లోకేష్ కు బాబే విలన్.. బాంబు పేల్చిన ఓవైసీ!

తెలంగాణ రాజకీయాల్లోనే కాదు, ఆంధ్రప్రదేశ్ రాజకీయాల్లోనూ హాట్ టాపిక్‌గా మారిన అంశం... టీడీపీ భవిష్యత్ నాయకత్వంపై హైదరాబాద్ ఎంపీ అసదుద్దీన్ ఓవైసీ సంచలన వ్యాఖ్యలు చేశారు. ఓవైసీ చేసిన వ్యాఖ్యలు ఇప్పుడు సామాజిక మాధ్యమాల్లో వైరల్‌గా మారాయి. ముఖ్యంగా చంద్రబాబు, లోకేష్, జూనియర్ ఎన్టీఆర్ పేర్లు ప్రస్తావించడంతో తెలుగు రాష్ట్రాల్లో ఈ వ్యాఖ్యలు చర్చనీయాంశమయ్యాయి.

-చంద్రబాబుకు ఓవైసీ కీలక సూచన

ఎంఐఎం పార్టీ సమావేశంలో ప్రసంగించిన ఓవైసీ, నారా లోకేష్ ప్రస్తావన తీసుకొచ్చారు. “ఇప్పటికే చంద్రబాబు గారు సుదీర్ఘంగా పదవులు అనుభవించారు. ఇక రాజకీయ ప్రస్థానానికి ముగింపు పలికే సమయం వచ్చింది. లోకేష్‌ను ముందుకు నడిపించండి. లేకపోతే ఆయన భవిష్యత్తును మీ చేతుల మీదుగా నాశనం చేస్తారు" అంటూ వ్యాఖ్యానించారు. దీంతో చంద్రబాబు తండ్రిగా, నాయకుడిగా తీసుకోవాల్సిన నిర్ణయంపై ప్రశ్నలు తలెత్తుతున్నాయి.

-జూనియర్ ఎన్టీఆర్ పేరు ప్రస్తావన

ఓవైసీ ప్రసంగంలో జూనియర్ ఎన్టీఆర్ పేరు ప్రస్తావించడంతో సభలో కాసేపు హోరెత్తింది. “ప్రస్తుతం ఎన్టీఆర్ రాజకీయాల్లో లేరు కదా..? కానీ ఆయనకీ పాపులారిటీ ఉందని చెబుతున్నారు. ఆయన రాజకీయాల్లోకి వచ్చినా, లోకేష్‌కి పోటీ అయినా అవుతారా?" అంటూ ఓవైసీ అనడం గమనార్హం. ఈ వ్యాఖ్యలతో ఎన్టీఆర్ రాజకీయ రీ ఎంట్రీపై కూడా ఊహాగానాలు ఊపందుకున్నాయి.

-ఓవైసీ వ్యాఖ్యల వెనుక అసలేముంది?

ఓవైసీ ఈ వ్యాఖ్యలు ఎందుకు చేశారు? చంద్రబాబు ఇటీవల తెలంగాణలో తెలుగుదేశం పార్టీ పునర్నిర్మాణంపై ఇచ్చిన హింట్‌కి ఇది రియాక్షనా? లేదా 2024 ఎన్నికల సమయంలో ఎంఐఎం జగన్‌కు పరోక్ష మద్దతునిచ్చిందన్న ఆరోపణల నేపథ్యంలో తాను 'తెదేపా వ్యూహంపై' సూచనలిచ్చారా? అనే ప్రశ్నలు జ్వలిస్తున్నాయి.

-లోకేష్ నాయకత్వానికి అవకాశం ఇవ్వాలని సూచన

"చంద్రబాబు ఎన్నాళ్ళైనా బాధ్యతలు వహించారు. ఇప్పుడు నారా లోకేష్‌కు బాధ్యతలు అప్పగించాలి. యువతకే అవకాశం ఇవ్వాలి. చంద్రబాబు ఇంకా కొనసాగితే లోకేష్ భవిష్యత్తు నాశనం కావచ్చు" అని ఓవైసీ తన వ్యాఖ్యల్లో స్పష్టం చేశారు. అయితే ఓవైసీ ఈ మాటల ద్వారా ఏ పార్టీకి ఏమిటీ సంకేతాలు ఇచ్చారన్నది మాత్రం స్పష్టంగా తెలియరాలేదు.

ఓవైసీ వ్యాఖ్యలతో తెలుగుదేశం పార్టీలో నాయకత్వ మార్పు అంశం మరోసారి తెరపైకి వచ్చింది. నిజంగానే చంద్రబాబు రిటైరయ్యే సూచనలు ఉన్నాయా? లోకేష్ పూర్తి బాధ్యతలు స్వీకరించనున్నారా? లేదా జూనియర్ ఎన్టీఆర్‌కు రాజకీయ అవకాశాలు తలుపుతట్టనున్నాయా? అన్నదిపై వచ్చే రోజుల్లో స్పష్టత రానుంది.