందినది కావడంతో రెండేళ్ల వయస్సు లోనే సంతానోత్పత్తి ప్రారంభిస్తుందని అంటున్నారు. ఇక జూలై నుంచి ఫిబ్రవరి వరకు సంతానోత్పతికి అనువైన సమయమని శాస్త్రవేత్తలు చెబుతున్నారు. దీంతో ప్రస్తుతం వీటి సంతానోత్పత్తికి అనుకూల సమయం కావడంతో బెడద మరింత ఎక్కువగా ఉంటుందని హెచ్చరిస్తున్నారు. ఈ పరిస్థితుల్లో రెండు రాష్ట్ర ప్రభుత్వాలు ఉమ్మడి కార్యాచరణ ప్రకటించాల్సిన అవసరం ఉందనే అభిప్రాయం వ్యక్తమవుతోంది.

Tags:    
  • rodents 
  • natta 
  • cropdamage 
  • farmingcrisis 
  • andhrapradesh 
  • telangana 
  • pests 

Similar News

మూడు ముళ్ల బంధం.. రూ. 7.50 లక్షల కోట్ల వ్యాపార సామ్రాజ్యం!

2026-11-19 19:30 GMT

వీఐపీలు వస్తేనే ముంబైకి అందం.. సామాన్యులు ఉంటే ఎందుకీ దుర్గంధం?

2026-11-19 18:30 GMT

సహచరుల వద్ద తలెత్తుకోలేకపోతున్నా.. ఇప్పుడే వైసీపీలోకి వెళ్లిపోండి! – టీడీపీ ఎమ్మెల్యే థామస్ సంచలన వ్యాఖ్యలు

2026-11-19 17:30 GMT

AI హడావుడి.. సినిమాకు ఒరిగిందేంటి!

2026-11-19 17:30 GMT

పార్టీలు, ఫంక్షన్లు జరగాలంటే ఆ రూల్స్ పాటించాలా?

2026-11-19 16:30 GMT

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

Copyright @2026

Powered by Blink CMS