• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  అధ్యక్షా...బీజేపీ తప్పు...

అధ్యక్షా...బీజేపీ తప్పు చేసిందా ?

| రెండు తెలుగు రాష్ట్రాలలో ఇద్దరు బీజేపీ అధ్యక్షులను పార్టీ హైకమాండ్ ఎంపిక చేసింది. లాంచనానికి అయితే నామినేషన్ల స్వీకరణ ఘట్టం, ఎన్నికల ప్రక్రియ అని పెట్టారు

By - Tupaki Desk
Update: 2025-06-30 19:00 GMT

రెండు తెలుగు రాష్ట్రాలలో ఇద్దరు బీజేపీ అధ్యక్షులను పార్టీ హైకమాండ్ ఎంపిక చేసింది. లాంచనానికి అయితే నామినేషన్ల స్వీకరణ ఘట్టం, ఎన్నికల ప్రక్రియ అని పెట్టారు. కానీ బీజేపీ పెద్దలు అనుకుని వారి చేతనే ఇలా నామినేషన్లు దాఖలు చేయించారు.

అలా ఏపీకి పీవీఎన్ మాధవ్, తెలంగాణాకు రామచంద్రరావు నూతన సారధులు అయ్యారు. ఇద్దరిలో చాలా పోలికలు ఉన్నాయి. ఇద్దరూ ఆర్ఎస్ఎస్ బ్యాక్ గ్రౌండ్ ఉన్నవారే. ఇద్దరూ పార్టీకి వీర విధేయులే. ఇద్దరూ పార్టీ హైకమాండ్ కి నచ్చినవారే. హైకమాండ్ మాటను జవ దాటరు. పైగా పార్టీకి అంకితం అయి పనిచేస్తారు. వివాదాలకు దూరంగా ఉండడం కూడా ఈ ఇద్దరికీ మరో పోలికగా ఉంది.

అదే సమయంలో ఇద్దరికీ క్షేత్ర స్థాయిలో సొంతంగా బలం కానీ బలగం కానీ లేదు. అంతే కాదు దూకుడుగా రాజకీయాలు చేయలేరు అని అంటారు. ఇక బీసీ సామాజిక వర్గానికి చెందిన పీవీఎన్ మాధవ్ కి ఏపీ బీజేపీ పగ్గాలు ఇచ్చిన హైకమాండ్ బ్రాహ్మణ సామాజిక వర్గానికి తెలంగాణాలో పగ్గాలు ఇచ్చింది. అలా సామాజికపరంగా సమతూకం పాటించామని బీజేపీ భావిస్తోంది.

కానీ ఈ ఎంపిక వల్ల తప్పులు జరిగాయా అన్న చర్చ కూడా ఉంది. తప్పు కాదు కానీ ఉత్సాహంగా ఉన్న తెలంగాణ కార్యకర్తలలో కొంత నిరాశను కలిగించేలా నియామకం జరిగిందా అన్నదే చర్చగా ఉందిట. బీజేపీ గ్రాఫ్ గత కొద్ది సంవత్సరాలుగా తెలంగాణాలో బలపడుతోంది. ముఖ్యంగా బీసీ నేత అయిన బండి సంజయ్ పార్టీకి ప్రాణం పోశారు.

ఆయన దూకుడే పార్టీకి ఎంత మేలు చేసింది. అలాగే చూస్తే కనుక ఈటెల రాజెందర్ ఈ పదవికి ఆశించారు. ఆయన బీఆర్ఎస్ లో పునాది నుంచి ఉన్నారు. ఆయనకు సంస్థాగతంగా నిర్మాణం ఏమిటో తెలుసు అని అంటారు. ఆయనకు బీఆర్ఎస్ లో చాలా మంది పరిచయం ఉన్నారు. అలాగే రాజకీయంగా చూస్తే కనుక ఆయన వ్యూహ రచనలో దిట్ట అంటారు. బీజేపీ ఎదుగుదలకు అది ఎంతో ఉపయోగపడుతుంది అని చెబుతారు.

అలాగే నిజామాబాద్ ఎంపీ ధర్మపురి అరవింద్ విషయం తీసుకుంటే కూడా ఆయన కూడా బీసీ నేత. ఆయన సైతం జోరు చేస్తారు. పార్టీ కోసం ఎందాకైనా అనంట్లుగా ఉంటారు. మీడియా అటెంక్షన్ బాగా చేయగలరు.

ఇలా పార్టీ బలమైన బీసీ నేతలను ఉంచుకుని బ్రాహ్మణ సామాజిక వర్గానికి చెందిన రామచంద్రరావుకు అవకాశం ఇవ్వడం వెనక వ్యూహం ఏమిటో ఎవరికీ అర్ధం కావడం లేదు అని అంటున్నారు. ఇక రామచంద్రరావు ఏపీకి చెందిన సీఎం తెలుగుదేశం నేత చంద్రబాబుకు కొంత సాన్నిహిత్యం ఉన్న వారు అన్న ప్రచారం ఉంది.

అయినా సరే తెలంగాణా రాజకీయాల్లో అది ఏ విధంగా ఉపయోగపడేది కాదనే అంటారు. తెలంగాణాలో బీజేపీ ఉంది. తెలుగుదేశం అయితే పెద్దగా లేదని చెబుతారు. మరి అలాంటపుడు ఎవరు ఉన్నా ఒక్కటే అన్నది ఉంది. ఏపీలో చూస్తే బీసీ నేత పీవీఎన్ మాధవ్ అయితే టీడీపీ విధానాల మీద గతంల పోరాటం చేసిన వారు. అయితే 2014 నుంచి 2019 దాకా ఉన్న రాజకీయం వేరు అని చెబుతారు.

ఇపుడు అది కుదరదని అంటారు. ఇపుడు టీడీపీ బలం మీద కేంద్రంలోని ప్రభుత్వం ఆధారపడి ఉంది. దాంతో పరిమితంగానే బీజేపీ పాత్ర ఏపీలో ఉంటోనిద్. పైగా కూటమి ప్రభుత్వంలో బీజేపీ కూడా భాగస్వామి. మరి ఈ పరిధులు పరిమితులు తెలుసుకుని బీజేపీ కొత్త అధ్యక్షుడు పనిచేయాల్సి ఉంటుంది.

ఏపీలో కూడా అంగబలం అర్ధబలం కలిగిన నేతలు ఎంతో మంది ఉన్నారు. కానీ మాధవ్ కి చాన్స్ ఇచ్చారు. ఆ విధంగా విధేయతకు పెద్ద పీట అని చెబుతున్నా మాధవ్ బీజేపీని ఉత్తరాంధ్రాలో అయినా బలోపేతం చేయాల్సి ఉంటుంది. మొత్తానికి ఏపీలో తెలంగాణాలో ఈ రెండు ఎంపికలూ పార్టీ క్యాడర్ ని అయితే కొంత ఆలోచనలో ఉంచాయని అంటున్నారు. చూడాలి మరి అటు రాముడు ఇటు మాధవుడు తమ పనితీరుతో ఏ విధంగా ఆకట్టుకుంటారో. ఏమేమి చేసి కమలాన్ని ముందుకు నడిపిస్తారో. బీజెపీకి రానున్న రోజులల్లో ఏ రకమైన శుభవార్తలు చెబుతారో.

Tags:    
  • BJP 
  • TelanganaPolitics 
  • APPolitics 
  • RamachandraRao 
  • PVNMadhav 
  • BJPLeadership 
  • TeluguStates 
  • PoliticalStrategy 
  • RSSInfluence 
  • BJPHighCommand 

Similar News

లక్ష కోట్ల సామ్రాజ్యానికి ఏకైక రారాజు.. మేఘా కృష్ణారెడ్డి విజయ ప్రస్థానంలో చరిత్రాత్మక మైలురాయి..

2026-11-19 13:40 GMT

వైసీపీలో 'యాక్టింగ్' ఇన్‌ఛార్జ్‌ల మాయాజాలం ?

2026-11-19 13:37 GMT

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

Copyright @2026

Powered by Blink CMS