• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  కమిషనర్ రంగనాథ్ సంతకం...

కమిషనర్ రంగనాథ్ సంతకం ఫోర్జరీ.. హైడ్రా పేరుతో నకిలీ ఫైర్ ఎన్ఓసీలు..

| విద్యాసంస్థల అనుమతులకు అత్యంత కీలకమైన ఫైర్ ఎన్‌వోసీల జారీలో ఏకంగా హైడ్రా కమిషనర్ ఎ.వి. రంగనాథ్ సంతకాన్నే ఫోర్జరీ చేసిన ఘరానా మోసం హైదరాబాద్‌లో వెలుగు చూసింది.

By - A.N.Kumar
Update: 2026-08-05 09:31 GMT

ఈ మధ్య కాలంలో తెలంగాణలో అత్యంత చర్చనీయాంశంగా మారిన వ్యవస్థ హైడ్రా. ఆక్రమణల తొలగింపు, చెరువుల పరిరక్షణతో నిత్యం వార్తల్లో నిలిచే ఈ సంస్థ పేరును వాడుకుంటూ కొందరు కేటుగాళ్లు దగాకోరు విద్యకు తెరలేపడం తీవ్ర కలకలం రేపుతోంది. విద్యాసంస్థల అనుమతులకు అత్యంత కీలకమైన ఫైర్ ఎన్‌వోసీల జారీలో ఏకంగా హైడ్రా కమిషనర్ ఎ.వి. రంగనాథ్ సంతకాన్నే ఫోర్జరీ చేసిన ఘరానా మోసం హైదరాబాద్‌లో వెలుగు చూసింది.

హైదరాబాద్ వ్యాప్తంగా ఉన్న పలు ప్రైవేట్ జూనియర్ కళాశాలలు ఇంటర్మీడియట్ బోర్డు నుంచి ఏటా అనుబంధ గుర్తింపు పొందే ప్రక్రియలో భాగంగా అగ్నిమాపక శాఖ ఇచ్చే ఫైర్ ఎన్‌వోసీని తప్పనిసరిగా సమర్పించాల్సి ఉంటుంది. అయితే భద్రతా ప్రమాణాలు సరిగా లేని కొన్ని ప్రైవేట్ కళాశాలలు సులభంగా గుర్తింపు పొందేందుకు అడ్డదారి తొక్కి హైడ్రా పేరుతో నకిలీ ఫైర్ ఎన్‌వోసీలను సృష్టించాయి. ఏకంగా కమిషనర్ రంగనాథ్ సంతకాన్ని, అధికారిక సీలును ఫోర్జరీ చేసి ఒరిజినల్ పత్రాల్లా భ్రమించేలా నకిలీ సర్టిఫికెట్లను తయారు చేయడం గమనార్హం.

ఈ నకిలీ పత్రాలను కళాశాల యాజమాన్యాలు నిస్సిగ్గుగా ఇంటర్మీడియట్ బోర్డుకు సమర్పించాయి. ఇంటర్ బోర్డు అధికారులు పత్రాల స్క్రూటినీ జరుపుతుండగా సాంకేతిక తేడాలు గమనించి, హైడ్రా అధికారుల దృష్టికి తీసుకెళ్లడంతో ఈ పెద్ద కుంభకోణం బయటపడింది. ఆ పత్రాలు పూర్తిగా ఫోర్జరీ చేసినవేనని విచారణలో నిర్ధారణ కావడంతో అధికారులు తక్షణ చర్యలకు పూనుకున్నారు.

నకిలీ పత్రాలు సృష్టించి ప్రభుత్వ వ్యవస్థలను మోసగించినందుకు మొత్తం ఎనిమిది ప్రైవేట్ కాలేజీల యాజమాన్యాలపై లేక్ పోలీస్ స్టేషన్‌లో కేసు నమోదు చేశారు. అంతేకాకుండా నిబంధనలు ఉల్లంఘించి ఈ అక్రమాలకు పాల్పడిన ఎనిమిది కళాశాలల అనుమతులను తక్షణమే రద్దు చేయాలని విద్యాశాఖకు హైడ్రా అధికారులు అధికారిక లేఖ రాశారు. ప్రస్తుతం పోలీసులు ఫోర్జరీ, మోసం, ప్రభుత్వ ముద్రల దుర్వినియోగం వంటి తీవ్రమైన సెక్షన్ల కింద విచారణ జరుపుతున్నారు.

ఈ నకిలీ పత్రాల దందా కేవలం ఈ ఎనిమిది కాలేజీలకే పరిమితం కాలేదని విచారణ అధికారులు భావిస్తున్నారు. ఈ నెట్‌వర్క్ వెనుక పెద్ద ముఠా లేదా మధ్యవర్తులు ఉన్నారనే కోణంలో దర్యాప్తు వేగవంతం చేశారు. అందులో భాగంగానే మరో 60 ప్రైవేట్ కళాశాలలు సమర్పించిన ఫైర్ ఎన్‌వోసీలను కూడా అధికారులు లోతుగా స్క్రూటినీ చేస్తున్నారు. కనీస ఫైర్ సేఫ్టీ ప్రమాణాలు లేకుండా వేలాది మంది విద్యార్థుల ప్రాణాలతో ఆడుకుంటూ కాలేజీ యాజమాన్యాలు చేసిన ఈ పనిపై తల్లిదండ్రులు తీవ్ర ఆగ్రహం వ్యక్తం చేస్తున్నారు. ఈ కేసులో త్వరలోనే మరిన్ని సంచలన విషయాలు వెలుగులోకి వచ్చే అవకాశం ఉంది.

Tags:    
  • hydra 
  • hyderabad 
  • firenoc 
  • education 
  • telangana 
  • privatecolleges 
  • forgery 
  • crime 
  • breakingnews 

Similar News

చంద్రబాబు దెబ్బకు తమిళనాడులో అలజడి!? ఏపీకి డేటా లీక్, 15 మందిపై వేటు! నిజమేనా?

2026-11-19 15:30 GMT

ఆ ఒక్క తప్పు చేస్తే మళ్లీ కష్టాలే : ప్రధాని మోదీ హెచ్చరిక.. తినడం, తిరగడం, తాగడంపై ఆసక్తికర వ్యాఖ్యలు

2026-11-19 14:30 GMT

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

Copyright @2026

Powered by Blink CMS